পলকতে সুখ দুখৰ বতৰা - অসমীয়াৰ সুখ-দুখ

ইউনিকোডত প্ৰকাশিত অনলাইন দৈনিক

test banner
xukhdukh.com ভাল খবৰ, ভাল সমল
পলকতে সুখ দুখৰ বতৰা

পলকতে সুখ দুখৰ বতৰা

Share This
সুখৰ খবৰ
১. অসম সাহিত্য সভাৰ প্ৰশংসনীয় পদক্ষেপঃ সাহিত্যৰথীৰ ডেৰশ বছৰীয়া জন্ম-জয়ন্তীৰ অনুষ্ঠান অনুষ্ঠিত কৰিব নতুন দিল্লীতোঃ উদ্বোধন কৰিবলৈ আমন্ত্ৰণ জনালে ৰাষ্ট্ৰপতি প্ৰণৱ মুখাৰ্জীক ৷

২. ডাইনী সন্দেহত হত্যা তথা কু-সংস্কাৰৰ বিৰুদ্ধে জোৰদাৰ হব অভিযানঃ আশ্ৰয় গৃহ আৰু কুটীৰ শিল্পৰ কেন্দ্ৰ গঢ়িবলৈ "মিছন বীৰুৱালা"লৈ দুধনৈত জিলা প্ৰশাসন আগবঢ়ালে পাঁচ বিঘা মাটি৷

৩. প্ৰৱাসী ভাৰতীয়ই আমেৰিকাত উদযাপন কৰিব ভাৰতৰ স্বাধীনতা দিৱসঃ আন্না হাজাৰেক গান্ধীবাদৰ প্ৰচাৰ তথা বাখ্যাৰ বাবে জনালে আমন্ত্ৰণ, অংশ গ্ৰহণ কৰিব বাৰ্ষিক ভাৰতীয় পেৰেডটো ৷

৪. গঠিত হ’ল অসম সাহিত্য সভাৰ আগন্তুক কলিয়াবৰ অধিৱেশনৰ আদৰণী সমিতি ৷

৫. সমাজ কল্যাণ বিভাগে গ্ৰহণ কৰিব পদক্ষেপঃগঠন হব মহিলা সভা, সাপ্তাহিক বৈঠকত প্ৰশিক্ষণ দি উপাৰ্জনমুখী কৰ্মত নিয়োজিত কৰিব গাঁৱৰ মহিলা সকলক ৷

৬. ভাষা আন্দোলনৰ শ্বহীদ সূৰ্য বৰাৰ সোঁৱৰণত বিশ্বনাথ চাৰিআলিত আয়োজিত হৈছে সদৌ অসম ভিত্তিত একাংকিকা নাট প্ৰতিযোগিতাৰঃ ৮-১০ নৱেম্বেৰলৈ হব লগা প্ৰতিযোগিতাৰ পাণ্ডুলিপি জমা কৰাৰ শেষ দিন অহা ৩১আগষ্ট ৷

৭. পঞ্চাশজন কৃষকক তাই আহোম উন্নয়ন পৰিষদৰ পুঁজিৰে পাৱাৰ টিলাৰ বিতৰণ কৰি কৃষি মন্ত্ৰীয়ে কৰিলে ঘোষণাঃ অসমৰ কৃষি উৎপাদন বৃদ্ধি পাইছে ৬.৬১ শতাংশ ৷

৮. ৰাজপত্ৰত "বঙাইগাঁও" নামৰ উৎপত্তিৰ বিকৃতকৰণ সন্দৰ্ভত সমাধান সূত্ৰ তথা সত্যতাৰ সন্ধানত বঙাইগাঁৱ জিলা ছাত্ৰ সন্থাই আয়োজন কৰে আলোচনাচক্ৰৰ ৷

৯. জাঁজীত কৃষক ন্যাসৰ বঁটা প্ৰদান অনুষ্ঠানঃ জামুগুৰি নাট্য সমাজলৈ পাঁচ লাখ টকাৰ অনুদান ঘোষণা কৰিলে বিধায়ক অঞ্জন দত্তই৷

১০. চীনে দেখুৱাইছে মৈত্ৰী আৰু ব্যৱসায়িক সম্ভাৱনাওঃ অন্ধ্ৰ প্ৰদেশত চীনে বিনিয়োগ কৰিব ১৬০বিলিয়ন ডলাৰ ৷

১১. এইবাৰ আহি আছে শিক্ষা খণ্ডত পাব্লিক-প্ৰাইভেট পাৰ্টনাৰশ্বিপ মডেলৰ বিদ্যালয়ঃ চৰকাৰৰ সৈতে হাত মিলাই বিনিয়োগ কৰিবলৈ আগবাঢ়ি আহিছে বিভিন্ন বাণিজ্যিক সংস্থা ৷

১২. ৰাজ্যৰ মুছলিম সমাজক একত্ৰিত কৰাৰ উদ্দেশ্যে আত্মপ্ৰকাশ কৰিলে অসম মুছলিম যুৱ ছাত্ৰ পৰিষদে ৷

চিন্তনীয় খবৰঃ
১. মাত্ৰ চাৰি হাজাৰ টকাৰ বাবে মৰিয়াই মৰিয়াই এজনক হত্যাঃ বেলতলা জয়ানগৰৰ ঘটনা ৷

২. চিকিৎসকৰ বাংলোৰ চাৰিবেৰত আছিল বিদ্যুতঃ বিদ্যুতপৃষ্ঠ হৈ মৃত্যু হোৱা কিশোৰৰ মৃতদেহ পৰিয়ালে লোৱা নাই চজমি, আমগুৰি টিফুক চাহি বাগিচাত বিৰাজ কৰিছে চেপা-উত্তেজনাই৷

৩. লখিমপুৰত সকামৰ জলপান খাই আক্ৰান্ত হ’ল ১৬জনঃ পকা কঠাল, ভজা পিঠাগুৰিআৰু মহৰ গাখীৰ গ্ৰহণ কৰিছিল প্ৰসাদৰূপে ৷

৪. কেগৰ প্ৰতিবেদনে উদঙালে তথ্যঃ ডিফুৰ যুটীয়া স্বাস্থ্য সঞ্চালকে কৰিলে ১.৯৯কোটিৰ কৰ্তৃত্বহীন ব্যয়৷

৫. লাডাখত পুনৰ সীমাৰ ভিতৰলৈ সোমাই আহিল চীনা বাহিনীঃ আক্ৰমণৰ হুংকাৰ পায় ভাৰতেও কৰিছে সমৰ প্ৰস্তুতি ৷

৬. বিসম্বাদ ৰোধ তথা মন্ত্ৰী সভাৰ সাল-সলনিৰ দাবীৰে নতুন দিল্লীলৈ যাব ৩৫জনকৈ জ্যেষ্ঠ বিধায়কঃ আঠজন বিধায়কৰ প্রথমটো দলে লগ কৰিব হাইকামাণ্ডক৷

৭. চিৰাঙত পুনৰ ব্যৱসায়ীক অপহৰণঃ ধনদাবী-অপহৰণৰ বিৰুদ্ধে আজি বাঙালী ফেডেৰাশ্যনৰ প্ৰতিবাদ চিৰাং-কোকৰাঝাৰ-বঙাইগাঁৱত ৷

৮. পশ্চিমবংগত পঞ্চয়ত নিৰ্বাচনক লৈ উত্তপ্ত পৰিস্থিতিঃ ১০০ঘৰ ধ্বংসস্তুপত পৰিণত, নিহত ১৩জন৷

৯. গোৱালপাৰাস্থ শিশুগৃহত শিশুক অত্যাচাৰৰ বাতৰিঃ শিশুৰ পলায়নৰ ঘটনাৰ পাছত বৰ্খাস্ত হ’ল দুই কৰ্মচাৰী ৷

১০. নগাঁৱত ১৭৪ টা বেগত লুকুৱাই ৰখা বুজন পৰিমানৰ চিলিকন উদ্ধাৰঃ ৯লাখ টকাৰ চিলিকন সহ চোৰাং ব্যৱসায়ীও গ্ৰেপ্তাৰ ৷

No comments:

Post a comment