Monday, June 10, 2013

জীৱন যৌৱন

মন ভূলাব খোজে নেকি?
ফ্লাৰ্ট কৰোতে এৰাই চলিব লগা কেইটিমান কথা

পচন্দৰ এগৰাকীৰ মন ভূলাব পৰাটো এটা কলা, সেই কথা সকলোৱেই জানে৷ এই কলাটো আয়ত্ত কৰিবলৈ আপুনিও পাৰিব৷ তাৰ বাবে জীৱনত এনে পদক্ষেপবোৰ লওঁতে অলপ সাৱধান হোৱা উচিত৷ মনত ৰাখিব সৰু সুৰা ভুল কিছুমানেই আপোনাৰ পৰিকল্পনাত আউল লগাব পাৰে৷ সেয়ে তলত কিছুমান এৰাই চলিব লগা কথা আপোনাৰ সহায় হোৱাকৈ উল্লেখ কৰা হৈছে ৷

১. খুৱ বেছিকৈ গলাধকৰণ নকৰিবঃ

সাধাৰণতে ফ্লাৰ্ট কৰিবৰ বাবে বিয়াঘৰ, পাৰ্টি, পাব, বাৰ আদিকেই সকলোৱে বাচি লয়৷ এনে পৰিৱেশত সাধাৰণতে সুৰাৰ পয়োভৰ আজিৰ দিনত অতিশয় সহজলভ্যকৈ ঘটা দেখা যায়৷ গতিকে যদি কাৰোবাক মন ভূলাবৰ উদ্দেশ্য আছে তেন্তে সেই অনুষ্ঠানত পাৰিলে মদ্যপান বৰ্জন কৰক, বা কৰিলেও মক’টেইল জাতীয় লঘু পানীয় গ্ৰহণ কৰক৷ অন্যথা সুৰাপান কৰিব লগা হ’লেও খুব কম পৰিমানৰ গ্ৰহণ কৰাটো বাঞ্চনীয়, অন্যথা সেই নিচাতে আপোনাৰ সোণালী সুযোগ ডুব যোৱাৰ সম্ভাৱনাই বেছি৷ মনত ৰাখিব মদ্যপানে সদায়েই মাত্ৰ আপোনাৰ বেয়া প্ৰতিচ্ছবিহে উজ্জ্বল কৰাত সহায় কৰে ৷

২. সহজ ভাৱে লওক

আপুনি আকৰ্ষিত কৰিব বিচৰা লোকজনক অতিপাত প্ৰশংসাৰে উপচাই দি তেখেতক ভয় খুৱাই নিদিব৷ গোটেই প্ৰক্ৰিয়াটো জটিল কৰি নেপেলাব, সহজভাৱে আগুৱাওক৷ আৰু যদি আপুনি প্ৰথমবাৰৰ বাবে তেখেতক লগ পাইছে, তেন্তে অলপ ধীৰে সুস্থিৰে আগুৱাওক ৷ প্ৰথমেই আপুনি তেখেতৰ নিচিনা স্পেচিয়েল এজনৰ বাবেই আপুনি অধীৰ আগ্ৰহেৰে বাট চাই আছিল আৰু অতি সোনকালেই সংসাৰ কৰিব বিচাৰে বুলি কেতিয়াও নকব৷ এনেকুৱা কথাই সমুখৰ ব্যক্তিজনক বিৰক্তিৰ বাহিৰে একোৱেই দিব নোৱাৰে৷

৩. এক দূৰত্ব বৰ্তাই ৰাখক

কথাৰ মাজতে হাতত মৃদু স্পৰ্শত কোনেও সাধাৰণতে আপত্তি নকৰে৷ কিন্তু প্ৰথম দিনা যদি আপুনি তেখেতক লগ পাইছে তেন্তে ধীৰে ধীৰে আগবঢ়াই ভাল৷ প্ৰথম বা দ্বিতীয়বাৰ লগ পাওতেই ব্যক্তি এজনৰ ওচৰত নিজকে সঁপি দিয়া যেন নকৰিব৷ অন্যথা তেওঁ আপোনাৰ পৰা নিস্কৃতি পাবৰ বাবেহে চেষ্টা চলাব৷ এইটো এটা অতি গুৰুত্বপূৰ্ণ কথা ৷

৪. এজনৰ ওপৰতে মনোযোগ দিয়ক

যদি আপুনি বিয়া বা পাৰ্টি এটাত কোনো এজনৰ ব্যক্তিত্বক লৈ আকৃষ্ট হৈছে, তেনেতে তেওঁৰ ওপৰতে ধ্যান নিৱদ্ধ কৰক৷ যদি আপুনি একে পাৰ্টিতে আনৰ সতেও একেধৰণৰ ব্যৱহাৰ কৰি থাকে, তেন্তে আপুনি বিশেষভাৱে লক্ষ্য কৰি থকা গৰাকীয়ে হয়তো আপোনাৰ আগ্ৰহৰ কথা ভূৱেই নাপাব পাৰে৷

৫. অতীতৰ প্ৰেমৰ কথা নুলিয়াব

আপুনি যদি ব্যক্তিগত জীৱনত উত্থান পতন বা বেয়া দিন চলি থাকিলেও নতুনকৈ আকৰ্ষিত কৰিব বিচৰাগৰাকীক সেই দুখৰ কাহিনীৰ বকলা মেলি নিদিব৷ কাৰণ তেখেত আপোনাৰ অন্তৰংগ বন্ধু নহয়,  বা তেখেতৰ আপোনাৰ দুখৰ কাহিনীক লৈ আগ্ৰহ নাথাকিবও পাৰে৷ বিশেষকৈ আপোনাৰ পুৰণি প্ৰেমৰ কাহিনীত কেনেকৈ বিচ্ছেদ হ’ল সেই কথাৰ পৰা আঁতৰত থকাই মংগল ৷

জীৱন যৌৱনৰ শেহতীয়া লেখাঃ পৰ্ণগ্ৰাফিৰ পৃথিৱীঃ নিষিদ্ধকৰণৰ প্ৰয়োজনীয়তা আৰু আইন

2 comments:

  1. এইটো বস্তু মই বৰ ভালকে জানো। হিঃ হিঃ হিঃ হিঃ

    ReplyDelete
  2. Want some more suggestions.....

    ReplyDelete