ভাল খবৰঃ পৰ্যটকে খুৱাব পাৰিব কাজিৰঙাত হাতীৰ জাকক খাদ্য-সম্ভাৰঃ প্ৰথমবাৰৰ বাবে এক সুব্যৱস্থাৰ প্ৰৱৰ্তন

পৰ্যটকে খুৱাব পাৰিব কাজিৰঙাত হাতীৰ জাকক খাদ্য-সম্ভাৰ 

কাজিৰঙা ৰাষ্ট্ৰীয় উদ্যান আৰু টাইগাৰ ৰিজাৰ্ভত দৰ্শনাৰ্থীৰ আকৰ্ষণ বৃদ্ধি কৰাৰ বাবে, অসমৰ মিহিমুখত এটা হাতীৰ ফিডিং চেণ্টাৰ মুকলি কৰা হৈছে। অসমৰ মুখ্য বন্যপ্ৰাণী ৱাৰ্ডেন এম কে যাদৱে সোমবাৰে হাতীৰ ফিডিং চেণ্টাৰটো উদ্বোধন কৰে। 

পৰ্যটকসকলৰ বাবে এই কেন্দ্ৰলৈ যোৱাৰ সময় আবেলি ৩.৩০ বজাৰ পৰা সন্ধিয়া ৫ বজালৈ হ'ব। পৰ্যটকসকলক আকৰ্ষিত কৰাৰ লগতে জীৱ-জন্তুৰ সৈতে কেনেদৰে জীয়াই থাকিব লাগে সেই বিষয়ে দৰ্শনাৰ্থীসকলৰ মাজত এক বুজাবুজি বিকশিত কৰাৰ বাবে তথা গঁড়, হাতী আদিকে ধৰি পেচিডাৰ্মবোৰৰ সৈতে সহ-অৱস্থানৰ ধাৰণাটো বিকশিত কৰিবৰ বাবে এনে পদক্ষেপ পোন  প্ৰথমবাৰৰ বাবে হাতত লোৱা হৈছে।

Elephant camp, Mihimukh, Kaziranga pic.twitter.com/WboWeFr2E8

— Kaziranga National Park & Tiger Reserve (@kaziranga_) January 31, 2022

প্ৰতিবেদন অনুসৰি, কৰ্তৃপক্ষই গ্ৰহণ কৰা এয়া অসমত এনে ধৰণৰ প্ৰথম পদক্ষেপ আৰু দৰ্শনাৰ্থীসকলে ভেটেনেৰী ডাক্তৰ আৰু হাতী ৰক্ষকৰ নিৰীক্ষণত হাতীবোৰক নিজাকৈ খাদ্য খুৱাবলৈ সক্ষম হ'ব। সংবাদ মাধ্যমৰ সৈতে বাৰ্তালাপ কৰি কাজিৰঙা ৰাষ্ট্ৰীয় উদ্যানৰ সঞ্চালক পি শিৱকুমাৰে কয় যে মুঠ ১৫ টা হাতীক একেটা সময়ত খুৱাব পাৰিব। মানুহে হাতীবোৰক নিৰ্মাণ কৰা এখন মঞ্চৰ পৰা খুৱাব পাৰিব। কল, কুঁহিয়াৰ, গ্ৰাম আদিকে ধৰি মূলখাদ্য উদ্যানখনৰ এই কেন্দ্ৰতে উপলব্ধ হ'ব আৰু দৰ্শনাৰ্থীসকলে নিম্নতম মাচুল পৰিশোধ কৰি ইয়াক ক্ৰয় কৰিব পাৰিব আৰু মন-পচন্দৰ খাদ্য হাতীক খুৱাই আনন্দ লাভ কৰিব পাৰিব।

xukhdukh.com ৰ YouTube চেনেল