সম্পাদকলৈ চিঠি - অসমীয়াৰ সুখ-দুখ

xukhdukh.com :: Asomiyar xukhdukh - অসমীয়াৰ সুখ-দুখ :: ইউনিকোডত প্ৰকাশিত প্ৰথম অসমীয়া অনলাইন দৈনিক :: প্ৰতিদিন আপডেট | Content Rich Assamese online Daily / portal /e magazine: ভাল খবৰ, প্ৰৱন্ধ, বিশ্লেষণ, গ্ৰন্থ-আলোচনা, হাস্য-ব্যংগৰে সমৃদ্ধ...

মহীৰূহৰ লেখা

সম্পাদকলৈ চিঠি

সম্পাদকলৈ চিঠি

Share This
সোণালী জয়ন্তী বৰ্ষত ধেমাজি মহাবিদ্যালয়

ড° বুলজিৎ বুঢ়াগোহাঁই
উত্তৰ অসমৰ ধেমাজি জিলাত ১৯৬৫চনৰ আগষ্ট মাহৰ ১তাৰিখে প্রতিষ্ঠা হোৱা ধেমাজি মহাবিদ্যালয়ে আজি(১ আগষ্ট,২০১৪) সোণালী জয়ন্তী বৰ্ষত ভৰি দিছে ।
স্বৰ্গীয় সুকোমল বড়া , স্বৰ্গীয় পুষ্পধৰ পেগু, স্বৰ্গীয় মহেন্দ্র দিহিঙ্গীয়া, স্বৰ্গীয় মহেন্দ্র লাহন, স্বৰ্গীয় সুৰেণ গগৈ,স্বৰ্গীয় বাহাদুৰ কলিতা, স্বৰ্গীয় মুকুন্দ গোহাঁই, স্বৰ্গীয় নগন দত্ত,স্বৰ্গীয় মহেশ্বৰ পাচনি,স্বৰ্গীয় জগত গোহাঁই,পদেধৰ দেউৰী, ভৱেন চন্দ্র পেগু , সহদেৱ দাস, সূৰ্য আগৰৱালা, ললিত চুতীয়া , চন্দ্র গোহাঁই , উমেশ চেতিয়া আদি ব্যক্তিসকলৰ প্রচেষ্টাত মহাবিদ্যালয়খন স্থাপন হৈছিল। কলা শাখাৰে আৰম্ভ কৰা ধেমাজি মহাবিদ্যালয়ত ১৯৭৬চনত বিজ্ঞান শাখা মুকলি কৰা হয়।

ধেমাজি মহাবিদ্যালয়ৰ প্রতিষ্ঠাপক অধ্যক্ষ হ’ল ভৱেন পেগু আৰু বৰ্তমানৰ অধ্যক্ষ হ’ল ড°বুদ্ধিন্দ্র বৰুৱা। বৰ্তমান ধেমাজি মহাবিদ্যালয়ত ১৫টা বিভাগ আছে । বিভাগবোৰ হ’ল – অসমীয়া , অৰ্থনীতি বিজ্ঞান, শিক্ষাতত্ত্ব, ইংৰাজী , বুৰঞ্জী, দৰ্শন, ৰাজনীতি বিজ্ঞান, সমাজশাস্ত্র , গণিত , পদাৰ্থ বিজ্ঞান , উদ্ভিদ বিজ্ঞান, প্রাণী বিজ্ঞান, ৰসায়ন বিজ্ঞান, ইলেক্ট্রনিকচ্ আৰু কম্পিউটাৰ চাইন্স এণ্ড এপ্লিকেশ্বন ।

ধেমাজি মহাবিদ্যালয়ে বিশ্ববিদ্যালয় অনুদান আয়োগৰ পৰা উৎকৰ্ষতাৰ কেন্দ্রৰ হিচাপে স্বীকৃতি লাভ কৰিছে। ধেমাজি মহাবিদ্যালয়ে ছাত্র-ছাত্রীসকলৰ শৈক্ষিক দিশৰ বিকাশৰ লগতে বৌদ্ধিক, শাৰীৰিক,আধ্যাত্মিক, মানসিক দিশৰ বিকাশৰ বাবেও বিশেষ ভূমিকা পালন কৰি আহিছে। ধেমাজি মহাবিদ্যালয়ৰ ছাত্র-ছাত্রীসকলে শৈক্ষিক দিশৰ লগতে সমাজ জীৱনৰ বিভিন্ন দিশ যেনে- সাহিত্য, বিজ্ঞান, সঙ্গীত, নাটক, সাংবাদিকতা, কৃষি, উদ্যোগ, ব্যৱসায়, ৰাজনীতি, ক্রীড়া, চিত্র-ভাস্কর্য্য আদিলৈ বৰঙণি আগবঢ়োৱা বঢ়াবলৈ সক্ষম হৈছে । ধেমাজি মহাবিদ্যালয়ৰ উত্তৰণ কামনা কৰিছোঁ।

No comments:

Post a Comment