জুতি লগা আখলত - অসমীয়াৰ সুখ-দুখ

xukhdukh.com :: Asomiyar xukhdukh - অসমীয়াৰ সুখ-দুখ :: ইউনিকোডত প্ৰকাশিত প্ৰথম অসমীয়া অনলাইন দৈনিক :: প্ৰতিদিন আপডেট | Content Rich Assamese online Daily / portal /e magazine: ভাল খবৰ, প্ৰৱন্ধ, বিশ্লেষণ, গ্ৰন্থ-আলোচনা, হাস্য-ব্যংগৰে সমৃদ্ধ...

মহীৰূহৰ লেখা

জুতি লগা আখলত

জুতি লগা আখলত

Share This
"নৰসিংহৰে মুৰ্গীৰ মাংস"

উপকৰণঃ
মুৰ্গীৰ মাংসঃ 
৫০০ গ্ৰাম (ব্ৰইলাৰ)
পিয়াজঃ ২টা ডাঙৰ৷
আদা: সতেজ ৰূপত খুন্দি লোৱা তিনিচামুচ।
জিৰা গুড়ি অলপ৷
কেঁচা জলকীয়া দুটা। 
নৰসিংহৰ পানী প্ৰায় দুকাপ। (পতা বা মিক্সিত অলপ পানীৰে ভালকৈ পিহি লোৱা নৰসিংহৰ অকল পানীখিনিহে চেকনিৰে চেকি ল'ব)

ৰন্ধন প্ৰণালীঃ
প্ৰথমতে মাংসখিনি ধুই পানী যোৱাকে শুকাই লওঁক। পিয়াজ দুটা অতি মিহি/সৰুকৈ কাটি ল'ব যাতে ভাজোতে গলি যায় সহজতে। 
মাংসখিনিত অলপ নিমখ আৰু সামান্য তেল সানি লওঁক। হালধি বা আন একো মছলা নিদিব।

কেৰাহীত মাংসৰ অনুপাতে তেল দি গৰম কৰক (তেল কম হ'লে ভাল)। এতিয়া গৰম তেলত মাংসখিনি দি প্ৰায় দহমিনিট ভাজক।

এতিয়া মিহিকৈ কুটি লোৱা পিয়াজখিনি দি প্ৰায় দহমিনিট ভাজি ল'ব পিয়াজখিনি গলি যোৱাকে। কেঁচা জলকীয়া দুটা আৰু অলপ জিৰাৰ গুড়ি দি ল'ব। খুন্দি লোৱা আদা খিনি দি পুনৰ পাঁচমিনিট মান ভাজিব। 

তাৰ পিছত গৰম পানী ডেৰকাপ দি ঢাকি থওঁক। দহমিনিট অলপ কম জুইত উতলিব দিব যাতে মাংসখিনি সিজে ভালকৈ আৰু পানীখিনি আধাতকৈ বেছি শুকাই যায়।

এতিয়া নৰসিংহৰ পানী দি পুনৰ দুই-তিনিমিনিট ঢাকি ৰাখক। তাৰ পিছত দুইমিনিট ঢাকনি গুচাই উতলিব দিয়ক। (এটা কথা মনত ৰাখিব নৰসিংহৰ পানী দিয়াৰ পিছত পাঁচমিনিটতকৈ বেছি সময় উতলিব নিদিব।) তাৰ পাছত অলপ চামুচত লৈ নিমখৰ জুতি পৰীক্ষা কৰি নমাই থওঁক। আপোনাৰ 'নৰসিংহৰে মছলাবিহীন মুৰ্গীৰ মাংস' ৰে'ডী!
                                                              জুতি লগা আখলৰ আজিৰ দিহা দিলেঃ পুনেৰ পৰা দিগন্ত কুমাৰ ভট্টাচাৰ্যই ৷

No comments:

Post a Comment