পলকতে সুখ দুখৰ বতৰা - অসমীয়াৰ সুখ-দুখ

xukhdukh.com :: Assamese LIFELINE on SOCIAL MEDIA

সামাজিক যোগসূত্ৰৰ মঞ্চত ইতিবাচক বাৰ্তাবাহক
ভাল খবৰ ভাল সমল, পঢ়ি লভক আনন্দ বিমল

Post Top Ad

Responsive Ads Here

পলকতে সুখ দুখৰ বতৰা

Share This
আজিৰ ভাল খবৰবোৰ
১. অসমত অচিৰেই ৰাজ্য চৰকাৰে স্থাপন কৰিব দক্ষতা উন্নয়ন নিগম৷শ্ৰীমন্ত শংকৰদেৱ কলাক্ষেত্ৰত হোৱা পঞ্চায়ত আৰু গ্ৰামোন্নয়ন বিভাগৰ এখন সভাত এই কথা কালি ঘোষণা কৰিছে অসমৰ মুখ্যমন্ত্ৰীয়ে৷


২. যোৱা ২৫আগষ্টৰ পৰা ৮ছেপ্তেম্বৰলৈ দেশ জুৰি পালিত হৈছে ২৯ সংখ্যক ৰাষ্ট্ৰীয় নেত্ৰদান পষেক৷"নেত্ৰদান মহানদান" শীৰ্ষক শ্লোগানেৰে নেত্ৰদান সন্দৰ্ভত জন-সচেতনতা বৃদ্ধিৰ লক্ষ্যৰেই এই পষেক পালন কৰা হয়৷ নেত্ৰদানক পৰিয়ালৰ এটি পৰম্পৰাত পৰিণত কৰাৰ বাবেও এই পষেক যোগে ৰাইজলৈ আহ্বান জনোৱা হয়৷

৩. অহা ২০১৬ চনৰ ৩১জানুৱাৰীৰ ভিতৰতে নিৰ্মাণ সম্পূৰ্ণ হৈ উঠিব বিহপুৰীয়াত নিৰ্মাণ হব লগা শ্ৰীমন্ত মাধৱদেৱ কলাক্ষেত্ৰ৷ ইয়াৰ বাবে পাঁচ কোটি টকা নিৰ্ধাৰণ কৰা হৈছে, প্ৰাক্-কলন প্ৰস্তুত কৰা হৈছে আৰু এখনি সাতজনীয়া পৰিচালনা সমিতিও গঠন কৰি নিৰ্মাণ কাৰ্যত সমন্বয় সাধন কৰাৰ বাবে পদক্ষেপ লোৱা হৈছে বুলি বিধান সভাক অৱগত কৰিলে গড়কাপ্তানি মন্তী অজন্তা নেওগ৷

৪. সৰুক্ষেত্ৰী কনিষ্ট মহাবিদ্যালয়ত স্থাপিত হ'ল ইণ্টাৰনেট পুথিভঁৰাল "জ্ঞানকোষ"৷ কামৰূপ ফাউণ্ডেচনৰ সৌজন্যত আৰু মুম্বাইত কৰ্মৰত স্থানীয় যুৱক অৰিন্দম বৰুৱাৰ উদ্যোগত স্থাপিত হোৱা এই পুথিভঁৰালটো উদ্বোধন কৰিলে অক্ষয় কুমাৰ মিশ্ৰ দেৱে৷

৫. বঙাইগাঁও তেল শোধনাগাৰত অহা ১ ছেপ্তেম্বৰত ভাৰতীয় তেল দিৱস উদযাপিত হব৷ সাহিত্যৰথীৰ ডেৰশ বছৰীয়া জন্ম জয়ন্তী বৰ্ষৰ প্ৰতি সংগতি ৰাখি এই অনুষ্ঠানত অসমৰ জাতীয় সংগীত "অ মোৰ আপোনাৰ দেশ" পৰিবেশন কৰিব সংস্থাটোত কৰ্মৰত ডেৰ কুৰি অনা-অসমীয়া বিষয়া কৰ্মচাৰীয়ে৷


৬. ভাৰতৰ বিত্তীয় বিকাশৰ হাৰ এই বিত্তীয় বছৰটোৰ প্ৰথম তিনি মাহত ৫.৭ শতাংশ বুলি সুখবৰ প্ৰকাশিত হৈছে৷ বিগত বৰ্ষতো এই সময়চোৱাত হাৰ পাঁচ শতাংশৰ উৰ্ধত আছিল যদিও বছৰৰ পাছৰ ভাগলৈ ই নিম্নগামী হৈছিল৷ বিত্তীয় বিকাশৰ এই উৰ্ধগামী হাৰ নতুন চৰকাৰে ধৰি ৰাখিব পাৰিব বুলি সচেতন মহলে আশা প্ৰকাশ কৰিছে৷

৭. কালি দেশৰ প্ৰতিৰক্ষা সামগ্ৰী ক্ৰয় সম্পৰ্কীয় এখন বৈঠকত ২০হাজাৰ কোটিৰ টকাৰ সামগ্ৰী ক্ৰয়ৰ বাবে প্ৰয়োজনীয় অনুমোদন দিয়া হয় বুলি সুখবৰ প্ৰকাশ পাইছে৷ বেচৰকাৰী খণ্ডক প্ৰতিৰক্ষা খণ্ডত বিনিয়োগৰ দুৱাৰ খুলি দি দেশক এই ক্ষেত্ৰত স্ব-নিৰ্ভৰশীল কৰিবলৈ চেষ্টা চলাব বুলিও প্ৰতিৰক্ষা মন্ত্ৰালয়ে প্ৰকাশ কৰিছে৷ 

৮. অসম বিধান সভাই কালি জনপ্ৰতিনিধি মন্ত্ৰী-বিধায়ক দৰমহা বৃদ্ধিৰ বিধেয়কখনলৈ অনুমোদন দিছে বুলিও সংবাদ প্ৰকাশিত হৈছে৷

৯. হাতী আৰু মানুহৰ বৰ্ধিত সংঘাতৰ ঘটনালৈ লক্ষ্য ৰাখি ইয়াৰ ফলত হোৱা ক্ষয়-ক্ষতিৰ ক্ষতিপূৰণ দিয়াৰ বাবে নীতিৰ শিথিলকৰণ কৰা হব বুলি কালি বিধানসভাক অৱগত কৰিলে অসম চৰকাৰে৷ হাতীৰ আক্ৰমণত মৃত্যু ঘটিলে ১লাখ টকা, খেতি নষ্টৰ বাবে ৩০হাজাৰ টকা, ঘৰ ভাঙিলে ইন্দিৰা আৱাস যোজনাৰ ঘৰ নিৰ্মাণ কৰি দিয়াৰ ব্যৱস্থা কৰা হব বুলিও বাতৰি প্ৰকাশিত হৈছে৷ উপায়ুক্তৰ সলনি বন বিভাগৰ বিষয়াই এই বিষয়ত ক্ষয়ক্ষতিৰ পৰিমাণ প্ৰত্যায়িত কৰাৰ বিষয়েও পদক্ষেপ লোৱা হব বুলি জানিব পৰা গৈছে৷

১০. অসম সাহিত্য সভালৈ অসম চৰকাৰে দিয়া ধনৰ হিচাব অসম চৰকাৰৰ বিত্ত বিভাগে ৰাখে বুলি বিধান সভাত কালি প্ৰকাশ কৰিলে মন্ত্ৰী নীলমণিসেন ডেকাই৷ তেখেতে এই ধনৰ ব্যৱহাৰ সন্দৰ্ভত বিত্ত বিভাগৰ দ্বাৰা তদন্ত কৰোৱাৰো প্ৰতিশ্ৰুতি সদনক প্ৰদান কৰে৷

No comments:

Post a Comment

Post Bottom Ad

Responsive Ads Here

Pages