Saturday, June 1, 2013

ৰসাল হিতোপদেশ

সংসাৰ বিশেষ 

১. বহাগ বিহুত হিন্দী গীত নাগাবলৈ প্ৰকাশ পালে প্ৰেছ বিজ্ঞপ্তি, অথচ বিহুত শাৰী, চুৰিদাৰ, জীনচ কিনা নকৰিলে নিষিদ্ধ! কামাণ্ডৰ ইন-চীফ হ’লেও কি ডাল হবহে, সকলো সাংসাৰিক মানুহৰ অৱস্থা একেটাই!

২. আপোনাৰ ঘৰখন আপোনাৰ পত্নী আৰু শাহুৰ মতেই সজাই পৰাই তুলি সুখত থাকক৷ নিজৰ মাতৃক এইবোৰলৈ টানি মিছাতে অশান্তিখন নকৰিব!

৩. অভিমান কৰা গৰাকী যদি নাৰী, বেছিভাগৰে নিৰ্মূলৰ উপায় নতুন নতুন শাৰী ৷ 

৪. নতুনকৈ বিয়া কৰাইছে যদি ঘৰৰ পৰা কেৰাচিন তেল, ষ্টোভ আদি যিমান পাৰে নিৰ্বাসিত কৰক৷ মনত ৰাখিব, পূৰ্বৰ প্ৰেমিকৰ লগত পলাই যাবলৈ নোপোৱাৰ দুখতে জুই লগালেও ৰঙাঘৰলৈ যোৱাৰ দ্বায়িত্ব মাথো আপোনাৰেই!

৫. ৰাতি দেৰীলৈকে বাহিৰত মদ পানী খাই ঘৰলৈ ঘূৰি আহি অশান্তিখন নকৰিব৷ তাতকৈ বাহিৰতে সুৰক্ষিত ভাৱে শুবলৈ এগৰাকী ৰক্ষিতা ৰাখক!

৬. শহুৰ, শাহুৰ, ননদ এই তিনিটা শব্দক নাৰীসকলক এটা শব্দত প্ৰকাশ কৰিবলৈ দিয়ক, গৰিষ্ঠ সংখ্যকৰে উত্তৰ যে "ঝামেলা" পাব সেয়া খাটাং৷

৭. স্থানীয় শিল্পী সকলক সন্ধিয়াই গান গাবলৈ দি আজৰি কৰি দিয়াৰ মূলতে হ’ল সাংসাৰিক শান্তি বিঘ্নিত নকৰা ৷ পইচা নোপোৱাকৈ গান ফুৰিলেই জানো হব, ঘৰত ভাত কোনে বনাব?

৮. ঘৰত কচুজাল খাবলৈকে বছৰি কেচুঁৱা জন্ম দিব লাগিব বুলি কথা নাই৷ ৰাস্তাৰ দাঁতিত কচু, বজাৰত জালুক যে এনেয়েও কিনিবলৈ পায় সেই দিশলৈকো মন দিয়ক৷

৯. সংসাৰত সুখেৰে চলিবলৈ "আলহী খেদাৰ আশীটা বুদ্ধি" কিতাপখন আনি পাকঘৰত গোটাই ৰাখিবলৈ নাপাহৰিব৷

১০. মাজে সময়ে ঘৰত আপোনাৰ বিয়াৰ ভিডিঅ’ বা চিডিখন চলাই চলাই চাওক আৰু দেখুৱাওক৷ নিজকে মূল নায়িকাৰ ৰূপত দেখা চিনেমাখন কোনো নাৰীয়েই বেয়া নাপায়, ই ঘৰলৈ শান্তি আৰু সম্প্ৰীতিৰ বাণীও লৈ আহে!

শুকুৰবাৰৰ জীৱনৰ অংক বিশেষ ৰসাল হিতোপদেশৰ বাবে ইয়াত ক্লিক কৰক৷
বৃহস্পতিবাৰৰ ফেচবুক বিশেষ-২ ৰসাল হিতোপদেশৰ বাবে ইয়াত ক্লিক কৰক
বুধবৰীয়া "জালুকবাৰী বিশেষ" ৰসাল হিতোপদেশৰ বাবে ইয়াত ক্লিক কৰক৷
মঙ্গলবৰীয়া "ফেচবুক বিশেষ" ৰসাল হিতোপদেশৰ বাবে ইয়াত ক্লিক কৰক৷
সোমবাৰৰ "গাভৰু বিশেষ" ৰসাল হিতোপদেশৰ বাবে ইয়াত ক্লিক কৰক৷

No comments:

Post a Comment