ঘৰতে বহি নিৰ্যাতিতাই দিব পাৰিব
পুলিচ অভিযোগ
![](https://blogger.googleusercontent.com/img/b/R29vZ2xl/AVvXsEhBG65tZ9-amPzNW_t52qYVV9KtUIOodpoRqUvsR4fPMWuVfIFwcADWLnJT1QpPuw_MepTkl4WarE0yPc0_gejTHKrzOyGlY9LOW0zOXOPRkv3bCfiiluWFe3JqDoNxsnYMOK6qQbWi4bg/s1600/4.jpg)
![](https://blogger.googleusercontent.com/img/b/R29vZ2xl/AVvXsEhUV0OOb8yaAV2ixWVhEUcYBlBjYIWhOhGLn30smI4KaqZ5Ds8Dv8SjP3yQu7Fp9a4AdPz-EeowSg29qFGERCINdQng9CFU9VUZ5XKqLZYk3Zdr5tH6B7UgkYMRjZHUOZ3w_FL8HjC2f4A/s1600/3.jpg)
এই পদক্ষেপ গ্ৰহণৰ লগতে তেখেতে মহানগৰখনিত কোনো মহিলা বা শিশু নিৰুদ্দেশ সম্বন্ধীয় ঘটনাৰ ক্ষেত্ৰত পৰিয়ালে মুম্বাইৰ যি কোনো থানাতে অভিযোগ দাখিল কৰিব পৰা ব্যৱস্থা কৰিছে বুলিও জনাইছে৷ এই এফ.আৰ.আই পাছত সম্বন্ধিত পুলিচ থানালৈ ট্ৰেঞ্চফাৰ কৰি পঠিওৱাৰ ব্যৱস্থা হব৷ প্ৰতিখন থানাতে অভ্যৰ্থনা কোষক সক্ৰিয় কৰাৰ লগতে মহিলা আৰু জ্যেষ্ঠ নাগৰিকৰ বাবে বিশেষ ডেক্স ৰখাৰো নিৰ্দেশ দিছে৷ মহিলা বা জ্যেষ্ঠ নাগৰিক অভিযোগ দাখিলৰ বাবে আহিলে কৰ্তব্যৰত বিষয়াৰ তালৈ অভ্যৰ্থনাকাৰীয়ে লৈ যাব আৰু অভিযোগ লিপিবদ্ধ কৰি পদক্ষেপ লোৱাৰ ব্যৱস্থা কৰি দিয়াৰো পদক্ষেপ লব বুলি প্ৰকাশ কৰিছে৷
![](https://blogger.googleusercontent.com/img/b/R29vZ2xl/AVvXsEgNiwZsJkDF7y56z3AgzSHeUGZBV_IRHmkvkSpnBxG3uIT-GsbqhFqUV7TDiNEbk7RndBcFhb56j_TWVD4fdyOXO2RMgd-MTn36KRPb-mrGzqUsyKu5w4ivrcJu4d1gdfleNXODchGNXEo/s1600/2.jpg)
নতুন পুলিচ কমিছনাৰ জনে মহিলাৰ সুৰক্ষাৰ বাবে মহিলা মোবাইল ভেনৰ ব্যৱস্থা কৰিবলৈকো নিৰ্দেশ দিছে৷ এনে ভেন বিভিন্ন স্কুল, কলেজ , মন্দিৰ, বাচ আৰু ৰেলৱে ষ্টেচনৰ কাষত থিয় কৰি ৰখাৰ ব্যৱস্থা হব৷ তেনে স্থানত মহিলাৰ চেইন টনা, অশ্লীল বাক্যবানেৰে আতিশয্য চলোৱা আদি ঘটনাত ততকালীন বাবে মহিলা আৰক্ষীয়ে ব্যৱস্থা লব৷ এনে ভেনত সহায়ৰ বাবে পুৰুষ পুলিচকৰ্মীও উপস্থিত থাকিব৷
বহুক্ষেত্ৰত ছোৱালী বা মহিলাৰ ক্ষেত্ৰত হোৱা অপৰাধৰ ক্ষেত্ৰত ৰাজহুৱা বদনামী আৰু লোকলজ্জাৰ বাবে থানালৈ গৈ অভিযোগ দিবলৈ সংকোচবোধ কৰে৷ সেয়ে এনে নিৰ্যাতনৰ ঘটনাৰ ক্ষেত্ৰত এতিয়াৰ পৰা ঘৰতে থাকি অভিযোগ দাখিল কৰাৰ ব্যৱস্থা কৰা হৈছে, আৰু ই সমাজক নাৰীজনিত অপৰাধৰ বিৰুদ্ধে যুঁজ দিয়াত সহায় কৰিব বুলিও আশা প্ৰকাশ কৰে৷
সামাজিক সংগঠন সমূহে এনে ইতিবাচক পদক্ষেপৰ প্ৰশংসা কৰিছে আৰু ইয়াৰ মনিটৰিঙৰ ব্যৱস্থা কৰিবৰ বাবেও আহ্বান জনাইছে৷ব্যৱস্থা কৰিলেইতো নহব, তাক কাৰ্যকুশলভাৱে বাস্তৱায়িত কৰাটোও এক জটিল প্ৰত্যাহ্বান বুলিও সামাজিক কৰ্মকৰ্তা আভা সিঙে নৱভাৰত টাইমছৰ সাংবাদিকক মতামত প্ৰকাশ কৰিছে৷
এনে ইতিবাচক পদক্ষেপ দিল্লীকে ধৰি দেশৰ বিভিন্ন মহানগৰ, নগৰ তথা গাঁৱতো গ্ৰহণ কৰিব লাগে বুলিও সচেতন মহলে মত ব্যক্ত কৰিছে৷ আৰু সেইবিষয়ে সামাজিক সংগঠন, নাৰী সংগঠন সমূহে স্থানীয় গৃহ বিভাগ তথা আৰু আৰক্ষীক দৃষ্টি আকৰ্ষণ তথা দাবী কৰাৰ প্ৰয়োজন আছে৷
No comments:
Post a Comment