পলকতে সুখ-দুখৰ বাতৰি - অসমীয়াৰ সুখ-দুখ

xukhdukh.com :: Asomiyar xukhdukh - অসমীয়াৰ সুখ-দুখ :: ইউনিকোডত প্ৰকাশিত প্ৰথম অসমীয়া অনলাইন দৈনিক :: প্ৰতিদিন আপডেট | Content Rich Assamese online Daily / portal /e magazine: ভাল খবৰ, প্ৰৱন্ধ, বিশ্লেষণ, গ্ৰন্থ-আলোচনা, হাস্য-ব্যংগৰে সমৃদ্ধ...

মহীৰূহৰ লেখা

পলকতে সুখ-দুখৰ বাতৰি

পলকতে সুখ-দুখৰ বাতৰি

Share This

আজিৰ ভাল খবৰবোৰ
১. কালি গুৱাহাটী কলাক্ষেত্ৰত অসম ৰাজ্যিক গ্ৰাম্য জীৱিকা অভিযানৰ উদ্যোগত আৰু অসম গ্ৰামীণ বিকাশ বেংকৰ সহযোগত এক ৰাজ্যিক পৰ্যায়ৰ ঋণ শিবিৰ অনুষ্ঠিত হয়। এই অনুষ্ঠানতে মুখ্যমন্ত্কীয়ে ৰাজ্যত গ্ৰাম্য উন্নয়ন পৰিষদ আৰু মহিলা উন্নয়ন পৰিষদ গঠন কৰা হব বুলিও প্ৰকাশ কৰে। কালি এই ঋণমেলাত ৰাজ্যৰ ৩৯৫৯টা আত্ম-সহায়ক গোটক মুঠ ২০.৪২কোটি টকাৰ ঋণ প্ৰদান কৰা হয়।

২. দেশৰ প্ৰতিজন নাগৰিককে তথ্য-প্ৰযুক্তি সেৱা প্ৰদান কৰাৰ উদেশ্যে কালি নতুন দিল্লীত প্ৰধানমন্ত্ৰীয়ে উদ্বোধন কৰে “মিছন ডিজিটেল ইণ্ডিয়া সপ্তাহ”ৰ। এই অভিলাসী আঁচনিৰে সকলো গাঁও পঞ্চায়তকে ব্ৰডব্ৰেণ্ডৰে সামৰি লোৱা, ই-গৱৰ্নেঞ্চৰ প্ৰসাৰ কৰা, ১৮লাখ কৰ্মসংস্থানৰ সৃষ্টি, বিদ্যালয়-বিদ্যালয়ত ৱাই-ফাই আদিৰ লক্ষ্যৰে এই মিছন উদ্বোধন কৰা হৈছে। মুকেশ আম্বানীয়ে ডিজিটেল ইণ্ডিয়াৰ ক্ষেত্ৰখনত ২লাখ ৫০হাজাৰ কোটি টকাৰ বিনিয়োগ কৰিবলৈ আগবাঢ়ি অহা বুলিও বাতৰি প্ৰকাশ পাইছে।

৩. মিচিং স্বায়ত্ত শাসিত পৰিষদৰ উদ্যোগত গোগামুখত অনুষ্ঠিত হৈছে আঠখন জিলাৰ সহস্ৰাধিক কৃষকৰ অংশগ্ৰহণেৰে কৃষক অধিৱেশন। উন্নত কৃষি কৰ্মৰে ৰাইজক স্বাৱলম্বী কৰাৰ বাবে পদক্ষেপ লোৱা হব আৰু এই ক্ষেত্ৰত টাটা কোম্পানীয়ে সামাজিক দায়বদ্ধতাৰ শিতানৰ পৰা ১৩কোট মীন আৰু ১০কোটি কৃষিকৰ্মৰ উন্নীতকৰণৰ বাবে বিনিয়োগ কৰিব বুলিও সুখবৰ প্ৰকাশ পাইছে। সফল খেতিয়ক আৰু কৃষি বিজ্ঞানী সকলেও অংশগ্ৰহণ কৰি ৰাইজক পদ্ধতিগত উন্নত কৃষিকৰ্মৰ বিষয়ে অধিবেশনতে অৱগত কৰা বুলিও জানিব পৰা গৈছে।

৪. চিত্ৰশিল্পী আৰু ভাস্কৰ্য শিল্পৰে খ্যাতি অৰ্জা নগঞা শিল্পী সুজিত দাসে এইবাৰ তৈয়াৰ কৰি উলিয়ালে সাহিত্যচাৰ্য মহিম বৰাৰ মাটিৰ আবক্ষ মূৰ্তি। অহা ৬জুলাইত সাহিত্যিকগৰাকীৰ ৯২সংখ্যক জন্মদিনৰ প্ৰাকক্ষণত নিৰ্মাণ কৰা মূৰ্তিটো শিল্পীজনে মাত্ৰ চাৰি ঘণ্টাৰ ভিতৰতে সাজি উলিয়াই এই দুফুট উচ্চতাৰ আবক্ষ মূৰ্তিটো।

৫. ৰাষ্ট্ৰীয় এম্বুলেঞ্চ সেৱা ১০২য়ে অসমত ইয়াৰ সেৱাৰ এবছৰ দহমাহ সম্পূৰ্ণ কৰিছে। বিগত ৬৩৫দিনত ৩১৬খন বাহনেৰে ৰাজ্যৰ ২৭খন জিলাক সামৰি মুঠ ২লাখ ৫১২গৰাকী লোকলৈ এই সেৱা আগবঢ়োৱা বুলিও সুখবৰ প্ৰকাশ পাইছে।

৬. বিগত দুবছৰে বানৰ পৰা ৰক্ষা পাব পৰাকৈ বাৰিষাৰ পূৰ্বে চপাব পৰাকৈ বৰোধানৰ খেতি কৰি মৰিগাঁৱৰ কৃষক সকলে সফলতা লাভ কৰাৰ পাছত এইবাৰ মাকৈ খেতিৰে অধিক লাভৰ মুখ দেখা বুলি জানিব পৰা গৈছে। বৰোধানৰ খেতিৰে অভিলেখ গঢ়া কৃষক সকলে এইবাৰ কম খৰচী মাকৈ খেতি কমেও ২৫০০হেক্টৰ ভূমিত কৰাৰ লগতে প্ৰতি কুইণ্টলত ১০০০টকালৈকে দাম দাভ কৰিবলৈ সক্ষম হৈছে। প্ৰতি বিঘাত দুই-তিনিহেজাৰ টকাৰ খৰছৰ বিপৰীতে ৯কুইণ্টেললৈকে মাকৈ লাভ কৰাত এই খেতিয়ে সাধাৰণ ৰাইজৰ মাজত লাভজনক খেতি ৰূপে জনপ্ৰিয়তা লাভ কৰা বুলিও সুখবৰ পোৱা গৈছে।

৭. তিনিচুকীয়া উন্নয়ন প্ৰাধিকৰণৰ উদ্যোগত অসমত প্ৰথমবাৰৰ বাবে অঘৰী লোকৰ ৰাত্ৰি যাপনৰ বাবে ৰাত্ৰি আশ্ৰয়গৃহ নিৰ্মাণ কৰিবলৈ লোৱা গৈছে। প্ৰায় ৪৬লাখ টকাৰে দুমহলীয়াকৈ এটি ভৱন তৈয়াৰ কৰি এটা মহলত নাৰী আৰু এটা মহত পুৰুষ সকলক আশ্ৰয় লব পৰাকৈ ব্যৱস্থা কৰা হব বুলিও সুখবৰ প্ৰকাশ পাইছে।

৮. মেঘালয়ৰ ইউনিভাৰ্চিটী অৱ চায়েঞ্চ এণ্ড টেকনলজিয়ে উত্তৰ-পূৱৰ মহাবিদ্যালয় সমূহৰ বাৰ্ষিক আলোচনী সমূহৰ মাজত অনুষ্ঠিত কৰা আলোচনী প্ৰতিযোগিতাৰ ফলাফল ঘোষণা কৰা হৈছে। খানাপাৰাৰ ভেটেনেৰী কলেজে প্ৰথম, কটন কলেজে দ্বিতীয় আৰু ডুমডুমা কলেজে তৃতীয় শ্ৰেষ্ঠ আলোচনীৰ বঁটা লাভ কৰিচে। ৰঙিয়া কলেজ, ডি.আৰ. কলেজ আৰু নগাঁও কলেজলৈ নিচুকণি বঁটা আগবঢ়োৱা হৈছে। অহা ৮-৯ আগষ্টত বিভিন্ন শাখাৰ বঁটা সমূহ প্ৰদান কৰা হব বুলিও জানিব পৰা গৈছে।

৯. ৰাভা হাছঙ স্বায়ত্ত শাসিত পৰিষদ এলেকাত কৃষি বিপ্লৱৰ সূচনা কৰাৰ লক্ষ্যৰে ৰাজ্যৰ ভিতৰতে প্ৰথম বাৰৰ বাবে তৈল খেজুৰ খেতিৰ শুভাৰম্ভ কৰা হৈছে। দুধনৈৰ ওচৰৰ খুংখ্ৰাজানী গাঁৱত উক্ত খেতিৰ শুভাৰম্ভ কৰে মুখ্য কাৰ্যবাহী সদস্য টংকেশ্বৰ ৰাভাই। কেইজনমান উদীয়মানৰ প্ৰচেষ্টাত মুঠ ১৬০হেক্টৰ মাটিত এই খেতি কৰিবলৈ লোৱা হৈছে।

১০. বৰপেটাৰ সাহিত্য সভা ভৱনত কালি পাঁচ গৰাকী কন কন শিশুৱে উন্মোচন কৰে সু-সাহিত্যিক, শিক্ষাৰত্ন বঁটাপ্ৰাপক কৃৰ্তি শিক্ষক অক্ষয় কুমাৰ মিশ্ৰৰ “জীৱনটো গঢ়োঁ আহাঁ” শীৰ্ষক এখনি গ্ৰন্থ।

No comments:

Post a Comment