সুখ দুখৰ বতৰা - অসমীয়াৰ সুখ-দুখ

ইউনিকোডত প্ৰকাশিত অনলাইন দৈনিক

xukhdukh.com

Post Top Ad

Responsive Ads Here

সুখ দুখৰ বতৰা

Share This
সুখৰ খবৰঃ

১. তেজপুৰ বিশ্ববিদ্যালয় চৌহদত মুকলি হ’ল লোকপ্ৰিয় গোপীনাথ বৰদলৈৰ আবক্ষ মূৰ্তিঃ স্বাধীনতা লাভৰ সময়ত লোকপ্ৰিয়ৰ সৱল প্ৰচেষ্টাৰ কথা সোঁৱৰিলে উন্মোচক তথা অসমৰ প্ৰাক্তন ৰাজ্যপাল এছ কে সিনহাই ৷

২. একলাখ শব্দ সামৰি উন্মোচিত হ’ল ডঃ বসন্ত কুমাৰ গোস্বামীয়ে প্ৰণয়ন কৰা "ব্যৱহাৰিক অসমীয়া অভিধান"৷

৩. জাপান-থাইলেণ্ড ভ্ৰমণ সামৰি বিমানতে সংবাদমেল, অসমবাসীলৈ ধন্যবাদ জ্ঞাপন কৰিলে দেশৰ প্ৰধানমন্ত্ৰীয়েঃ ৰাজ্যলৈ ৰাজ-সাহাৰ্যত অনিয়মৰ ক্ষেত্ৰত উচিত ব্যৱস্থা লোৱাৰ বাবে দিলে প্ৰতিশ্ৰুতি ৷

৪. এইবাৰ নাৰী শিক্ষাৰ বাবে যুঁজা  মালালা য়ুছুফজাইৰ জীৱনৰ ওপৰত নিৰ্মিত হব চলচিত্ৰ "গুল মাকাই": ভাৰতীয় পৰিচালক আমজাদ খান পৰিচালিত এই ছবিত মালালাৰ চৰিত্ৰত অভিনয় কৰিব বাংলাদেশী ছাত্ৰী ফাতিমাই৷ স্বতৰ্ব্য যে এই গুল মাকাই ছদ্মনামেৰে বিবিচিৰ উৰ্দু ব্লগত মালালাই লিখা মেলা কৰিছিল ৷

৫. শৈক্ষিক সুখবৰঃ ডিব্ৰুগড় বিশ্ববিদ্যালয়ৰ নতুন উপাচাৰ্য ৰূপে দ্বায়িত্ব লব তেজপুৰৰ বিশ্ববিদ্যালয়ৰ আণৱিক জীৱবিজ্ঞান আৰু জৈৱ-প্ৰযুক্তিবিদ্যা বিভাগৰ প্ৰতিষ্ঠাপক মুৰব্বী অধ্যাপক ডঃ অলক কুমাৰ বুঢ়াগোহাঁইদেৱে৷

৬. ৰাজ্যৰ ৯টা থিয়েটাৰ গোষ্ঠীৰ নতুন পদক্ষেপঃ নায়ক-নায়িকা বিচাৰি অহা ১৬জনত প্ৰতিভা সন্ধানী পৰীক্ষা পাতিব ভ্ৰাম্যমান থিয়েটাকৰ সুৰক্ষা সমিতিয়ে ৷

৭. বাৰেচহৰীয়া ভাওনাক বিশ্ব দৰবাৰলৈ নিয়াৰ প্ৰয়াস শোণিতপুৰৰ জ্যেষ্ঠ সাংবাদিক অতনু ফুকনৰঃ তেখেতে নিৰ্মাণ কৰা তথ্যচিত্ৰ প্ৰদৰ্শিত হ’ল তেজপুৰ সাহিত্য সভা ভৱনত৷

৮. কোকৰাঝাৰত উদযাপিত হ’ল বড়ো মাধ্যমৰ স্বৰ্ণ জয়ন্তীঃ ভাগ লৈ মেঘালয়ৰ ৰাজ্যপাল ৰঞ্জিত শেখৰ মুছাহাৰীয়ে ক’লে-"ভাষা সাহিত্য জাতি এটাৰ দাপোণ স্বৰূপ"৷

৯. তামিল ভাষালৈ অনুদিত হ’ল মহাপুৰুষৰ গুণমালা ৷

১০. মেট্ৰিকত উত্তীৰ্ণ হোৱাৰ জাল প্ৰমাণ পত্ৰ প্ৰস্তুতকাৰী দুই প্ৰৱঞ্চকক গুৱাহাটীৰ অনুৰাধা চিনেমাৰ সমীপত সোধালে উত্তম-মাধ্যমঃ গতাই দিলে আৰক্ষীক ৷

আজিৰ উক্তিঃ
"অসমীয়া জাতিয়ে আত্মহত্যা নকৰিলে অসমীয়া ভাষা জীয়াই থাকিব"-ডঃ গোলোক চন্দ্ৰ গোস্বামী

"হেমকোষৰ পৰবৰ্তী এশ বছৰত বহু পৰিবৰ্তন হৈছে অসমীয়া ভাষাত"- হোমেন বৰগোহাঞি ৷
সংবাদ প্ৰৱাহঃ
১. এটা দশকৰ পাছত অনুষ্ঠিত হবলৈ লোৱা গুৱাহাটী পৌৰ নিগমৰ আজি মনোনয়ন প্ৰত্যাহাৰৰ দিন ৷

২. জনগোষ্ঠীৰ মানুহ সাংসদ হ’লেই হবনি পৰিস্থিতি সলনিঃ চাহ শ্ৰমিকৰ ১১খন আইন ভংগৰে অধিকাৰ হনন অব্যাহত থকাৰ উঠিল অভিযোগ ৷

৩. শিৱসাগৰত দহ লাখ টকীয়া আয়ুসৰ চিকিৎসালত বৃহৎ কেলেংকাৰীৰ উঠিল অভিযোগ ৷

দুখৰ খবৰঃ
১. অসমৰ সফল ৰাজহুৱা উদ্যোগৰ ধ্বজ্জাবাহী নুমলীগড় শোধানাগাৰত অগ্নিকাণ্ড, বিস্তৰ ক্ষতিৰ লগতে ১৭জনকৈ লোক আহত হোৱাৰ দুখৰ খবৰ ৷

২. ইন্ধনৰ পুনৰ মূল্যবৃ্দ্ধিঃ পেট্ৰ’লৰ বাঢ়িল ৭৫পইচাকৈ আৰু ডিজেলৰ ৫০পইচা প্ৰতি লিটাৰত ৷

৩. অখিল গগৈলৈ অসম বিধান সভাৰ বিশেষ অধিকাৰ সমিতিয়ে জাৰি কৰিব জাননী৷

৪. কটনত নতুন সংঘাতঃ কটন ৰাজ্যিক বিশ্ববিদ্যালয়ৰ উপাচাৰ্য আৰু কটন কলেজ ছাত্ৰ একতা সভাৰ মাজত মতবিৰোধ তীব্ৰ, আন্তঃগাঁঠনি নোহোৱাকৈ স্নাতকোত্তৰ শ্ৰেণীত নামভৰ্তিৰ প্ৰতিবাদ জনাইছে ছাত্ৰ সকলে ৷

৫. বঙাইগাঁৱত নৃশংসভাৱে পত্নী-পুত্ৰক হত্যাঃ হত্যাকাৰী পিতৃক জেললৈ প্ৰেৰণ ৷
চিন্তাজনক খবৰঃ

১. ৰাষ্ট্ৰীয় অপৰাধ সংৰক্ষণ সংস্থাৰ প্ৰতিবেদনত চাঞ্চল্যকৰ তথ্যঃ এটা দশকত দেশত বৃদ্ধি পালে ৩৩৬% শিশু বলাৎকাৰৰ ঘটনা ৷

২. এইবাৰ মুখ্যমন্ত্ৰীক কটাক্ষ কৰিলে প্ৰফুল্ল মহন্তই, ক’লে- শিখণ্ডী হৈ ৰাহুলক সুৰক্ষা দিয়াটো অতি হাস্যকৰ ৷

৩. লোকশিল্পী ললিত চন্দ্ৰ ওজা চিকিৎসাধীনঃ গুণমুগ্ধই কৰিলে আশু আৰোগ্য কামনা ৷

No comments:

Post a Comment

Post Bottom Ad

Responsive Ads Here

Pages