পলকতে সুখ দুখৰ বতৰা

সুখৰ খবৰঃ

১. এছিয়ান বক্সিং চেম্পিয়নশ্বিপত চেম্পিয়ন হ’ল অসমৰ শিৱ থাপাঃ ১৯বছৰীয়া অসমীয়া যুৱকৰ সাফল্যত দেশৰ লগতে ৰাজ্যৰ ক্ৰীড়ামোদীৰ মাজত উল্লাসৰ ঢৌ ৷

২. দেশৰ বানপীড়িতলৈ সুখবৰঃ মহাৰাষ্ট্ৰৰ মানৱ ৰচনা আন্তঃৰাষ্ট্ৰীয় বিশ্ববিদ্যালয়ৰ ছাত্ৰই সাজি উলিয়ালে পানীৰ ওপৰেৰে চলিব পৰা চাইকেল, কঢ়িয়াই নিব পাৰিব ৭৫ কেজি পৰ্যন্ত ওজন ৷

৩. চীনত দুৰ্নীতিৰ অভিযোগত এজন প্ৰাক্তন ৰেল’মন্ত্ৰী লিউ ঝিজুনক ফাঁচীৰ নিৰ্দেশঃ ৰেল’ৱে আধুনিকীকৰণৰ কামত লৈছিল উৎকোচ ৷

৪. অসমীয়া নাৰীলৈ সুখবৰঃ নিৰাপত্তা দিবলৈ ছদ্মবেশত ঘুৰিছে সমৰ কলাৰে সু-প্ৰশিক্ষিত অসম আৰক্ষীৰ "বীৰংগনা", থানাই থানাই লাগিছে চি.চি.টিভি কেমেৰা৷

৫. কিৰ্গিস্তানৰ বিচকেকত এছিয়ান জুনিয়ৰ ভাৰোত্তোলন চেম্পিয়নশ্বিপত ৰূপ আৰু ব্ৰঞ্জৰ পদক জয়েৰে গৌৰৱ কঢ়িয়ালে দুই অসমীয়া ক্ৰীড়া প্ৰতিভা অপূৰ্ব চেতিয়া আৰু পাপুল চাংমাইয়ে ৷

৬. এছিয়ান এথলেটিকছ চেম্পিয়নশ্বিপত মহিলাক ৪x৪০০ ৰীলেত ভাৰতীয় দলে জয় কৰিলে স্বৰ্ণঃ পুনেত অনুষ্ঠত প্ৰতিযোগিতাখনত পদকৰ তালিকাত এতিয়া ভাৰতৰ স্থান ষষ্ঠ৷

৭. বান আৰু গৰা খহনীয়াক ৰাষ্ট্ৰীয় সমস্যা হিচাপে ঘোষণাৰ দাবীত যোৰহাটীত অসম জাতীয়তাবাদী যুৱ-ছাত্ৰ পৰিষদে চলালে গণ স্বাক্ষৰ অভিযান ৷

৮. অৱেশষত ঝংকাৰ শইকীয়াৰ পৰিয়াললৈ চৰকাৰী সহানুভূতিঃ মুখ্যমন্ত্ৰীয়ে দিবলৈ নিৰ্দেশ দিলে তিনি লাখ টকাৰ ক্ষতিপূৰণ৷

৯. আজিৰ পৰা পবিত্ৰ ৰমজানৰ ৰোজাঃ মুখ্যমন্ত্ৰীয়ে জনালে শুভেচ্ছা ৷ অসমীয়াৰ সুখ দুখৰ তৰফৰ পৰাও ইছলাম ধৰ্মাৱলম্বী ৰাইজলৈ জ্ঞাপন কৰিছো শুভেচ্ছা ৷

১০. জেফৰি-জাৰভেজ শইকীয়া সোঁৱৰণী সদৌ অসম আমন্ত্ৰণমূলক কাবাদীৰ সফল সামৰণিঃ গুৱাহাটী চূড়ান্ত বিজয়ী৷

১২. গুৱাহাটী বিশ্ববিদ্যালয়ৰ সমাবৰ্তনত ৰাজ্যপাল পাটনায়কে তুলিলে প্ৰস্তাৱঃ মহিলাৰ শিক্ষা হওক, বিশ্ববিদ্যালয় পৰ্যায়লৈকে বিনামূলীয়া৷

১৩. সকলো নথি পত্ৰ জমা দিবলৈ নিৰ্দেশঃ এইবাৰ মুখ্যমন্ত্ৰীৰ কাৰ্যালয়ে নিৰ্ধাৰণ কৰিব অসমত কুকুৰা-কণী-মাছৰ দাম৷

১৪. ভাৰতৰ প্ৰতিৰক্ষা মন্ত্ৰীৰ সতে চীনৰ বৈঠকত সিদ্ধান্তঃ হট-লাইন টেলিফোন স্থাপন কৰা হব দুয়োদেশৰ সীমান্ত নিৰাপত্তাৰ কাৰ্যালয়ৰ মাজত ৷

১৫. বিহাৰৰ বৌদ্ধ মন্দিৰ আক্ৰমণৰ ঘটনাৰ পাছত গুৱাহাটীৰ কামাখ্যা মন্দিৰত গঢ়ি তোলা হৈছে কটকটীয়া নিৰাপত্তা ব্যৱস্থা ৷

চিন্তনীয় খবৰঃ

১. সৰ্ব-ভাৰতীয় পৰ্যায়ত অৱনমিত হৈছে গুৱাহাটী বিশ্ববিদ্যালয়ৰ স্থানঃ বিগত বছৰৰ ২৪তম স্থানৰ পৰা অৱনমিত হ’ল ৩৪সংখ্যক স্থানলৈ ৷

২. উৎসৰ সতে আকাশ পাতাল পাৰ্থক্য দামৰঃ খাদ্য সামগ্ৰীৰ ব্যৱসায়ত অত্যাধিক লাভ আদায়েৰে চলিছে লুণ্ঠন৷ খাদ্য আৰু যোগান বিভাগলৈ উঠিল প্ৰতি ব্যৱস্থা গ্ৰহণৰ অভিযোগ ৷ তদন্তৰ নামতো বিভাগে চলাইছে ভেকোঁভাওনা ৷

৩. এইবাৰ গাহৰিৰ দেহত ওলাইছে বিষাক্ত পি আৰ আৰ এছ ভাইৰাছঃ মিজোৰামত সৃষ্টি হোৱা আতংকত গুৱাহাটীলৈ আমদানি বন্ধ কৰিলে প্ৰশাসনে ৷

৪. শান্তিকামৰ অপসাৰণৰ দাবীত অটল হৈ আছে আছুঃ এইবাৰ বিভিন্ন জিলালৈ বিয়পিছে আছুৰ আন্দোলন৷

৫. অহা ১৫জুলাইৰ পৰা হব অনাগত বিধান সভা অধিবেশনঃ সদনত নাথাকিব বিৰোধীৰ ঐক্য ৷

৬. এইবাৰ নলবাৰীত অখিল গগৈৰ নতুন ভাষণঃ শোষণ চলি থাকিলে গাঁৱৰ লোকে তুলি লবই অস্ত্র ৷

৭. মাজুলীত জিঅ’ বেগৰ পৰিবৰ্তে বালিভৰ্তি বস্তাঃ ক্ষোভিত মাজুলীবাসীয়ে জ্বলালে শ শয়ে বস্তা, ব্ৰহ্মপুত্ৰ বৰ্ডৰ বিৰুদ্ধে উত্তাল জনতা ৷

৮. মঞ্চত একেলগে বহিল গগৈ-হিমন্তঃ  শিশু-মাতৃৰ পুষ্টি সাধনৰ আঁচনি ব্যপাক কৰিবলৈ নিৰ্দেশ দিলে মুখ্যমন্ত্ৰীয়ে ৷

৯. সাংগঠনিক ভেটিত নাই প্ৰাক্তন সাংসদ ডাঃ অৰুণ শৰ্মাৰ গুৰুত্বঃ লখিমপুৰ লোকসভা সমষ্টিত এইবাৰ অগপৰ প্ৰাৰ্থীৰূপে প্ৰক্ষেপিত হৈছে ছালফা নেতা হৰিপ্ৰসাদ দিহিঙীয়াৰ নাম৷

১০. সাংবাদিৰ ওপৰত আক্ৰমণৰ ঘটনা, অভিযুক্ত তিনি যুৱ কংগ্ৰেছীক গ্ৰেপ্তাৰ কৰি জেল’লৈ প্ৰেৰণঃ ঢেকীয়াজুলিত সাংবাদিকৰ বিশাল প্ৰতিবাদী সমদল৷

১১. চিয়াঙ-২ প্ৰকল্পৰ বাবে বুজাবুজিৰ চুক্তিত স্বাক্ষৰ নীপকোৰেঃ নদী-বান্ধ বিৰোধীলৈ বুঢ়া আঙুলি দেখুৱাই ৪৪হাজাৰ মেগাৱাটৰ বাবে ১৫৪খন চুক্তি ৷