আহি গ’ল ভাল খবৰঃ
শিল্পী আৰু শিল্প শিতানত
ইয়াত ক্লিক কৰক-
ই-সাহিত্য শিতানত
ধ্ৰুৱজ্যোতি শইকীয়াৰ
কবিতাৰে-পদ্যৰেঃ
দৰৱ
ধ্ৰুৱজ্যোতি শইকীয়াৰ
কবিতাৰে-পদ্যৰেঃ
দৰৱ
বুকুৰ বিষ…
আজি কেবাদিনো হ'ল…
ডাক্তৰে ক'লে,
"চিন্তাৰ বিষয় নহয়,
বুকুৰ ৰন্ধ্ৰে ৰন্ধ্ৰে প্ৰেমে শিবিৰ পাতিছে,
সপোনে গজালি মেলিছে…
মুখত কবিতা ফুটিছে…"
ডাক্তৰৰ কথা সম্পূৰ্ণ হোৱাৰ আগেয়ে কলো,
হয়তো ৰিপৰ্টখন মোৰ নহয়…
মনেমনে এবাৰ পত্নীৰ ফালে চালো,
তেওঁৰ মনত হাজাৰ দ্বিধাই বাঁহ সাজিছে,
অজুত প্ৰশ্নৰ কলিয়া ডাৱৰে,
উন্দোলাই আনিছে ভ্ৰূ…
সেপখিনি গিলি ডাক্তৰক ক'লো,
"মই বিবাহিত…"
প্ৰেচক্ৰিপশ্বনত দৰব লিখি লিখি,
মুৰ নদঙাকৈয়ে ডাক্তৰে উত্তৰ দিলে…
"তেন্তে মই নিশ্চিত
আপুনি প্ৰেমত পৰিছে,
এই দৰৱকেইটা লিখা মতে খাব,
ভাল হৈ যাব…"
দুনাই পৰিবাৰলৈ চোৱা নহ'ল,
সাহসো নহ'ল,
খৰধৰকৈ ওলাই আহিলো…
হয়তো তেওঁ মোৰ অনুপস্থিতিত,
ডাক্তৰক সুধিছে,
"মানুহজনৰ ভাল হবনে…?"
ফাৰ্মাচিৰ সমুখত ৰৈ,
দৰৱৰ নামবোৰ এবাৰ চালো…
পকেটত হাতখন ভৰাই,
ইফালে সিফালে উমান ল'লো,
অসহায় দৃষ্টিৰে
আকৌ এবাৰ মানুহজনীলৈ চালো…
দৰৱকেইটা লবলৈ,
হাতত আজিছোন এপইচাও নাই মোৰ…
দেখিলো
মানুহজনীয়ে হাতৰ খাৰুপাতকে
মোলৈ আগুৱাই দিছে…
তেওঁৰ চকুলৈ নোচোৱাকৈ,
খাৰুপাত লৈ, ফাৰ্মাচীৰ মেজত থ'লো…
"চাওঁ ভাইটি, এই দৰৱ কেইটা দিয়া…৷"
(সুখ-দুখৰ আজিৰ খবৰ আপডেট হৈ আছে....)
(সুখ-দুখৰ আজিৰ খবৰ আপডেট হৈ আছে....)
.jpg)
No comments:
Post a Comment