জুতি লগা আখল

চিকেন মম’ৰ ৰেছিপি

চিকেন মম’

উপকৰণ
১. মুৰ্গী মাংস একেবাৰে সৰু সৰুকৈ কুটা  (প্ৰায় গুৰিৰ নিচিনা) একাপ
২. ময়দা দুই কাপ৷
৩. ৰঙা পিঁয়াজঃ ২টা
৪. আদাঃ এক ইঞ্চি মানৰ আদা সৰু সৰু মিহিকৈ কুটি লব ৷
৫. লহৰুঃ পাঁচ ফোটা (সৰু সৰুকৈ টুকুৰা কৰি লোৱা)
৬. জলকীয়াঃ ২টা (সৰু সৰুকৈ টুকুৰা কৰি লোৱা)
৭. চ’য়া চছঃ সৰু চামুচেৰে দুচামুচ৷
৮. নিমখ স্বাদ অনুসৰি ৷
৯. অকনমান ৰিফাইন তেল ৷

ৰন্ধন প্ৰণালীঃ

ময়দা খিনিত স্বাদ অনুসৰি নিমখ দি প্ৰয়োজনীয় পানী দি সানি লওক৷ আনফালে বইল কৰি লোৱা গুৰি গুৰি চিকেনৰ টুকুৰাখিনি যতনাই লওক৷ পিঁয়াজ খিনি মিহিকৈ কুটি লওক৷ এতিয়া আদা, নহৰু, জলকীয়া, নিমখ, চয়া চছ দি একেলগে সানি লওক৷ এতিয়া কেৰাহীত অলপমান ৰিফাইন তেল গৰম কৰি লওক আৰু তাতে একেলগে সানি লোৱা মিশ্ৰন খিনি অলপ ভাজি লওক৷

এতিয়া সানি থোৱা ময়দাখিনিৰ পৰা লুচি বেলিবলৈ লোৱাৰ দৰে সৰু সৰু বল বনাই লওক৷ এতিয়া এটা এটাকৈ বেলিবলৈ আৰম্ভ কৰক আৰু ভাজি লোৱা মিশ্ৰণ খিনি ভিতৰত ভৰাই মম’ৰ আকৃতিত আগবোৰ লগ লগাই ধুনীয়াকৈ গঢ় দিয়ক৷ 

এতিয়া এইখিনি লৈ ১৫মিনিট ভাপত সিজাওক আৰু আপোনাৰ মম’ হৈ যাব চকুৰ পচাৰতে, গৰমা-গৰম ৰেডী! এইদৰে ৰান্ধি ঘৰতে মহানন্দে লোভনীয় মম’ৰ সোৱাদ লওঁক৷

আখলৰ দিহাঃ মুম্বাইৰ পৰা শৰ্মিষ্ঠা চক্ৰৱৰ্তী ৷

আন আন আকৰ্ষণীয় ৰেছিপিৰ বাবে জুতি লগা আখল পৃষ্ঠালৈ যাবলৈ ইয়াতে ক্লিক কৰক