মনৰ কথাঃ নিৰ্বাচনী বতৰত শিল্পী জুবিন গাৰ্গ আজি নিমাত কিয়? :: কল্যাণজ্যোতি চুতীয়া - অসমীয়াৰ সুখ-দুখ

xukhdukh.com :: Asomiyar xukhdukh - অসমীয়াৰ সুখ-দুখ :: ইউনিকোডত প্ৰকাশিত প্ৰথম অসমীয়া অনলাইন দৈনিক :: প্ৰতিদিন আপডেট | Content Rich Assamese online Daily / portal /e magazine: ভাল খবৰ, প্ৰৱন্ধ, বিশ্লেষণ, গ্ৰন্থ-আলোচনা, হাস্য-ব্যংগৰে সমৃদ্ধ...

মহীৰূহৰ লেখা

মনৰ কথাঃ নিৰ্বাচনী বতৰত শিল্পী জুবিন গাৰ্গ আজি নিমাত কিয়? :: কল্যাণজ্যোতি চুতীয়া

মনৰ কথাঃ নিৰ্বাচনী বতৰত শিল্পী জুবিন গাৰ্গ আজি নিমাত কিয়? :: কল্যাণজ্যোতি চুতীয়া

Share This

নিৰ্বাচনী বতৰত শিল্পী জুবিন গাৰ্গ আজি নিমাত কিয়?
কল্যাণজ্যোতি চুতীয়া
“Every word has consequences. Every silence, too.”
Jean-Paul Sartre
এইকেইদিন বলীউডৰ এগৰাকী জনপ্ৰিয় অভিনেতাই ৰাজনীতিৰ পথাৰত ভৰি দি ‘মই সাধাৰণ সাপ নহয়, মই কোব্ৰা’ বুলি কোৱা ফিল্মী বক্তৃতাই প্ৰচাৰ মাধ্যমত তোলপাৰ লগাই আছে। কোৱা বাহুল্য মাথো যে 'মিথুনদা' নামেৰে জনপ্ৰিয় অভিনেতা গৰাকীয়ে বামপন্থী আদৰ্শবাদৰ পৰা আৰম্ভ কৰি জীৱনৰ বিয়লি বেলা দেশৰ সোঁপন্থী আদৰ্শবাদৰ প্ৰবক্তা হৈ পৰাটোৱে স্বাভাৱিকতেই সাধাৰণ জনতাক কৌতুহলী আৰু বিভ্ৰান্ত কৰি তুলিছে।
xukhdukh,xukhdukh live,xukhdukh লাইভ,xukh-dukh,xukhdukhl live,axomiyar xukhdukh,xukh dukh,xukhdukhvideo,assamese educational,rti,assamese,talkshow,অসমীয়াৰ সুখ-দুখ,assam,assamese news,সুখ-দুখ live,সুখ-দুখ লাইভ,video,vlog,news,analysis,সুখদুখlive,অসমীয়া,সুখ দুখ live,সুখ দুখ লাইভ,assamese video,assamese music,mayurbora,dipagnkar malla baruah, অসমীয়া কাহিনী,অসমীয়া,অসমীয়া লিপি,অসমীয়া সাধু,অসমীয়া ব্যাকৰণ, himanta, sarbananda, gaurav gogoi, akhil, hiren gohain, nagen saikia, ananta kalita, কবিতা, গল্প, অসমীয়া কিতাপ, অসমীয়া কিতাপৰ পিডিফ, কিতাপৰ pdf, asomiya suwali, asomiya poem, nilim kumar,asomiya geet,asomiya koutuk,asomiya,ami asomiya,asomiya jokes, assam,assam news,assam latest news,assam news live,breaking news of assam,bjp assam,assam election news live, modi, shah, মোদী, অমিত শাহ, অসম, অসমীয়া প্ৰতিদিন, Asomiya Pratidin, Asomiya Khabar, Amar Asom, Dainik Janambhumi, অসমীয়া পেপাৰ, অনলাইন পেপাৰ, অসমীয়া পৰ্টেল, অসমীয়া চাকৰি, চাকৰি, Assamese news paper, online daily, Asomiya pratidin paper today, asomiya e paper, ZUBEEN GARG, জুবিন গাৰ্গ
অভিনয় কিম্বা সংগীত জগতৰ তাৰকা তথা হস্তী আহি ৰাজনৈতিক দিগদৰ্শক আৰু যুগদ্ৰষ্টা হৈ পৰা বহু ঘটনাৰ সাক্ষী হৈছে  ভাৰতীয় ৰাজনীতিৰ ইতিহাস। সেয়া লাগিলে দক্ষিণৰ এম জি ৰামাচন্দ্ৰন কিম্বা জয়াললিতাই হওঁক অথবা হিন্দী চিনেমাৰ হেমা মালিনী, শত্ৰুঘ্ন সিনহা। আমাৰ অসমতো গণশিল্পী বিষ্ণু ৰাভাই সংগীত আৰু ৰাজনীতি একেলগে চলাই নিছিল। আজিৰ দিনৰ ৰাজনীতি পথাৰত দপদপাই থকা স্মৃতি ইৰানী , ৰাজ বাব্বৰ , বাবুল সুপ্ৰিয় আদি অলেখ উদাহৰণ শিল্পী-অভিনেতা-অভিনেত্ৰী আৰু আছে । স্বাভাৱিকতেই ব্যক্তি পূজনৰ মানসিকতা আমাৰ সমাজত আগৰ পৰাই চলি আহিছে আৰু আমিবোৰেও অভিনয় বা সংগীত জগতৰ সম্ৰাট সম্ৰাজ্ঞীসকলক অনুকৰণ কৰিয়েই চলা দেখা যায়। তেখেতলোকৰ ৰাজনৈতিক মত-অমতে তেখেতলোকৰ অগনণ অনুৰাগীক প্ৰভাৱিত কৰে। সেয়ে হয়তো প্ৰত্যক্ষ ৰাজনীতিত জড়িত নোহোৱাকৈয়ে তেওঁলোকে কিং মেকাৰ হৈ উঠাটোও অসম্ভৱ নহয়। বহু ক্ষেত্ৰত ক্ৰাউড পুলাৰ হিচাবেও নিৰ্বাচনী সভা আদিত শিল্পী-অভিনেতাৰ তাৰকাখচিত আয়োজন দেখা যায়। 

অসমত এতিয়া ৰাজ্যৰ বিধান সভা নিৰ্বাচনৰ বতৰ। এইখিনিতে প্ৰাসংগিকতা আহি পৰে, মনত পৰে একালৰ 'সৰৱ শিল্পী' জুবিন গাৰ্গগৈ। বিগত দুটাকৈ দশক ধৰি অসমৰ ডেকা প্ৰজন্মৰ হিয়াৰ আমঠু জুবিনদাৰ জনপ্ৰিয়তাৰ কথা নতুনকৈ আওৰাৰ প্ৰয়োজন নাই। কাঁ আন্দোলনৰ সময়ত তেখেতৰ সক্ৰিয় ভূমিকাই আন্দোলনটোক জীপাল কৰি তুলিছিল বুলি ক’লেও হয়তু অত্যুক্তি নহ’ব। অসমৰ ইমুৰৰ পৰা সিমুৰলৈ এজাক বনজুই হৈ বিয়পি পৰিছিল জুবিনদাৰ কথাবোৰ, আৰু মানুহে সঁহাৰিও দিছিল সেইমতে। ফেন ক্লাৱ, শিল্পী সমাজ আদি শব্দৰ ঢৌ, গীতৰ ঢৌৱে বিধৌত কৰি তুলিছিল অসমৰ নাগৰিকত্ব সংশোধনী আইনৰ বিৰোধিতাৰ মজিয়া। কিন্তু এতিয়া কিছু শিল্পী নিৰৱ-নিতাল, কিছুৱে বতৰ চাই বিয়া পতাত ব্যস্ত!!
coming soon

অসমৰ নিৰ্বাচনী বতাহত দুটাকৈ আঞ্চলিক দলো নতুনকৈ গঢ়লৈ উঠিল সেই কা আন্দোলনৰে পটূমিত - যাৰ এজন সক্ৰিয় সেনানী আছিল জুবিনদা । যদিও জুবিনদাই আগৰ পৰাই স্পষ্ট কৰি থৈছে যে তেখেত ৰাজনীতিৰ পথাৰত নানামে - তথাপিও এইটো কথা হজম কৰাটো টান যে তেখেত এজন বিশুদ্ধ অ-ৰাজনৈতিক ব্যক্তি । আজিৰ দিনত প্ৰত্যেক গৰাকী ব্যক্তিৰেই ৰাজনৈতিক সাক্ষৰতা থকা উচিত - কাৰণ এখন গণতান্ত্ৰিক দেশৰ মূল চালিকা শক্তিয়েই হ’ল ৰাজনীতি। এনে পৰিপ্ৰেক্ষিতত নিৰ্বাচনী বতৰৰ আশ্চৰ্যকৰ ৰাজনৈতিক নীৰৱতাই হয়তো জুবিনৰ বহু অনুৰাগীক উদিগ্ন কৰি তুলিছে। যি কা আইনৰ বিপক্ষে জুবিনদাই দেহে কেহে লাগিছিল ; তাৰ ওপৰত প্ৰচণ্ড প্ৰহাৰ কৰি নিজৰ আদৰ্শবাদিতা আৰু আঞ্চলিকতাবাদক সজোৰে প্ৰতিষ্ঠা কৰাৰ এক সুবৰ্ণ সুযোগ হয়তো জুবিন গাৰ্গে হেৰুৱাই পেলাইছে নেকি? ভাৰতত ফেচিবাদী শক্তিৰ উত্থান, অসমতো অসমীয়াৰ স্বাৰ্থ বিৰোধী শক্তিৰ জয়জয় ময়ময় অৱস্থা। কিন্তু শিল্পী সেই প্ৰতিষ্ঠান বিৰোধী হোৱাৰ অকনো তাড়ণা বতৰত ভাষণ-গানেৰে উদ্বেলিত কৰা শিল্পী সকলে অনুভৱ কৰা নাইনে? তেওঁ হেৰুৱাই পেলাইছে নেকি 'গণ-শিল্পী'লৈ উত্তৰণ হোৱাৰ সম্ভাৱনা? এই কথাবোৰ শিল্পীৰ অনুৰাগী হিচাবেই মনলৈ আহিছে । সেয়া তেখেতৰ কিবা ব্যক্তিগত বাধ্যবাধকতা বা ৰাজনৈতিক অদূৰদৰ্শিতা সেয়া হয়তো সময়ে ক’ব - মাত্ৰ আশা এয়াই যাতে সেই সময় অসময় হৈ নুঠৈগৈ অসমৰ খিলঞ্জীয়াৰ বাবে।

শেষত ইথিউপিয়াৰ এসময়ৰ সম্ৰাট সেইলে চেলাছি ( প্ৰথম)ৰ এটা উক্তিৰেই জুবিনদালৈ নিমাতী কইনাৰ ভূমিকা সামৰিবলৈ অনুৰুধ -
“Throughout history, it has been the inaction of those who could have acted, the indifference of those who should have known better, the silence of the voice of justice when it mattered most, that has made it possible for evil to triumph.”

বুৰঞ্জীয়ে পুনৰ কথাবোৰ সোঁৱৰাব, বিশ্লেষণ কৰিব জাতীয় জীৱনৰ সন্ধিক্ষণত শিল্পী সমাজ তথা 'বতৰ চাই' নেতৃত্ব দিয়া শিল্পীৰ এই নিৰৱতাবোৰ। বাদ-বিবাদ অথবা সুবিধাবাদক লৈও সময়ে তুলাচনী পাতিব। শিল্পী নে কেৱল কিছু আবেগত উতলা কৰিবলৈ অহা বতৰীয়া ভাৱৰীয়াহে সেই কথাও জাতিয়ে, জাতীয় জীৱনত যে ভৱিষ্যতে প্ৰশ্ন তুলিব, সেই কথাও কিন্তু নিশ্চিত। 
লেখকৰ মোবাইল নম্বৰঃ ৭৮৯৬৯৬২৯৫০
                                                             

No comments:

Post a Comment