মিচা ক’লে কি ডাল হব? (হাস্য ব্যংগ)

অসম দেশৰ বিষম কথা-১ 

#অৰূপজ্যোতি সন্দিকৈ 

হাই কামাণ্ডৰ নিৰ্দেশত চলে অসম চৰকাৰ

অসমীয়াৰ দুখ-দুৰ্গতিৰ খবৰ ল’বলৈ কিহৰ দৰকাৰ । 

বিপদৰ সময়ত আহো নাহোকৈ 

অসমলৈ পি.এম. ছাৰ আহে 

তাকেলৈ আমাৰ গগৈ ছাৰৰ 

হাই প্ৰেচাৰ দুগুণে বাঢ়ে । 

অসমৰ ৰাইজ ৰাজপথলৈ ওলাই আহিলেই

মন্ত্ৰী-বিধায়ক দিল্লীলৈ যায় 

সেই সুয়োগতে বিৰোধীয়েও

 চৰকাৰৰ বদনাম গায় ।

সাংবাদিকৰ প্ৰশ্নৰ উত্তৰত 

গগৈ ছাৰে কথাইপতি হাঁহি মাৰে

তাকে দেখি আমাৰ খাৰখোৱা অসমীয়াই 

হাত-তালি মাৰিবহে পাৰে ।

ডঃ শৰ্মাদেৱে মাজে সময়ে 

নাভূত-নাশ্ৰুত আঁচনি ঘোষনা কৰে 

তাকে দেখি আমাৰ কৃষক গগৈয়ে 

মিচাতে জ্বলি-পকি মৰে । 

অ’ বুলো অসমৰ মন্ত্ৰীয়েও 

মাজে সময়ে ঠেহ-পেচ পাতে

 মৌন ব্ৰত ৰাখি 

টুইতাৰতহে মাত মাতে । 

মাজে মাজে কৃষক গগৈয়ে 

অসম চৰকাৰখনক কঁপাই তোলে

পিছে তেওঁ কিছু কথা গম নাপায়েই বোলে । 

অসমত M.L.A, M.P হ’বলৈ

অপৰাধীৰ অৰ্হতা লাগে 

তাকে দেখি নৈতিকতাৰ 

কবচ পিন্ধাসকলৰ হিয়া ভাগে । 

১৯৮৩ৰ অসম চুক্তিৰ আধাৰত

আন এখন চুক্তি হ’বৰে হ’ল

তাকে দেখি সম্মুজল দা

পূৰা গৰমহৈ গ’ল ।

ৰাইজৰ পদুলিত 

ৰাইজৰ চৰকাৰ 

বাংলাদেশীৰ পদুলিত 

আমাৰ গগৈদেওৰ চৰকাৰ । 

নিৰ্বাচন আহিলেও

কোনো কথা নাই 

এতিয়াও অসমত আছে

হাজাৰ হাজাৰ বাংলাদেশী ভাই ।

মিচা ক’লে কিডাল হ’ব

বিৰোধীয়ে বদনাম গালেও

অসমত আকৌ এবাৰ 

কংগ্ৰেছৰেই চৰকাৰ হ’ব । 

AGP, BGP, AUIDF তকৈ 

কংগ্ৰেছয়েই বেটাৰ
দিচ ইচ অলচ’ এ

ইমপৰণ্টেন্ট মেটাৰ ।