ৰাষ্ট্ৰীয় গুজৱ - অসমীয়াৰ সুখ-দুখ

ইউনিকোডত প্ৰকাশিত অনলাইন দৈনিক

xukhdukh.com

Post Top Ad

Responsive Ads Here

ৰাষ্ট্ৰীয় গুজৱ

Share This
(হাস্য ব্যংগৰে সত্যৰ সন্ধান)
১. মনৰমোহন সিঙ চাৰে আজি ক’লে যে দেশৰ প্ৰগতিৰ হাৰ আৰু বেছিদিন স্তব্ধ হৈ নাথাকে৷ সংযুক্ত প্ৰগতিশীল যোট-পোট গোটৰ চৰকাৰৰ অপশাসন অতি সোনকালেই শেষ হব আৰু ভাৰতৰ বিকাশৰ পথ উন্মুত্ত হৈ পৰিব৷
ফুল মুডত নৰেন বনাম
কুল মুডত মনৰ-মোহন

২. মানুহে পিয়াজ কাঁটি চকুপানী টোকে, সেয়ে স্বাধীনতাৰ দিৱসৰ প্ৰাক-ক্ষণত দেশৰ ৰাইজৰ চকুৰ পৰা চকুপানী মচি দিবৰ বাবেই পিয়াঁজৰ দাম আকাশ লংঘী কৰা হৈছে বুলি কৃষিজাত সামগ্ৰীৰ ডন শ্বায়দ পাৱাৰ চাহাবে জানিবলৈ দিছে৷ অনাগত নিৰ্বাচনৰ বাবেও ইয়াৰ দ্বাৰাই নিৰ্বাচনী পুঁজি সংগ্ৰহ কৰি টনকিয়াল হৈ থাকিবলৈ বিচৰা বুলিও গোপন সূত্ৰই সদৰী কৰিছে৷

৩. নৰ-ইন্দ্ৰ মুডত থকা নেতা এজনে ক’লে যে তেওঁ প্ৰধান মন্ত্ৰী হব পাৰিলেও নোৱাৰিলেও স্বাধীনতা দিৱসত সিঙ চাৰৰ সমানে সমানে ভাষণ দিবই দিব৷ তেখেতে কয় যে গুজৰাটীত এষাৰ কথা আছে-"ইফ ইউ কেন নট মেক ইট, ফেক ইট", সেয়ে আজি স্বাধীনতা দিৱসত মনোমোহা কথাৰে ফুলজাৰি ফেকিবলৈ তেখেতে আৰম্ভ কৰিছে৷ হাতোৰা পাৰ্টিয়ে পিছে কৈছে, ফুলজাৰি জ্বলে মাথো নুমাবৰ বাবেহে!

৪. আমাৰ দেশতে মাত্ৰ আৰ্থিক দুৰৱস্থা হোৱা নাই, ইউৰোপৰ ডাঙৰ ডাঙৰ দেশতো অৰ্থনৈতিক মন্দাৱস্থা হৈছে বুলি প্ৰকাশ কৰিলে মনৰমোহন সিঙে৷ তাকে শুনি, খুশ-নচিব সিঙে সুধিলে কানে কানে, দেশৰ পুঁজিপতি সকলক সেই মন্দাৱস্থাৰ পৰা ৰক্ষা কৰিবলৈকে তেল,গেচ, কয়লা, টেলিকম আদি ৰাজহুৱা সম্পদ লুটিবলৈ গেট খুলি দিছিলা নেকি বন্ধু৷ পিছে সিং চাৰে স্বভাৱজাত মৌনতা অৱলম্বন কৰি কথাটোলৈ সন্মতি প্ৰদান কৰাৰ গোপন খবৰ৷

৫. দিনে প্ৰত্যেক দিনে ১১ কোটি শিশুক মধ্যাহ্ন ভোজন দিয়া হয় বুলি জনালে মনৰমোহন চাৰে৷ চাওকচোন প্ৰত্যেকদিনে কিমান শিশুৱে জীয়াই থকাৰ ৰিক্স গ্ৰহণ কৰে৷ বাকী নাগৰিক সকলেও দেশৰ বাবে নিজকে এনে ৰিক্স লবলৈ আগুৱাই দিব লাগে বুলি তেখেতে কয়৷

৬. কচ্চৰ সীমাৰ পৰা নৰেনে মুডত মাত লগালে হেনো পাকিস্তানলৈকে শুনি, দিল্লীয়েহে শুনি নাপায় কচ্চ বাসীৰ দুৰ্দশাৰ কথা৷ সেই কথা টিভিত শুনি টেলিকম মিনিষ্টাৰে দিলে কচ্চ আৰু দিল্লীৰ মাজত হট-লাইন লগোৱাৰ নিৰ্দেশ৷

৭. আদাক দেখি উঠিল গা, কেতুৰীয়া বোলে মোকো খা! নৰেনৰ ভাষণ শুনি ৰাহুৱেই ভাষণ দিবলৈ জেদ কৰাৰ বাতৰিয়ে কঁপালে জনপথৰ বৰঘৰ৷ ভাষণ লিখি নিদিয়া বাবে বায়েকৰ ওপৰত পেছ পাতি ৰাহুমণি ৰোহঘৰত সোমাই থকাৰ খবৰ!

৮. "মোৰ ডিঙি মোৰ কথা" বুলি মন্তব্য কৰিলে বিশ্ব শৰ্মাই৷ তেখেতে ক’লে- "বাক স্বাধীনতা আছে বাবেই চাগলীৰ দৰে মই লেপলেপাই থাকিম, মোৰ জিভাত লেকাম লগোৱাৰ কোনো ব্যৱস্থা নাই"! পৃথক ৰাজ্য সম্পৰ্কত লেপ-লেপোৱা বাবে নিচাদেউৱে ধমকি লগোৱাৰ পাছতে তেওঁ প্ৰকাশ কৰিলে এই প্ৰতিক্ৰিয়া ৷

৯. অসম চুক্তি নামৰ কাগজৰ নুৰা এটাৰ ২৮ বছৰীয়া জন্মদিন আজি বহুতো জাতীয়তাবাদীৰ ঘৰত চিৰা-পিঠা-মাহ প্ৰসাদেৰে উদযাপন কৰা বুলি জানিব পৰা গৈছে৷ এই কাগজ কেইখিলাৰ বলতে তিনি দশক উপাৰ্জন চলি আছে, ৰাজনীতি চলি আছে, আৰু ভৱিষ্যতেও যাতে চলি থাকে তাৰ বাবে ভগৱানক কৰিলে প্ৰাৰ্থনা ৷

১০. প্ৰতিবেশীৰ সতে প্ৰেমতেই গুৰুত্ব দিলে মনৰমোহন চাৰে৷ ক’লে প্ৰতিবেশীৰ সৈতে চৰ-ঠাপৰ খায় থকাৰ অভ্যাস কৰিলেই শান্তি বজাই ৰাখিব পাৰি৷ তেখেতে ক’লে এখন তাল কিমান বাজিব? পিছে পাক-প্ৰতিবেশীয়ে কাশ্মীৰ পাহাৰৰ শিলগুটি লৈহে তাল বজাই সীমান্তবাসীৰ কাণ ঘোলা কৰি দিয়াৰ আহিছে চিন্তনীয় বাতৰি৷

No comments:

Post a Comment

Post Bottom Ad

Responsive Ads Here

Pages