তাজাখবৰঃ কটন, তেজপুৰ আৰু ডিব্ৰুগড় বিশ্ববিদ্যালয়ৰ শিক্ষাৰ্থীৰ শ্ৰেণীবৰ্জন আৰু প্ৰতিবাদ - অসমীয়াৰ সুখ-দুখ

xukhdukh.com :: Asomiyar xukhdukh - অসমীয়াৰ সুখ-দুখ :: ইউনিকোডত প্ৰকাশিত প্ৰথম অসমীয়া অনলাইন দৈনিক :: প্ৰতিদিন আপডেট | Content Rich Assamese online Daily / portal /e magazine: ভাল খবৰ, প্ৰৱন্ধ, বিশ্লেষণ, গ্ৰন্থ-আলোচনা, হাস্য-ব্যংগৰে সমৃদ্ধ...

মহীৰূহৰ লেখা

তাজাখবৰঃ কটন, তেজপুৰ আৰু ডিব্ৰুগড় বিশ্ববিদ্যালয়ৰ শিক্ষাৰ্থীৰ শ্ৰেণীবৰ্জন আৰু প্ৰতিবাদ

তাজাখবৰঃ কটন, তেজপুৰ আৰু ডিব্ৰুগড় বিশ্ববিদ্যালয়ৰ শিক্ষাৰ্থীৰ শ্ৰেণীবৰ্জন আৰু প্ৰতিবাদ

Share This
কটন বিশ্ববিদ্যালয়ৰ ছাত্ৰ-ছাত্ৰী সকলে সাম্প্ৰদায়িক, অসাংবিধানিক তথা অসমীয়াৰ অস্ত্বিত্বৰ প্ৰতি প্ৰত্যাহ্বান কঢ়িয়াই অনা নাগৰিকত্ব সংশোধনী বিধেয়ক-২০১৬ লোকসভাত পাছ কৰোৱাৰ প্ৰতিবাদত অনিৰ্দিষ্টকালীন শ্ৰেণীবৰ্জন কাৰ্যসূচী ঘোষণা কৰিছে। তাৰ পাছতে তেজপুৰ বিশ্ববিদ্যালয়েও প্ৰতিবাদী কাৰ্যসূচী ঘোষণা কৰাৰ বাতৰি আহিছে।
এইবাৰ প্ৰতিবাদমুখৰ হ'ল ডিব্ৰুগড় বিশ্ববিদ্যালয়ৰ ছাত্ৰ একতা সভাও৷ জাতিধ্বংসী বিধেয়কৰ প্ৰতিবাদ সাব্যস্ত কৰি ডিব্ৰুগড় বিশ্ববিদ্যালয়ৰ ছাত্ৰ একতা সভাই অনিৰ্দিষ্ট কাললৈ শ্ৰেণী বৰ্জনৰ সিদ্ধান্ত গ্ৰহণ কৰি বিবৃৰ্তি জাৰি কৰিছে। আনহাতে, বিশ্ববিদ্যালয়খনৰ অন্তৰ্গত মহাবিদ্যালয়সমূহকো শ্ৰেণী বৰ্জনৰ আহ্বান জনাইছে৷ লগতে কোনো ৰাজনৈতিক নেতা-পালিনেতাক বিশ্ববিদ্যালয় চৌহদত প্ৰৱেশতো বাধা-নিষেধ আৰোপ কৰিছে ডিব্ৰুগড় বিশ্ববিদ্যালয় ছাত্ৰ একতা সভাই৷

ডিব্ৰুগড় বিশ্ববিদ্যালয় ছাত্ৰ একতা সভাৰ সম্পাদক মৃদুল গগৈয়ে নিজৰ বক্তব্য আগবঢ়ালে এইদৰে-
অসমৰ ভিন্ন প্ৰান্তৰ পৰাও ছাত্ৰ-ছাত্ৰী সকলে এই বিষয়ত প্ৰতিবাদী কাৰ্যসূচী গ্ৰহণ কৰাৰ বাতৰি আহি আছে। শিক্ষাৰ্থী সমাজৰ এনে কাৰ্যসূচীক লৈ সচেতন ৰাইজে মিশ্ৰিত প্ৰতিক্ৰিয়া প্ৰকাশ কৰিছে। শ্ৰেণী বৰ্জন নকৰাকৈ আন প্ৰতিবাদী পন্থা অৱলম্বন কৰিলেহে ভাল হব বুলিও পৰামৰ্শ চ'চিয়েল মেডিয়াত দেখা গৈছে। বহুতেই অসম আন্দোলনত শিক্ষাৰ্থী সকলে একোটাকৈ বহুমূলীয়া শিক্ষাবৰ্ষ হেৰুৱাব লগা হোৱা কথাটোলৈকো আঙুলিয়াই দিছে। অসমৰ ৰাজ্য চৰকাৰে এই স্পৰ্শকাতৰ বিষয়টো কিদৰে চম্ভালে সেয়া এতিয়া অতি গুৰুত্বপূৰ্ণ হৈ উঠিছে।

No comments:

Post a Comment