Friday, June 7, 2013

সুখ দুখৰ সংবাদ

সুখৰ খবৰঃ
১. এভাৰেষ্ট বিজয়ী দুই অসমীয়াক কাষত লৈ গৌৰৱ কৰিলে মুখ্যমন্ত্ৰীয়েঃ সম্বৰ্ধনা অনুষ্ঠানত ঘোষণা কৰিলে দুয়োলৈ চৰকাৰী চাকৰি প্ৰদানৰ প্ৰতিশ্ৰুতি ৷ দুয়োকে ২০লাখকৈ টকাৰ চেক প্ৰদান, লগতে অসম পৰ্বতাৰোহন সংস্থাই ২০১৫চনত আয়োজন কৰা এভাৰেষ্ট অভিযানৰ বাবে চৰকাৰে মুকলি কৰি দিব ৩কোটি টকা ৷

২. ঘোষিত হ’ল অসমৰ মেডিকেল আৰু ইঞ্জিনীয়াৰিঙৰ প্ৰৱেশ পৰীক্ষাৰ ফলাফলঃ ইঞ্জিনীয়াৰিংত ৯৭৫গৰাকী আৰু মেডিকেলত ১১৫৫গৰাকীয়ে অৰ্জন কৰিলে নামভৰ্তিৰ বাবে যোগ্যতা ৷

৩. আজি ৰাজ্যজুৰি উদযাপিত হব গীতিকবি পাৰ্বতিপ্ৰসাদ বৰুৱাৰ স্মৃতি দিৱসঃ মহানগৰীৰ ৰবীন্দ্ৰ ভৱনত সাংস্কৃতিক সঞ্চালকালয়েও আয়োজন কৰিলে "জোনাকী মেল", আজি সন্ধিয়া ৬বজাৰ পৰা ৷

৪. এইবাৰ শৰাইঘাট থিয়েটাৰৰ মঞ্চত ভূপেনদালৈ শ্ৰদ্ধাঞ্জলিঃ মঞ্চস্থ কৰিব সমৰেন্দ্ৰ বৰ্মনৰ ৰচনাৰে নাট, "মই ভূপেনদাই কৈছো", চলি আছে এক বিশাল আয়োজন ৷

৫. অৰুণাচল চৰকাৰৰ কৃতিত্বঃ ইটানগৰত স্থাপন কৰিলে প্ৰথমখন মহিলা আৰক্ষী থানা ৷ তদুপৰি ৰাজ্যৰ ১৭ খন জিলাতে পৃথক মহিলা কোষ স্থাপনৰ বাবেও ৰাজ্য কেবিনেটে দিলে অনুমোদন ৷

৬. ৰালেগন সিদ্ধিলৈ গৈ আন্না হাজাৰেক দেখা কৰিব বিচাৰিছে বৰাক ওবামাইঃ অহা অক্টোবৰতে আমেৰিকাৰ ৰাষ্ট্ৰপতিৰ ভাৰত আগমনৰ সম্ভাৱনা প্ৰকাশ ৷

৭. বিশ্ব পৰিৱেশ দিৱসৰ প্ৰাক-মুহূৰ্তত ভাৰতত অনাময় বিপ্লৱৰ সূচনা কৰা বৃন্দেশ্বৰ পাঠকলৈ ফ্ৰান্সৰ ছিনেটে আগবঢ়ায় "লিজেণ্ড অৱ প্লেনেট" সন্মান ৷

৮. মাত্ৰ খেলুৱৈ নহয়, আই.পি.এল টীমৰ মালিককো স্পট ফিক্সিং কেলেংকাৰীত জেৰা কৰিব আৰক্ষীয়েঃ ৰাজস্থান ৰয়েলছৰ মালিক ৰাজ কুন্দৰাৰ পাৰপত্ৰ জব্দ, অভিনেত্ৰী শিল্পা চেট্টীও অচিৰেই হব লাগিব জেৰাৰ সন্মুখীন ৷

৯. প্ৰতিকূল বতৰকো নেওচি আমিনগাঁৱত ভূ-মাফিয়াৰ বিৰুদ্ধে গৰজি উঠিল হাজাৰ হাজৰ কৃষকৰ সৈতে কৃষক মুক্তি সংগ্ৰাম সমিতিঃ ঐতিহাসিক কৃষক বিপ্লৱৰ বাবে সাজু হবলৈ আহ্বান জনালে অখিল গগৈয়ে ৷

১০. অহা ৯জুনত ডিব্ৰুগড়ৰ বৰবৰুৱাত বীৰছা মুণ্ডাৰ ১১৩তম শ্বহীদ দিৱস উদযাপনৰ আয়োজনঃ এই আয়োজন কৰিছে অসম মুণ্ডা মহাসভাই ৷

১১. মৰিগাঁৱৰ আদালতে কুখ্যাত ড্ৰাগছ বেপাৰী পাখি মিঞাৰ পুত্ৰসহ দুজনক অবৈধ ড্ৰাগছ সৰবৰাহ কৰাৰ অভিযোগত ১০বছৰ কাৰাদণ্ডৰ নিৰ্দেশ দিয়ে ৷

চিন্তনীয় খবৰঃ

১. সোণৰ আমদানিয়ে বৃদ্ধি কৰিছে দেশৰ কাৰণ্ট একাউণ্ট ঘাটি, বেংকসমূহক সোণৰ মুদ্ৰা বিক্ৰী নকৰিবলৈ ৰিজাৰ্ভ বেংকে দিলে পৰামৰ্শঃ এইবাৰ সোণ নিকিনিবলৈ ৰাইজলৈ আহ্বান জনালে বিত্তমন্ত্ৰী পি চিদাম্বৰমে ৷

২. ভাৰত নিৰ্মাণৰ ঢাক ঢোল বজাবলৈ বিজ্ঞাপনত ৬৪০কোটি টকা টকাৰ ৰাজকোষৰ ধন ব্যয় কৰাক লৈ সমালোচিত হৈছে ইউপিএ-২ চৰকাৰঃ এনে অপচয়ৰ যোগেদি কৰা বিজ্ঞাপন নিৰ্বাচনত বিজেপিৰ ইণ্ডিয়া চাইনিংৰ দৰেই বুমেৰাং হৈ পৰাৰ আশংকাই বেছি বুলি মতামত দিলে ৰাজনৈতিক বিশ্লেষকে ৷

৩. ৰাজ্যজুৰি লোড-শ্বেডিংৰ প্ৰৱল আশংকাঃ একে সময়তে নীপকোৰ পাঁচোটাকৈ প্ৰকল্পত বিজুতিৰ খবৰ, অসমত ৫০০০মেগাৱাট বিদ্যুত নাটনিৰ এক চিন্তনীয় অৱস্থা ৷

৪. লোকসভা নিৰ্বাচনৰ দ্বায়িত্ব লৈ অসমলৈ কংগ্ৰেছী হাইকামাণ্ডৰ নতুন দূত মধুসূদন মিস্ত্ৰীঃ সাক্ষাৎ নিদিলে বিসম্বাদীক, অবাধ্য বিধায়কৰ অংকত আউল লগাৰ খবৰ ৷

৫. চাৰিটা দশক জুৰি চলি আছে ৰক্তাক্ত সীমা-বিবাদঃ তথাপি যোৱা ৪১বছৰে চৰকাৰে নকৰিলে অসম নগালেণ্ড চুক্তিৰ পৰ্যালোচনা ৷

৬. ন্যায়িক সেৱা পৰীক্ষাত বড়ো ভাষা সন্নিবিষ্টৰ দাবী তুলিলে বড়ো সাহিত্য সভাইঃ বিজ্ঞাপন বাতিল কৰাৰ বাবে জনালে আহ্বান ৷

৭. গুৱাহাটী পৌৰ সভা নিৰ্বাচনঃ ভোটাৰক সচেতন হবলৈ আ্হ্বান জনাই ডঃ হীৰেণ গোহাঁইয়ে ক’লে- যোগ্য প্ৰাৰ্থীকহে ভোট দিয়ক৷

৮. মৰিগাঁও জিলাৰ ধৰমতুলত অঘটনঃ ৰে’লৰ চেপাত নিহত ১, আহত ৩জন ৷

৯, নাৰীজনিত অপৰাধত অসম দেশৰ দ্বিতীয় স্থানতঃ সুৰাৰ বাবেই এই নিৰ্যাতন বৃদ্ধি, মদৰ বজাৰ নিয়ন্ত্ৰণ কৰাৰ দাবী তুলিলে ৰাজ্যিক মহিলা আয়োগে ৷

১০. নাগিনীজানৰ ঘটনাৰ প্ৰতিবাদত চেলেংহাটত আটছাৰ ৰাজধানী এক্সপ্ৰেছ অৱৰোধৰ প্ৰচেষ্টা ব্যৰ্থঃ ৰেল’ৱে ষ্টেচনকে কৰিলে লণ্ডভণ্ড ৷

১১. শি্ৱসাগৰত হব লগা আপকু নামৰ সাংবাদিক সকলৰ সংস্থাৰ আদৰণি সমিতি গঠনক লৈ তীব্ৰ প্ৰতিক্ৰিয়াঃ পৰাগ দাসৰ হত্যাকাৰীলৈ ৰঙা দলিচা পাৰি দিয়াৰ উঠিল অভিযোগ ৷

No comments:

Post a Comment