লোকেল গুজৱ.কম - অসমীয়াৰ সুখ-দুখ

xukhdukh.com :: Asomiyar xukhdukh - অসমীয়াৰ সুখ-দুখ :: ইউনিকোডত প্ৰকাশিত প্ৰথম অসমীয়া অনলাইন দৈনিক :: প্ৰতিদিন আপডেট | Content Rich Assamese online Daily / portal /e magazine: ভাল খবৰ, প্ৰৱন্ধ, বিশ্লেষণ, গ্ৰন্থ-আলোচনা, হাস্য-ব্যংগৰে সমৃদ্ধ...

মহীৰূহৰ লেখা

লোকেল গুজৱ.কম

লোকেল গুজৱ.কম

Share This
(হাস্য ব্যংগৰে সত্যৰ সন্ধান)
১. হাজোত বিদ্যুত যোগান নিয়মীয়া কৰাৰ দাবীৰে বিজুলী মন্ত্ৰীৰ প্ৰতিকৃতি দাহ কৰাৰ বাতৰি৷ লাইট নাথাকিলে এনে জুই দুই একুৰা ধৰিয়ে নিয়মীয়াকৈ ঠাইবোৰ পোহৰ কৰি ৰখাৰ বাহিৰে উপায় নাই বুলি প্ৰতিবাদকাৰীয়ে কৰিলে মত প্ৰকাশ৷
হাজোত আৱিস্কৃত পোহৰৰ
নতুন উৎস
২. বিমান বন্দৰত গ্ৰেপ্তাৰ হ’ল পলাতক কলেজৰ অধ্যক্ষ,  অন্ততঃ নিজৰ ষ্টেণ্ডাৰ্ড বজাই ৰাখিলে বুলি অধ্যক্ষ পৰিষদৰ সন্তোষ প্ৰকাশ৷ পৰিত্যক্ত ৰেলৱে ডবাৰ পৰা উদ্ধাৰ নহৈ সন্মান ৰক্ষা কৰাৰ বাবে জ্ঞাপন কৰিলে ধন্যবাদ৷ কেলেংকাৰী, জালিয়াতি আজিৰ সমাজৰ অবিচ্ছেদ্য অংগই, সেয়া মানি লব পাৰি, কিন্তু ব্যক্তিগত জীৱনত ষ্টেণ্ডাৰ্ড ডাউন কৰাটো মানি লব নোৱাৰি বুলি কৰিলে মন্তব্য৷

৩. অসমত ঘূৰি ফুৰিছে ১০হাজাৰতকৈ অধিক এইডছ ৰোগী৷ পঞ্জীয়ন-প্ৰতিৰোধ অবিহনেই দৈনিক ৰোগ বিয়পাইছে বুলি ছপা হ’ল সংবাদ শিৰোনাম৷ চৰিত্ৰহীন লোক সকলে এইডছক একোটা সুযোগ দিয়াৰ বাবেই এই প্ৰসাৰতা সম্ভৱ হোৱা বুলি বিশ্লেষকে জনাইছে৷ কনডমে নহয়, নৈতিক শিক্ষাইহে এইৰোগ প্ৰতিৰোধত সহায় কৰিব বুলি এইডছ কণ্ট্ৰ্ল বিভাগক চৰিত্ৰ পাঠৰ কিতাপ ছপাই বিলাবলৈ বুলিও আহ্বান জনাইছে৷

৪. তিনি টকাত চাউল কিনি ৯০ টকাৰ ডালি কিনিব নোৱাৰা বাবে পদুম পাৰ্টিত যোগদান কৰিলে অন্তোদ্যয়া হিতাধিকাৰী সংঘই৷ সৰ্ব-এনজয় সোনোৱালে দিলে তিনি টকীয়া দালি ভাত খুওৱাৰ লোভনীয় প্ৰতিশ্ৰুতি৷ অতি সোনকালে পাৰ্টিত যোগ দিলে ১ কেজিকৈ পিয়াঁজ বিনামূলীয়াকৈ দিয়াৰ বাবে অফাৰ কৰিলে জাৰি৷ এই অফাৰ ষ্টক থকালৈহে প্ৰযোজ্য হব বুলিও কৰিলে ঘোষণা৷

৫. সম্ভৱ নহয় হেনো বড়োলেণ্ড৷ ইমান দিনে এই কথাষাৰকে কিয় নাছিল বুলি হাংগামাক প্ৰশ্ন তুলিলে ৰিপুদমন বৰাই৷ আগতেই কথাষাৰ কোৱা হ’ল ইমান শ্বহীদ, ভাই-ভনী হত্যা ৰোধ কৰিব পাৰিলেহেতেন বুলিও কৰিলে গুৰুত্বপূৰ্ণ মন্তব্য৷ এনেকৈ কেতিয়াবা ৰাজনীতিৰ উৰ্ধত সত্য বচন বোলাৰ প্ৰশংসনীয় পদক্ষেপ আন ৰাজনেতা সকলেও শিকি লব লাগে বুলিও আগবঢ়ালে পৰামৰ্শ৷

৬. ভুৱা ৰেচন কাৰ্ড কেলেংকাৰীত খাদ্য যোগান বিভাগে লেহেম কৰি থকাৰ বাবে ভুয়সী প্ৰশংসা কৰিলে ভুৱা হিতাধিকাৰী সন্থাই৷ দেশত ইমান ডাঙৰ ডাঙৰ কেলেংকাৰী থাকোতে সৰু চাউল, কেৰাচিনৰ কাৰ্ডৰ কেলেংকাৰী ধৰি নাটক নকৰিলেও হব বুলি দোহাৰিলে সন্থাৰ সভাপতিয়ে৷ 

৭. বিমানকোঠ কেলেংকাৰীৰ তদন্তৰ বাবে ডিব্ৰুগড় পালেগৈ ক্লীন চিট ব্যুৰো অৱ ইণ্ডিয়াৰ দল৷ সঠিক কমিচনৰে বুজাবুজি নকৰিলে কোনো অপৰাধীকে ক্লীন চিট নিদিয়ে বুলি সঁকিয়াই দিলে দলটোৰ নেতাই৷ কমদামত ৰাজী হোৱাৰ প্ৰশ্নই নুঠে, তেনে অফাৰ পালে ৰাইজেকই ন্যায় প্ৰদান কৰি দিব বুলিও প্ৰকাশ কৰিলে শলাগনীয় মন্ত্বব্য৷

৮. অংগনবাড়ী কেন্দ্ৰলৈ যোগান ধৰা নিম্নমানৰ চাউল-দালিৰ নুমনা দিলে সঞ্চালকক৷ সঞ্চালকৰ পৰা কমিচন কম খোৱাৰ প্ৰতিশ্ৰুতি বিচৰাৰ দাবীত অক্ষুন্ন হৈ থাকিল সহায়িকা সন্থা৷ লক্ষ্মী দেৱীৰ আশীষত কৰ্তন কৰিবলৈ  দাবী কৰাক লৈ সঞ্চালক গৰম হোৱাৰ খবৰ৷ দিছপুৰে খোৱা কমালেহে তেখেতে কমাব পাৰিব বুলি কৰিলে ভাষ্য প্ৰকাশ৷

৯. কমলাপুৰত বিসম্বাদীৰ মাৰত আহত হ’ল এজন যুৱ কম-বেছি৷ কইনাধৰাৰ কমলা মিঠা বুলি কোৱাৰ বাবেই কম-বেছি কৰ্মীজনৰ ওপৰত বিসম্বাদী সকল গৰম হৈ পৰাৰ খবৰ৷ তেখেত সকলে সেই কমলা টেঙা বুলি সৰ্বসন্মত ভাৱে প্ৰস্তাৱ গৃহীত কৰাৰ বাবেই তাত সমবেত হোৱাৰ খবৰ৷ কম-বেছিৰ মাজত এনে মাৰপিট অতিশয় পাৰম্পৰিক আৰু কম-বেছি পৰম্পৰাৰ অংশ বুলিও স্থানীয় সভাপতিয়ে মত প্ৰকাশ কৰিছে৷ 

১০. পুনৰ অধিবক্তাই তুলি ল’লে আইন, যোৰহাটত আদালততে পুলিচক কৰিলে প্ৰহাৰ৷ বিধায়ক চাৰৰ পথেৰেই তেওঁলোক আগবঢ়া বুলি কৰিলে মত প্ৰকাশ৷ বাৰৰ চুকত গৈ আত্মগোপন কৰি গ্ৰেপ্তাৰৰ পৰা সাত সাৰিব বিচৰা কাৰ্যকো বিধায়কেও বাৰত বহাৰ লগত কৰিলে তুলনা৷

No comments:

Post a Comment