মহাদুষ্ট পদ্য - অসমীয়াৰ সুখ-দুখ

ইউনিকোডত প্ৰকাশিত অনলাইন দৈনিক

xukhdukh.com

Post Top Ad

Responsive Ads Here

মহাদুষ্ট পদ্য

Share This
মোবাইল মেনিয়াঃ নমো বনাম ৰাহু 
*ধ্ৰুৱজ্যোতি শইকীয়া

ৰাহু আপোনাৰ হাতত
কে-২ আপোনাৰ বাটত
নমো....সৰ্বক্ষণে
নমো নমো প্ৰভু ভগৱন্ত,
পঢ়িলো যিটো খবৰ, 
মোডিৰ নামত ফোন ওলাব, 
স্মাৰ্ট নমো নামৰ ৷

হাই-কমাণ্ড কঁপি উঠিল,
খবৰটো কাকতত পাই,
বাবাকো লাগে একেই মোবাইল, 
কলে মাকক ইনাই-বিনাই ৷

মাকে বোলে দিলে অৰ্ডাৰ, 
নিমাত দাদালৈ চাই, 
লাগিলে দিম দেশৰে টুকুৰা,
মোবাইল আনা মগাই ৷

বিদেশ চুক্তি বাণিজ্য চুক্তি, 
যি মন তাকেই কৰা,
নোৱাৰো চাব বাবাৰ চকুলো, 
এটাই সোন-হেন মোৰ ল'ৰা ৷

পাব্লিচিটিত ন'-কম্প্ৰমাইজ, 
মোৰ ল'ৰাও নাম্বাৰ ওৱান, 
যদি নোৱাৰা ইয়াকো কৰিব, 
যাব বংশৰ নাক-কাণ ৷

কামৰ কথানো কোনে গম লয়, 
অত বছৰে নকৰিলো একো, 
বৰ পাহৰে আমাৰ জনতাই, 
সেয়ে প্ৰতিবাৰেই জিকোঁ ৷

ডাইৰেক্টৰ আনা স্ক্ৰিপ্ট লিখোৱা, 
বাবাৰো গুন-গান গাই, 
হাতে হাতে পৰক ভিডিঅ' বাবাৰ, 
মোবাইলো দিয়া বিলাই ৷

আমাৰে চৰকাৰ, 
আমাৰে প্লেন, 
কৰা "ফোন পৰ অল" স্কীম, 
"ৰাহু" ৰাখিবা মোবাইলৰ নামটো,
বাবাক জন্মদিনৰ উপহাৰ দিম ৷

জন্ম দিনটোকে টাৰ্গেট কৰিবা
 তাক পপুলাৰ কৰোঁ বুলি, 
আন নহলেও এদিন বিশেষকৈ পালিব,
গোটেই ইণ্ডিয়াখন মিলিজুলি ৷

No comments:

Post a Comment

Post Bottom Ad

Responsive Ads Here

Pages