জুতি লগা আখল - অসমীয়াৰ সুখ-দুখ

ইউনিকোডত প্ৰকাশিত অনলাইন দৈনিক

xukhdukh.com

Post Top Ad

Responsive Ads Here

জুতি লগা আখল

Share This
পনীৰৰ সতে ৰঙালাওৰ সুস্বাদ্যু ব্যঞ্জন

উপকৰণঃ
(চাৰিজন মানুহৰ বাবে)
ৰঙালাও এচকল (অনুমান অনুসৰি)
পনীৰ ১০০গ্ৰাম
আলু এটা মধ্যমীয়া৷
নহৰু দুফোটা ৷
পিয়াঁজ এটা, কেঁচা জলকীয়া তিনিটা৷

ৰঙা জলকীয়া গুড়ি আধা চামুচ

গৰম মচলা আধা চামুচ, এচিকুট চেনী ৷
মিঠাতেল, নিমখ, হালধি স্বাদ অনুসাৰে ৷
ৰন্ধন প্ৰণালীঃ
ৰঙালাও চকলটো সৰু সৰু টুকুৰা কৰি কাটি লব৷ পনীৰখিনি বৰ্গাকাৰ টুকুৰাৰ ৰূপত কাটি সাজু কৰি লওক৷

নহৰু দুফোট সৰু সৰুকৈ কটাৰীৰে কাটি লব( পিহি লব নালাগে )
এতিয়া কেৰাহীত মিঠাতেল দি তাতে চেনীকন দি লব৷ চেনীকন ৰঙচুৱা হৈ উঠাৰ লগে লগেই তাত নহৰুখিনি আৰু পিয়াজখিনি দি দিয়ক৷ তাতে জলকীয়া গুড়ি, গৰম মচলা, হালধি আৰু নিমখ অনুমান অনুসাৰে দি পিয়াজখিনি ৰঙচুৱা হোৱালৈকে লৰাই লৰাই ভাজি লওক৷  এতিয়া তাৰ ওপৰত ৰঙালাও আৰু আলু দি দিয়ক৷

এতিয়া ৰঙালাওখিনি অলপমান পানী দি (যাতে লাগি নধৰে) ঢাকোন দি সিজাওক, জুই চীমতে ৰাখিব৷ ৰঙালাও খিনি সিজি যোৱা যেন লাগিলে, হেতাৰে সেইখিনি ভাঙি দিয়ক৷ ৰঙালাও সিজিলে তাতে কাটি থোৱা পনীৰ কেইটুকুৰ দি দিব৷ এতিয়া লৰাওতে সাৱধানে লৰাব যাতে পনীৰৰ টুকুৰা ভাঙি নাযায়৷ এতিয়া পনীৰৰ সৈতে তিনি চাৰি মিনিট চীমৰ জুইত ঢাকি থৈ দিলেই হ’ল ৷ 

এতিয়া ব্যঞ্জনখিনি পৰিবেশনৰ বাবে বৰ্তন এটাত কাঢ়ি লওক৷ কেঁচা জলকীয়া কেইটা দীঘলে দীঘলে ফালি তাৰ ওপৰত দি ভালকৈ সজাই, খোৱাৰ টেবুলত গৰমে গৰমে পৰিবেশন কৰক ৷
শেহতীয়া ৰেচিপিৰ বাবে তলৰ শিৰোনামাত ক্লিক কৰকঃ
১. তিল দিয়া কুকুৰাৰ মাংস

No comments:

Post a Comment

Post Bottom Ad

Responsive Ads Here

Pages