মহাদুষ্ট পদ্য - অসমীয়াৰ সুখ-দুখ

xukhdukh.com :: Asomiyar xukhdukh - অসমীয়াৰ সুখ-দুখ :: ইউনিকোডত প্ৰকাশিত প্ৰথম অসমীয়া অনলাইন দৈনিক :: প্ৰতিদিন আপডেট | Content Rich Assamese online Daily / portal /e magazine: ভাল খবৰ, প্ৰৱন্ধ, বিশ্লেষণ, গ্ৰন্থ-আলোচনা, হাস্য-ব্যংগৰে সমৃদ্ধ...

মহীৰূহৰ লেখা

মহাদুষ্ট পদ্য

মহাদুষ্ট পদ্য

Share This
হুইপ ষ্টৰি…৷
#ধ্ৰুৱজ্যোতি শইকীয়া

ভোট বোলোতেই মনত পৰিল,
সকলো হোৱা এক গোট,
কেন্দ্ৰত যদি বিৰোধী সোমায়গৈ,
নাহিব দুৰ্নীতিৰ নোট ৷

শুবলৈ পাইছা এ চি সংসদত,
বিনা কামত পেঞ্চন ও বেতন
এইবোৰ পায়ো যদি গৰবৰ কৰা,
দিম এইবাৰ ৰাম খেদন৷

হো হোৱাই পৰে যেন চাবোকৰ কোব,
যদি কোনোৱে কৰে এনে ভুল,
হাঁহি দাই সকলোকে ধমক দি বুজালে,
হাত কোম্পানিৰ নতুন এই ৰুল ৷

পাঁচ বছৰ নাথাকেই কাৰো মাতষাৰ,
সংসদতো উপস্থিত নহয়,
ভেটি লোৱাৰ দৰে যদি ভোটটিকে দিয়া,
কামবোৰেই সহজ দেখোন হয় ৷

কেন্দ্ৰৰ গালি মোৰো মূৰত পৰে,
দিবলগীয়া হয় জবাব,
এইবাৰ যিয়ে ভুল ভোট কৰা,
কৰ্তন কৰিম বিষয় বাব ৷

নিজৰ ভোট হ'লে ঠিকেই গোটোৱা
ধন বল কৰি প্ৰয়োগ,
শুদ্ধ মনোনয়নৰ কালত সেয়ে নেকি
ভোগা হয় এনে দূৰ্ভোগ ৷

সঠিক ঠাইত চিনটো দিবলৈ,
হাতত কাৰো নাথাকে থৰ,
এইবাৰ হলে কাকো শুদাই নেৰিছো,
মোৰো পদ যোৱাৰ আছে দৰ৷

কোনো ভোট যাতে ক্ৰচ ভোটিঙত নাযায়
লিখি লোৱা কপালৰ আগত,
কোম্পানীৰ পৰা ৰাম খেদা খালে,
দোষো পৰিব মোৰেই ভাগত৷

মন্ত্ৰী হোৱাৰ সুখ যি যি পাইছা,
কিছুৱে পাবা কিছু লেটাৰ,
সুখ থাকিব যদি কোম্পানি থাকেগৈ,
সেইটোও ইম্পৰ্টেন্ট মেটাৰ ৷

No comments:

Post a Comment