পলকতে সুখ দুখৰ বতৰা - অসমীয়াৰ সুখ-দুখ

xukhdukh.com :: Asomiyar xukhdukh - অসমীয়াৰ সুখ-দুখ :: ইউনিকোডত প্ৰকাশিত প্ৰথম অসমীয়া অনলাইন দৈনিক :: প্ৰতিদিন আপডেট | Content Rich Assamese online Daily / portal /e magazine: ভাল খবৰ, প্ৰৱন্ধ, বিশ্লেষণ, গ্ৰন্থ-আলোচনা, হাস্য-ব্যংগৰে সমৃদ্ধ...

মহীৰূহৰ লেখা

পলকতে সুখ দুখৰ বতৰা

পলকতে সুখ দুখৰ বতৰা

Share This
সুখৰ খবৰঃ
১. আজি ষষ্ঠীৰ বেদীত প্ৰতিষ্ঠিত হ’ব দুৰ্গা দেৱীঃ ৰাজ্য-জুৰি কেইবা হাজাৰ পূজা মণ্ডপত হ’ব দুৰ্গতিনাশিনীৰ আৰাধনা৷
মুম্বাই অসমীয়া সাৰ্বজনীন দুৰ্গা পূজা সমিতিৰ
পাঁচ দিনীয়াকৈ আয়োজিত পূজাৰ মণ্ডপ

২. চাইবাৰ ক্ষেত্ৰত কৰা গৱেষণাৰ বাবে আমেৰিকাবাসী বিজ্ঞানী লেভিট, ৱাৰ্চেল আৰু কাৰপ্লাছলৈ আগবঢ়োৱা হৈছে এই বৰ্ষৰ ৰসায়ন বিজ্ঞানৰ ন’বেল বঁটা৷

৩. এইবৰ্ষৰ পৰা আৰম্ভ হোৱা সুব্ৰত কাপৰ ছোৱালীৰ ৰাষ্ট্ৰীয় ফুটবল প্ৰতিযোগিতাত প্ৰথমটো বিজয় সাব্যস্ত কৰিলে অসমৰ তিনিচুকীয়াৰ বৰাগুৰি উচ্চতৰ মাধ্যমিক বিদ্যালয়ে৷

৪. ডিব্ৰুগড় বিশ্ববিদ্যালয়ৰ আন্তঃ কলেজ মহিলা ফুটবলঃ খোৱাং মহাবিদ্যালয়ে অৰ্জন কৰিলে চূড়ান্ত বিজয়ীৰ সন্মান৷

৫. লাহোৱালত হোৱা অনিৰুদ্ধ ট্ৰফী ফুটবল প্ৰতিযোগিতাত চেম্পিয়ন হ’ল তামোলবাৰী চাহ বাগিচা৷

৬. অৱশেষত ডেৰ মাহৰ বিৰতিত ঠেহ ভাগিল ব্ৰহ্মপুত্ৰ বৰ্ডৰঃ মাজুলীত স্থায়ী সুৰক্ষাৰ কাম পুনৰ আৰম্ভ কৰাৰ বাবে ল’লে সিদ্ধান্ত৷

৭. উন্মোচিত হ’ল শ্ৰব্য এলবাম "নিকা": নিকা শাণ্ডিল্য একক কণ্ঠৰে সজোৱা গীত সমূহৰ সংগীত পৰিচালনা মানস হাজৰিকা৷

৮.
তেজপুৰৰ জোনাকী হল আৰু যোৰহাটৰ স্মৃতি গোপাল চিনেমাতো প্ৰদৰ্শিত হ’ব অসমীয়া চলচিত্ৰ তথা প্ৰথমখন ভাৰতীয়া মাৰ্চিয়েল আৰ্ট কমেডী ছবি "লোকেল কুংফু": ১১অক্টোবৰৰ পৰা এটা সপ্তাহ যোৰহাট আৰু তেজপুৰৰ দৰ্শকে এই ছবি উপভোগ কৰিবলৈ পাব বুলি পৰিবেশকে জনাইছে৷

৯. বংগৰ ১.০৪লাখ প্ৰতাৰিত গ্ৰাহকক ক্ষতিপূৰণ দিলে মমতা বেনাৰ্জীৰ চৰকাৰেঃ তাৰ বিপৰীতে দিছপুৰে লোৱা নাই অবৈধ সম্পত্তি নিলামৰ কোনো ব্যৱস্থা৷

১০. ভৰলুমুখ আৰক্ষীয়ে লাভ কৰিলে বৃহৎ সফলতাঃ ৬০ লক্ষাধিক টকা মূল্যৰ চুৰি হোৱা সোণ-ৰূপৰ মুদ্ৰা গহনা কৰিলে উদ্ধাৰ৷

১১. আজি মিচিং আৰু সোনোৱাল কছাৰী নিৰ্বাচনৰ ভোট গণনাঃ নিৰ্ণয় হ’ব আজি ২৭৭ গৰাকী প্ৰাৰ্থীৰ ভাগ্য৷

১২.
যান-বাহনৰ খুন্দাত জীৱ-জন্তু নিহত হোৱা ৰোধ কৰিব নোৱাৰিলে যান বাহন চলাচল বন্ধ কৰি দিয়াৰ সকীয়নি দিলে ৰাষ্ট্ৰীয় সেউজ ন্যায়াধিকৰণেঃ কাজিৰঙাৰ মাজেৰে যোৱা ৩৭নং ঘাইপথ বহলোৱাতো জাৰি কৰিলে নিষেধাজ্ঞা৷
১৩. দক্ষিণৰ তিনি ৰাজ্যত উজ্বলাললে অসমীয়া সংস্কৃতিঃ অক্টেভ-২০১৩ নামৰ দক্ষিণ ভাৰতত হোৱা সাংস্কৃতিক মহোৎসৱত সমাদৰ বুটলিলে সাংস্কৃতিক শিক্ষা প্ৰতিষ্ঠান "পঞ্চসুৰ"ৰ শিল্পীসকলে৷

১৪. পূজাৰ বতৰত ব্ৰেণ্ডেড সামগ্ৰীৰ বিক্ৰী ৩০ শতাংশ বৃদ্ধি পোৱাৰ সুখবৰঃ ব্যৱসায়ত বিশাল পৰিমানৰ লাভ অৰ্জন কৰিলে দেশী-বিদেশী প্ৰতিষ্ঠানে৷

১৫. ভূমি পট্টন- সীমা সমস্য সমাধানৰ দাবীত নাৰায়ণপুৰত কৃষক মুক্তিৰ সভাঃ আঠুঁৱা কম্বলৰ বাবে বিবেক বিক্ৰী নকৰিবলৈ অখিল গগৈয়ে সমবেত ৰাইজলৈ জনালে আহ্বান৷

১৬. এন.এইচ.পি.চিৰ অপহৃত মহাপ্ৰৱন্ধকৰ লুকুৱাই ৰখাৰ সম্ভেদ পাইছে আৰক্ষীয়েঃ তেজপুৰত আই.জি.পি. এছ এন সিঙে প্ৰকাশ কৰিলে এই তথ্য৷

১৭. যোৰহাটৰ উত্তৰ পূৱ বিজ্ঞান আৰু প্ৰযুক্তি প্ৰতিষ্ঠানৰ নতুন সঞ্চালক ৰূপে নিযুক্তি লাভ কৰিলে ডঃ ডি ৰামাইয়াইঃ অসম জাতীয়তাবাদী যুৱ ছাত্ৰ পৰিষদে তুলিলে অসমীয়া বিজ্ঞানীক বঞ্চিত হোৱাৰ অভিযোগো৷

১৮. ধৰ্ম-নিৰপেক্ষতাৰ উৎকৃষ্ট উদাহৰণ দাঙি ধৰি নাগপুৰৰ দুৰ্গা পূজা কমিটিত মুছলিম যুৱকক দিলে উপসভাপতিৰ পদ৷

১৯. কনিষ্ঠ পৰ্যায়ৰ পদত পাহাৰীয়া জনজাতিৰ বাবে কিয় নাই সংৰক্ষণঃ লোকসেৱা আয়োগলৈ আদালতে জাৰি কৰিলে কাৰণ দৰ্শোৱাৰ জাননী৷

২০. ম’বাইল ফোনৰ টাৱাৰৰ ওপৰত নিয়্ন্ত্ৰণ বিষয়ক লৈ গুৱাহাটী পৌৰ নিগমলৈ হাইকৰ্টে কৰিলে কৈফিয়ৎ তলৱ৷

No comments:

Post a Comment