সম্পাদকলৈ চিঠি - অসমীয়াৰ সুখ-দুখ

ইউনিকোডত প্ৰকাশিত অনলাইন দৈনিক

xukhdukh.com

Post Top Ad

Responsive Ads Here
মূল্যবৃদ্ধিত জৰ্জৰিত ৰাইজঃ
কিয়
শুই আছে জাতীয় সংগঠন? 
চামিউল আহেমদ, শিৱসাগৰ
সম্পাদক মহোদয়,
নৰেন্দ্ৰ মোদী নেতৃত্বতাধীন বিজেপি চৰকাৰে দেশৰ জনগণক বিভিন্ন প্ৰতিশ্ৰুতি দি দেশৰ শাসনভাৰ দখল কৰিবলৈ সক্ষম হৈছিল। এই প্ৰতিশ্ৰুতি সমূহৰ অন্যতম এটা হৈছে খাদ্য সামগ্ৰীৰ মূল্যবৃদ্ধি ৰোধ কৰাৰ। কিন্ত নৰেন্দ্ৰ মোদী নেতৃত্বতাধীন এই চৰকাৰৰ সময় অতিবাহিতহৈ অহাৰ লগে লগে এই প্ৰতিশ্ৰুতি ফুটুকাৰ ফেনতহে যেন পৰিণত হ'ল। পূৰ্বৰ কংগ্ৰেছ চৰকাৰৰ ভূৱা প্ৰতিশ্ৰুতিৰ দৰেই বিজেপি চৰকাৰৰ ভাল দিনৰ প্ৰতিশ্ৰুতি কেৱল প্ৰতিশ্ৰুতিতে সীমাবদ্ধহৈ আছে।

বৰ্তমান সময়ত অসমৰ প্ৰতিখন জিলাতেই সৃষ্টি হৈছে ভয়ংকৰ মূল্যবৃদ্ধি। কি দাইল, কি চাউল, কি ফলমূল। সকলোতে কেৱল সৰ্বসাধাৰণৰ ওপৰত মূল্যবৃদ্ধিৰ মাৰ। এইক্ষেত্ৰত অসমৰ তৰুণ গগৈ নেতৃত্বাধীন কংগ্ৰেছ চৰকাৰ খনেও সম্পূৰ্ণ ৰূপে বিফল হৈছে। নাকী লগোৱাত বিফল হৈছে খাদ্য ও অসামৰিক বিভাগৰ মন্ত্ৰীও। কথাই প্ৰতি আমেৰিকাৰ লগত তুলনা দিয়া মুখ্যমন্ত্ৰী তৰুণ গগৈয়ে বিভিন্ন দায়সৰা মন্তব্য কৰি নিজৰ বিফলতাৰ কথা আওপকীয়াকৈ স্বীকাৰ কৰিছে।

বৰ্তমান সময়ত এক অসাধু চক্ৰই ৰাজ্যৰ ইছলাম ধৰ্মাৱলম্বী লোকৰ পৱিত্ৰ ৰমজান মাহ চলি থকাৰ গয়নালৈ বিভিন্ন ফলমূল তথা ইফতাৰ আৰু চেহেৰিৰ বাবে প্ৰয়োজনীয় খাদ্য সামগ্ৰীৰ মূল্যবৃদ্ধি কৰিছে। যাৰ ফলত ৰাজ্যৰ সকলো ইছলাম ধৰ্মাৱলম্বী লোকৰ লগেতে সৰ্বসাধাৰণৰ নাগৰিকও ভীষণ বিপদত পৰা পৰিলক্ষিত হৈছে। ইমানৰ পাছত অসমৰ কংগ্ৰেছ চৰকাৰৰ যোগান বিভাগ বৰ্তমানেও গভীৰ নিদ্ৰাত মগ্নহৈ আছে। যাকলৈ সৰ্বসাধাৰণৰ নাজত ব্যাপক প্ৰতিক্ৰিয়াৰ সৃষ্টি হৈছ। এতিয়া এই মূল্যবৃদ্ধিৰ
বিষয়টোক লৈ কোনো প্ৰতিবাদৰ জোৱাৰ নোতোলা  অসমৰ গণ-সংগঠনবোৰৰ মুখলৈকে কিন্তু ৰাইজে এতিয়া আশাৰে বাট চাই।  মূল্যবৃদ্ধি ৰোধ কৰাৰ ক্ষেত্ৰত চৰকাৰক পদক্ষেপ লবলৈ বাধ্য কৰোৱাত অসমৰ বিভিন্ন জাতীয় সংগঠনেই ভূমিকা লব লাগিব। কিন্তু বিষয়টোত চকু-মুদাৰ কুলিৰ ভাও ধৰা সংগঠনবোৰে, বেপাৰী ক'লাধনৰ চান্দাৰে চলা সংগঠনে এতিয়া বিষয়টোত কিদৰে নিজৰ স্থিতি গ্ৰহণ কৰে সেইয়াও লক্ষণীয় হব।

No comments:

Post a Comment

Post Bottom Ad

Responsive Ads Here

Pages