জুতি লগা আখল - অসমীয়াৰ সুখ-দুখ

xukhdukh.com :: Asomiyar xukhdukh - অসমীয়াৰ সুখ-দুখ :: ইউনিকোডত প্ৰকাশিত প্ৰথম অসমীয়া অনলাইন দৈনিক :: প্ৰতিদিন আপডেট | Content Rich Assamese online Daily / portal /e magazine: ভাল খবৰ, প্ৰৱন্ধ, বিশ্লেষণ, গ্ৰন্থ-আলোচনা, হাস্য-ব্যংগৰে সমৃদ্ধ...

মহীৰূহৰ লেখা

জুতি লগা আখল

জুতি লগা আখল

Share This
বাঁহগাজ দি ৰন্ধা গাহৰি মাংসৰ জুতি লগা ব্যঞ্জনঃ

উপকৰণঃ
এক কেজি চৰ্বিযুক্ত গাহৰি মাংস
বাঁহ গাজ দুচামুচ (ডাঙৰ চামুচেৰে)
আদা নহৰুৰ পেষ্ট (ডাঙৰ চামুচেৰে তিনি চামুচ)
পিঁয়াজ দুটা মিহিকৈ কটা৷
শুকান ভূত জলকীয়া অকনমান, স্বাদ অনুসাৰে ৷
বঙালী ধনিয়াৰ পাত ৬-৭খিলামান পাত, মিহিকৈ কুটা ৷
কেঁচা জলকীয়া মিহিকৈ কুটা (চাৰিটা মান)
ক’লা নিমখ স্বাদ অনুসাৰে ৷
কেঁচা মিঠাতেল এচামুচ ৷

ৰন্ধন প্ৰণালীঃ

গাহৰি মাংস খিনি অলপ দীঘলীয়া আকৃতিত, কিন্তু পাৰিলে অলপ পাতল চাইজত কাটি লব৷ টুকুৰাবোৰ অলপ ডাঙৰ চাইজত থাকিলে ভাল ৷ সেইখিনি ধুই যতনাই লওক৷

গোটেই উপকৰণ বোৰ মাংসৰ সতে বাচন এটাত ভালকৈ সানি লওক ৷ কেঁচা মিঠাতেল এচামুচো তাতে দি দিয়ক ৷ এতিয়া এটা কুকাৰত সানি লোৱা মাংসখিনি দি ঢাকোন মাৰি, একেবাৰে কম জুইত গেছত তুলি দিয়ক৷ পানী দিয়াৰ প্ৰয়োজন নাই ৷

এতিয়া ৬টা মান হুইচেল দিয়ালৈকে ৰান্ধক আৰু তাৰ পাছত নমাই ৰাখক যাতে কুকাৰৰ পৰা ভাপখিনি লাহে লাহে নিজে নিজে ওলাই যাবলৈ দিয়ক ৷ এতিয়া ঢাকোন আঁতৰাই দি, তাৰ পৰা নিজে নিজে ওলোৱা তেল আৰু পানীখিনি জুই চীমত ৰাখি হেতাৰে ল’ৰাই শুকুৱাই পেলাওক ৷

আমি ৰান্ধোতে বঙালী ধনীয়া যোগাৰ নোহোৱাত দিয়া নহ’ল ৷

এতিয়া গৰমে গৰমে জুতি লগা ব্যঞ্জনটো খোৱাৰ টেবুলত পৰিবেশন কৰক আৰু এক অনন্য অসমীয়া খাদ্যৰ জুতি লওক ৷
------------------------
ৰেচিপি নিৰ্দেশনাঃ ডাঃ মিতুবন গগৈ, ডিব্ৰুগড়
ৰন্ধনঃ মনালী চি দত্ত

--------------------------------

No comments:

Post a Comment