প্ৰৱাসৰ চিঠিঃ দক্ষিণ আফ্ৰিকাত কৰোনা কালত এজন অসমীয়া বিজ্ঞানী :: ডo মুকুট গোহাঁই

নেলছন মেন্দেলাৰ দেশ দক্ষিণ আফ্রিকা প্রাকৃতিক সম্পদ আৰু সৌন্দৰ্যত বিশ্বৰ এখন অন্যতম সমৃদ্ধিশালী দেশ। যোগাযোগ পৰিগাঁথনিও উন্নত। কেপটাউন বিশ্ববিদ্যালয়,উইটস বিশ্বদ্যালয়ৰদৰে বিশ্বৰ আগশাৰী উচ্চ শিক্ষানুষ্ঠানৰ দেশ। কৰ্মসূত্রে দক্ষিণ আফ্রিকাত থকা প্রায় দহ বছৰ হ’ল।দক্ষিণ আফ্রিকাৰ কেমিকেল প্রছেছ টেকন’লজিছৰ মূখ্য বিজ্ঞানী, লগতে গৱেষণা আৰু উন্নয়ন বিভাগৰ মূৰব্বী হিচাপে মই বৰ্তমান কৰ্মৰত।মোৰ পৰিবাৰ সংগীতা বৰুৱা গোহাঁইও বিজ্ঞানী হিচাপে গৱেষণা আৰু উন্নয়ন বিভাগত নিয়োজিত।একেদৰে দক্ষিণ আফ্রিকাৰ প্রিটৰিয়াৰ কিউৰ’ একাডেমীৰ তৃতীয় শ্রেণীৰ ছাত্রী আমাৰ ছোৱালী ।

      

২০১৯ চনটোৱে  অতি সুন্দৰকৈ বাগৰ সলোৱাৰ পিছত ২০২০ত সকলো কৰ্মসূচী সুকলমে আৰম্ভ হৈছিলহে আমাৰ। ডুবাইতথকা ভন্টি গীতিকা আৰু ভনী-জোৱাঁই মানস দত্ত ডিছেম্বৰ মাহত  ইয়ালৈ অহাত বহু ঠাই লগে ভাগে ফুৰিলোঁ আমি। বছৰৰ প্রথম ভাগতে দক্ষিণ আফ্রিকাৰ কোৱাজোলো নাটাল বিশ্ববিদ্যালয়ত গৱেষণাৰত তথা সন্দিকৈ ছোৱালী মহাবিদ্যালয় সহকাৰী অধ্যাপক ডo কমল কৃষ্ণ ৰাজবংশী, বেনাৰস হিন্দু বিশ্ববিদ্যালয়ৰ সহকাৰী অধ্যাপক ডo বিজয় দাসো সপত্নীক অহাত ফুৰ্তি পাইছিলো আমি। নতুন নতুন প্রকল্পত ব্যস্ত হৈছিলো নতুন উদ্যমৰে । আমেৰিকা, বেলজিয়াম, দক্ষিণ আফ্রিকা আদিৰ কেইবাতাও প্রকল্পৰ সৈতে সৈতে সহযোগী হৈ পৰছিলো আনন্দেৰে।

জানুৱাৰীত বাতৰিত কৰণা ভাইৰাছৰ উকমুকনিৰ খবৰ পালেও বিশেষ গুৰত্ব দিয়া হোৱা নাছিল তেতিয়া।কালক্রমত দক্ষিণ আফিকাত ইটালীত ফুৰিবলৈ যোৱা দম্পতীৰ শৰীৰত প্রথম ধৰা পৰিল কৰনা পজিটিভ ৰোগী, সেয়া মাৰ্চৰ প্রথম ভাগত। ইতিমধ্যে ইটালীৰপৰা অহা প্রতিজনকে পৰীক্ষা কৰিবলৈ ল’লে চৰকাৰে। ইয়াৰ মাজতে বেলজিয়ামত গৱেষণাৰত তিনিচুকীয়াৰ ছোৱালী ডo অন্বেষা বৰঠাকুৰে গৱেষণামূলক কামত ইয়ালৈ অহাৰ কথা জনালে। স্বাভাৱিকতে অসমৰপৰা অহা সকলক আমাৰ ঘৰলৈ নিমন্ত্রণ কৰি এসাজ লগে-ভাগে খোৱাবলৈ পালে বৰ আনন্দিত হওঁ আমি।কিন্তু পৰবৰ্তিত পৰিস্থিতিত সম্পূৰ্ণ সতকৰ্তা অবলম্বন কৰিহে তেওঁক লগ ধৰিব পাৰো, লগতে দক্ষিণ আফ্রিকাৰ বিখ্যাত লায়ন এণ্ড ছাফাৰী পাৰ্কখনত ফুৰাই আনো। কিন্তু ঘৰলৈ আনিব নোৱাৰাতহে আমাৰ বেয়া লাগি থাকিল।

পৰিবেশ এনেহে হ’ল যে ক’ৰ’না পজিটিভ সমগ্র বিশ্বতে বিয়পি পৰাত দক্ষিণ আফ্রিকা চকাৰে ইউৰোপ, আমেৰিকা, ছিংগাপুৰ আৰু চীনৰৰ সৈতে যোগাযোগ বিচ্চিন্ন ঘোষণা কৰি সেই দেশৰ নাগৰিকৰ ভিছা ৰোধ কৰে, লগতে সেই দেশবোৰলৈ যাতায়ততো বাধা আৰোপ কৰে। বিদ্যালয় আৰু বিশ্ববিদ্যালয়সমুহৰ পাঠদান সম্পূৰ্ণ বন্ধ হয়। কোভিড-১৯ পজিটিভৰ সংখ্যা দক্ষিণ আফ্রিকাত ক্রমান্বয়ে বাঢ়ি অহাত এসপ্তাহৰ আগত জাননি দি ২৬ মাৰ্চৰ নিশাৰপৰা দেশৰ অত্যাৱশ্যকীয় কৰ্ম আৰু সেৱা সমুহৰবাদে সকলো বিভাগৰে সম্পূৰ্ণ লকদাউন ঘোষণা কৰে চকাৰে। জীৱনদায়িনী ঔষধ, লগতে কৃষি আৰু জীৱ-জন্তুৰ প্রয়োজনীয় ঔষধ প্রস্তুতকাৰী হিচাপে আমৰ প্রতিষ্ঠনটোও অত্যাৱশ্যকীয় সেৱাৰ উদ্যোগীক প্রতিষ্ঠান হিচাপে অৰ্ন্তভুক্ত । তথাপি সতৰ্কতামূলক  ব্যৱস্থা হিচাপে গৱেষণা উন্নয়ন বিভাৰ কেইগৰাকীমান বিজ্ঞানীক ঘৰৰ পৰা কাম কৰাৰ দায়িত্ব দিয়া হয়। মোৰ মানুহজনীও ছোৱালীৰ সৈতে ঘৰতে থকা সুবিধাকন পালে। আমি প্রয়োজনীয় বজাৰ সমাৰসমূহ কৰি লকডাউনৰ সময়ত বজাৰ কৰিব নোযোৱাৰ সিদ্ধান্তই ল’লো।বজাৰত ইতিমধ্য হেণ্ড ছিনিটাইজাৰৰ নাটনি হোৱাত আমৰ ৰসায়ন বিভাগত উপলব্ধ সহজলভ্য  সামগ্রীৰে আমি নিজে হেণ্ড ছিনিটাইজাৰ তৈয়াৰ কৰি  আমাৰ ওচৰত থকা কেইঘৰমান অসমীয়া আৰু ভাৰতীয় পৰিয়ালক যোগান ধৰো। ক’বলৈ গ’লে লক্ডাউনৰ সময়ত মোৰ কৰ্মসূচী বাহিলহে।এই লকডাউন সময়ছোৱাত  কেইবাখনো অনলাইন ছেমিনাৰত অংশগ্রহণ কৰিছো । আনকি  কোভিড-১৯ ৰ প্রয়োজনীয় ঔষধ গৱেষণা পৰিকল্পনাটো মনোনিবশ কৰিব লগীয়া হৈছে। কেইবাখনো আন্তৰাষ্ট্রীয় গৱেষণা পত্রৰ পুনৰীক্ষণ,  সম্পাদনাও কৰিবলগীয়া হৈছে এই সময়ছোৱাত। ইপিনে, পৰিয়লকো যিমান পাৰোঁ সময় দিছো। ইন্টাৰনেট মাধ্যমত ছোৱালীৰ পাঠ ভালকৈয়ে চলি আছে।  এনে মূহুৰ্ত্বত বিদ্যালয় কৰ্তৃপক্ষ আৰু শিক্ষকৰ দায়বদ্ধতাত আমি কৃতজ্ঞ।ইয়াৰ মাজতে সময় উলিয়ায় দেশত থকা পৰিয়ালৰ লগতো কথা পাতিছোঁ, বন্ধু-বান্ধবীৰ লগত মত বিনিময় কৰিছোঁ।বিশ্বৰ বিভিন্ন দেশৰ বন্ধু-বান্ধবীৰ লগতে দেশ-বিদেশৰ বহু বিশিষ্ট বিক্তিয়ে আমাৰ খবৰ লৈছে ।আমিও লবলৈ যত্নপৰ হৈছোঁ।

 আজি ২৬ মে’ৰ বিয়লিলৈকে দক্ষিণ আফ্রিকাত মুঠ ২৩,৬১৫ গৰকী লক ক’ৰ’না ভাইৰাছত  আক্রান্ত হৈছে,  তাৰে ৪৮১গৰাকীৰ মৃত্যু হৈছে।বিপৰীতে ১১,৯৭১গাকী সুস্থ হৈ উঠিছে। এতিয়া দক্ষিণ আফ্রিকাত শীতকাল। গতিকে চৰকৰে অধিক সতর্কতাৰে কিউবাৰ স্বাস্থ্যকৰ্মী আনি যৌথভাবে প্রতিৰোধী ব্যৱস্থা অব্যাহত ৰাখিছে। চৰকাৰে ক্রমান্বয়ে লক্ডাউনত শিথিলতা আনি কঠোৰ লক্ডাউন-৫ৰপৰা লক্ডাউন-৪ ঘোষণা কৰি কিছুমান ব্যৱসায়ীক প্রতিস্থান খুলিবলৈ অনুমতি দিছে। জুনত প্রায়ববোৰ ঠাইত লক্ডাউন-৩ লৈ আনি অধিক ব্যৱসায়ীক কৰ্মসূচি আৰম্ভ কৰিব সিদ্ধান্ত লৈছে, লগতে বিশ্ববিদ্যালয় আৰু বিদ্যালয়ৰ উচ্চ শ্রেণীসমূহ সম্পূর্ণ সতৰ্কতামূলক ব্যৱস্থাৰে আৰম্ভ কৰিবলৈ অনুমতি দিছে। সামাজিক দূৰত্ব বৰ্তাই কাৰ্য্যালয়ৰ ভিতৰত প্রবেশ কৰোঁতে তপমান স্ক্রীনীং বাধ্যতামূলক লগতে প্রত্যকজন কৰ্মচাৰীয়ে কভিড-১৯ লক্ষণমুক্ত বুলি স্বঘোষীতবহীত চহীকৰা, হেণ্ড ছেনিটাইজৰ আৰু কৰ্তব্যৰত সময়ত ফেচ মাস্ক আদিৰ বাধ্যতামূলক কৰা হৈছে।

বৰ্তমান  বুজা গৈছে যে প্রয়োজনীয় সতৰ্কতা অৱলম্বন কৰিলে ক’ৰ’না ভাইৰাছৰ সংক্রনৰপৰা বহু পৰিমানে হাত সাৰিব পাৰি।সম্পূৰ্ণ সতৰ্কতামূলক ব্যৱস্থা লৈ চৰকাৰে দেশৰ উদ্যোগ আৰু অন্যান অনুষ্ঠান খুলিবলৈ লোৱা কাৰ্য দেশখনৰ স্বাৰ্থত অতি প্রয়োজনীয় বুলি বিবেচিত হৈছে।ইতিমধ্য ৰামদেছিভিয়াৰ, ফেভিপেভিয়াৰ আদি ঔষধ  COVID-19 ৰোগত ব্যবহাৰ কৰি যঠেষ্ট পৰিমানে সফলতা লাভ কৰা হৈছে আৰু কেইবটাও ঔষধৰ ক্লিনিকেল ট্ৰায়েলৰ অন্তিম পৰ্যায়ত আছে। লগতে বিশ্বৰ বিভিন্ন স্থানত বিজ্ঞানীসকলে পৰীক্ষা চলাই থকা কেইবাটাও পতিষেধকে মানৱ শৰীৰত আশানুৰূপ সফলতাও পাইছে আৰু বৃহৎ পৰিসৰত পৰীক্ষণৰ বাবে সাজু হৈছে। আমি কেইমাহমান ভিতৰত উপযুক্ত কাৰ্যক্ষমৰ পতিষেধক লাভ কৰিম বুলি আশা কৰিছোঁ।  কেইমাহমান সৰ্তক হৈ আমি দৈনন্দীন কাম কাজ সমূহ চলাই নিলে নিশ্বয় এই দুর্যোগপূর্ণ দিন অতিক্রম কৰিব পাৰিম। পৰিশেষত আশা ৰাখিছো আমি সকলোয়ে মিলি বিশ্বৰ এই মহামাৰী প্রতিৰোধ কৰিব পাৰিম।

 দক্ষিণ আফ্রিকাৰ কেমিকেল প্রছেছ টেকন’লজিছৰ গৱেষণা আৰু উন্নয়ন বিভাগৰ জেষ্ঠ বিজ্ঞানী আৰু মূৰব্বী হিচাপে কৰ্মৰত ।

Email: mukut@chemprotech.co.za , Cell No. +27842338505
লেখাটি দৈনিক অসম কাকততো প্ৰকাশ পাইছে।