জুতি লগা আখল - অসমীয়াৰ সুখ-দুখ

xukhdukh.com :: Assamese LIFELINE on SOCIAL MEDIA

সামাজিক যোগসূত্ৰৰ মঞ্চত ইতিবাচক বাৰ্তাবাহক
ভাল খবৰ ভাল সমল, পঢ়ি লভক আনন্দ বিমল

Post Top Ad

Responsive Ads Here
তিল আৰু মূলাৰ চাটনি 

ৰুমঝুম শইকীয়া

উপকৰণসমূহ : - টেবুল চামুচেৰে ৩চামুচ গোটা তিল,
কুমলীয়া মূলা মজলীয়া আকাৰৰ ২টা, পিয়াজ মজলীয়া আকাৰৰ ২টা,
নহৰু এটা, কেঁচা জলকীয়া ৫টা,
নেমু টেঙা এটা,
ধনীয়া অলপমান
আৰু নিমখ জোখ মতে ৷


প্ৰণালী : - তিলখিনি ভালদৰে ধুই শুকুৱাই লৈ অলপ কম জুইত তিলৰ গোন্ধ ওলোৱালৈকে ভাজি লব৷ মন কৰিব বেচিকৈ ভাজ নাখায় যাতে৷ অলপ ঠাণ্ডা হলে মিস্কিত তিলখিনি পিচি লব৷ মূলা দুটাৰ বাহিৰখিনি ভালদৰে চুচি পৰিস্কাৰ কৰি লওক৷ এতিয়া মূলা দুটা ৰুকনিৰ ডাঙৰ ফুটা থকা ফালদি ৰুকি লওক৷ নহৰু কেইফুটামান দীঘল দীঘলকৈ কাটি লওক৷

পিঁয়াজো পাতল পাতলকৈ কাটি লব৷ এতিয়া কেৰাহীত তেল গৰম কৰি দুফালকৈ ফলা জলকীয়াকেইটা ভাজি লওক৷ কটা নহৰু আৰু মূলাখিনিও কেৰাহীত দি দিব৷ কম জুইত ৫মিনিটমান সময় ঢাকোন দি থব৷ এইদৰে ভাজিলে মূলাৰ মিশ্ৰণৰ পানী শুকালে তিলখিনি মিহলাই নেমু চেপি জোখমতে নিমখ দি ভালদৰে লৰাই পুনৰ ২মিনিট সময় ঢাকি ৰাখক৷

জুইৰ পৰা নমাই শেষত ধনীয়া আৰু কেঁচা পিঁয়াজ দি খাবলৈ পৰিবেশণ কৰিব পাৰে৷ মূলাৰ সলনি কঠালৰ গুটি,কাবুলি বুট নাইবা মটৰ বয়ল কৰি একেদৰে চাটনি প্ৰস্তুত কৰিব পাৰে৷

No comments:

Post a Comment

Post Bottom Ad

Responsive Ads Here

Pages