লোকেল গুজৱ.কম - অসমীয়াৰ সুখ-দুখ

ইউনিকোডত প্ৰকাশিত অনলাইন দৈনিক

test banner
xukhdukh.com ভাল খবৰ, ভাল সমল
লোকেল গুজৱ.কম

লোকেল গুজৱ.কম

Share This
(হাস্য ব্যংগৰে সত্যৰ সন্ধান)


১. পথাৰত মৈ দিবলৈ গৈ বোকাত পৰিল পোনাকন গগৈ! সেই দুৰ্লভ মুহূৰ্তটো ধৰি ৰখাৰ বাবে কেমেৰামেনক কইনাধৰাৰ বৰঘৰত এসাজ খাবলৈ কৰিলে আমন্ত্ৰণ৷ চ’চিয়েল মেডিয়াত বোকাত পৰা পোনাকনক লৈ হ’ল সৰৱ চৰ্চা৷ বিলাত ফেৰৎ তথা বিলাতী বোৱাৰী আনিব লগা পোনাকনে পথাৰত নামি আদৰ্শ দেখুওৱা ফলত বাইক লৈ ঘূৰি ফুৰা ডেকা সকলে ঘৰত তামাম গালি শপনি খোৱাৰ খবৰ৷ 
আমাৰ পোনাও পৰে...
পিছে পেপাৰতহে ফটো নোলায় দেই
সচেতন যুৱক সংঘই, কেমেৰা ৰেডি হৈয়ে আছিল নে? পৰিব আৰু তুলিব ধৰণত, বুলিও প্ৰশ্ন তুলিছে৷ এইটো এটা পলিটিকেল ষ্টাণ্ট বুলি অভিহিত কৰি সংঘই নিজৰ মাক-দেউতাকক বুজাবলৈ কঠোৰ চেষ্টা কৰাৰ বাতৰি৷


২. জেলত থকা অভিযু্ক্ত বা অপৰাধীয়ে নিৰ্বাচন খেলিবলৈ দিবই লাগিব বুলি লৈ হাই-উৰুমিৰে ঐক্যবদ্ধ হ’ল সকলো ৰাজনৈতিক দল৷ এতিয়া উচ্চতম ন্যায়ালয় ৰায়ক চলে-বলে-কৌশল বাতিল কৰি অপৰাধীৰ বাট নিকা কৰিব নোৱাৰিলে দেশৰ জনতাৰ আগত নাক কটা যাব বুলি কৰিলে মত প্ৰকাশ! ৷ ৰাজনীতিত ন্যায়ালয়ৰ কি কাম, অযথা হস্তক্ষেপ সহ্য কৰা নহব আদি শ্ল’গানেৰে কৰিলে প্ৰতিবাদমুখৰ ৷

৩. উত্তৰ কাছাৰৰ কেলেংকাৰী বিষয়ক এটা গোচৰত দোষমুক্ত হ’ল জৱলে-নিৰঞ্জন-আৰ এইচ খান সহ ১৩জনকৈ ভদ্ৰলোকঃ এইবাৰ মানহানিৰ গোচৰেৰে  চলাবলৈ ঐক্যবদ্ধ হোৱাৰ খবৰ৷ ঘৰৰ মানুহে ব্যক্ত কৰা মতে, তেওঁলোকক উকীলে কৈছে, যে এনেকুৱা মানহানিৰ গোচৰ তৰিব, যে মানুহে কেলেংকাৰী গোচৰ তৰিবলৈ যোৱাৰ আগতে ব্ৰহ্মা-বিষ্ণু ভগৱানক স্মৰণ কৰি লব লাগিব৷ এয়া এক দৃষ্টান্তমূলক মানহানিৰ ৰায় হব বুলিও তেওঁলোকৰ উকীলে কনফিডেন্স প্ৰকট কৰিছে৷ 

৪. উত্তৰ কামৰূপ বন সংমণ্ডলত দুৰ্নীতি উদঙালে ছাত্ৰ মুক্তিয়েঃ পঢ়াই পঢ়ে ৰোৱে পাণ, কিয়নো বাৰু কৰে দুৰ্নীতিলৈ কান বুলি ক্ষোভ প্ৰকাশ কৰিলে পঢ়া শুনা মন্ত্ৰীয়ে৷

৫. মাজুলী সুৰক্ষাৰ নামত ব্ৰহ্মপুত্ৰ বৰ্ডে কৰিছে ভেকোঁ-ভাওনা, জিঅ’বেগত বালিৰ সলনি ওলাল কহুৱা৷ ব্ৰহ্মপুত্ৰ বৰ্ডে ভাওনা কৰি সংস্কৃতি ৰক্ষা কৰিবলৈ লোৱাৰ বাবে সচেতন মহলে প্ৰকাশ কৰিলে আনন্দ৷ নৈ পাৰত কহুৱা নোলাই জিঅ’বেগত তিনি টকীয়া চাউল ওলাব বুলি আশা কৰিছিল নেকি বুলি ঠিকাদাৰ সন্থাই তুলিলে প্ৰশ্ন ৷

৬. পুৰণিগুদাম মহাবিদ্যালয়ত ৩২বেগ চিমেণ্ট পুতি থোৱা অৱস্থাত উদ্ধাৰ৷ ধন পুতি ৰাখি বাতৰিৰ শিৰোনামত স্থান পোৱা মানসিকতাৰ বিপৰীতে চিমেণ্টৰ বেগ পুতি ৰাখি এক ব্যতিক্ৰমী পদক্ষেপ লোৱা বাবে অধ্যক্ষ প্ৰশংসিত৷ ব্যতিক্ৰমী অধ্যক্ষক এই বৰ্ষৰ শিক্ষক দিৱসত এটা ব্যতিক্ৰমী পুৰষ্কাৰ দিবলৈ স্থানীয় সংগঠনে জনালে দাবী, পঢ়া শুনা বিভাগক ৷

৭. বাঢ়নীক আম আদমী পাৰ্টি দলৰ নিৰ্বাচনী প্ৰতীক ঘোষণাক লৈ উৎসাহিত হৈ পৰিছে সচেতন ৰাইজ৷ সমাজখন নিকা কৰিবলৈ এতিয়া বাঢ়নী মৰাৰ বাহিৰে উপায় নাই বুলি কৰিলে মত প্ৰকাশ৷ এই যাদুকৰী বাঢ়নী লৈ অচিৰেই অৰবিন্দ কেজৰিৱালক ভাৰতীয় "হেৰি পটাৰ"ৰ ৰূপত চাবলৈ বিচাৰিছে৷

শেহতীয়া লোকেল গুজৱ পঢ়িবৰ বাবে ইয়াত ক্লিক কৰক৷

No comments:

Post a comment