Sunday, July 15, 2018

মুকলি চিন্তা

সাৱধান হওকঃ ডিজিটেল লুণ্ঠন আৰু হাটে-বাটে ঠগবাজী
(১)
এটা বেংকৰ শাখা, দুটা ঘটনাৰ কথা
ভগৎ লাল দত্ত
ভাৰতীয় ষ্টেট বেংক, দিছপুৰ শাখাত থকা অসম বিধান সভাৰ সদস্য এজনৰ একাউন্টৰ পৰা ১৪ (চৈধ্য) লাখ টকা হৰণ হোৱাৰ বাতৰি এটা দেখা পালো। ইন্টাৰনেট বেংকিঙৰ মাধ্যমত এই ধনখিনি বিধায়কজনৰ একাউন্টৰ পৰা গৰাকীয়ে গম নোপোৱাকৈ (২৪-২৭ জুন ২০১৮ তাৰিখৰ ভিতৰত)বিধি-বহিৰ্ভূতভাৱে উলিয়াই নিয়া হৈছে।

ইন্টাৰনেট বেংকিং যোগে ধন লেনদেন কৰিবলৈ লওঁতে একাউন্টৰ গৰাকীৰ মোবাইল ফোনলৈ অহা সুৰক্ষা কোড ব্যৱহাৰ নকৰাকৈ লেনদেন সম্পূৰ্ণ নহয়। কিন্তু এই ক্ষেত্ৰত প্ৰাথমিক বিচাৰ-খোচাৰত গম পোৱা গৈছে যে বিধায়ক জনৰ বেংকিং লেনদেনৰ লগত জড়িত মোবাইল নম্বৰটোও তেওঁৰ অজ্ঞাতেই অবৈধ ভাৱে ঘটনাচক্ৰ আৰম্ভ হোৱাৰ ৫ দিনৰ পূৰ্বে(১৯ জুন ২০১৮ তাৰিখে) বেংকৰ তথ্য-প্ৰণালীত সলনি কৰি পেলোৱা হৈছে।

ফলত অন্য বক্ৰপথেৰে ইন্টাৰনেট বেংকিঙৰ ব্যৱহাৰকাৰীৰ নাম আৰু গুপ্তশব্দ (পাছৱৰ্ড) আহৰণ কৰি লৈ কৰা যি কোনো অবৈধ লেনদেন হোৱা মূহূৰ্ততে একাউন্টৰ মূল গৰাকীৰ চকুত পৰাতো সম্ভৱ নহয়, না লেনদেনৰ বাবে সুৰক্ষা কোড আহিব না লেনদেন বিষয়ক আন কোনো বাৰ্তা আহিব।

Saturday, July 14, 2018

মনৰ কথা

হিমাৰ সফলতা আৰু ইংলিচ বনাম ভাৰতীয় মানসিকতা
শৈলেন বৰুৱা

(১)
এবাৰ চীনলৈ যোৱা এশজনীয়া ভাৰতীয় সাংবাদিকৰ দলটোত আমি চাৰিজন অসমীয়া ৷ তাৰে আমি দুজন অসমৰ পৰা পোনপটীয়াকৈ আৰু দুজন ৰাজ্যৰ বাহিৰৰ প্ৰতিষ্ঠানক প্ৰতিনিধিত্ব কৰা অসমীয়া ৷ বিদেশত গৈ কি কৰিব লাগিব, নালাগিব আদিৰ সন্দৰ্ভত এদিন আমাক দিল্লীত অৰিয়েণ্টচন প্ৰগ্ৰেম কৰালে ৷ প্ৰতিজনে চীনলৈ কিয় যাব বিচাৰিছে, তাৰ পৰা কি আশা কৰে আদি সন্দৰ্ভতো নাতিদীৰ্ঘ ভাষণ দিব লগা হৈছিল ৷ সেই প্ৰগ্ৰেমৰ সময়তে এজন উত্তৰ ভাৰতীয় IAS বিষয়াই মোক গাজত লগাকৈ কলে - এইবাৰ তোমালোকৰ মন্ত্ৰী আছেতো, সেইবাবে চাৰিজনে চাঞ্চ পালা ৷ আগতে এই দলত অসমীয়া নাথাকেই ৷ ( সেই সময়ত কেন্দ্ৰীয় ক্ৰীড়া মন্ত্ৰীৰূপে আছিল সৰ্বানন্দ সোণোৱাল) কথাষাৰে মোক শেলে বিন্ধাদি বিন্ধিলে ৷ সেই সময়ত মোৰ মগজুলৈ উজাই অহা প্ৰচণ্ড খংটোক দমন কৰি স্বৰ্গতোক্তি কৰাৰ দৰে কলো - এইকথাৰ প্ৰতিবাদ মুখেৰে কৰা অনুচিত ৷ আমি আমাৰ কৰ্মৰ মাজেৰে বুজাই দিব লাগিব যে আমি কোনো ৰাজনৈতিক হস্তক্ষেপত এই দলত স্থান পোৱা নাই ৷ এটা সুযোগলৈ বাট চোৱা যাওক বুলি মনক প্ৰবোধ জন্মালো ৷ তদুপৰি অসমক প্ৰতিনিধিত্ব কৰা আৰু ভাৰতক প্ৰতিনিধিত্ব কৰাৰ ক্ষেত্ৰত মই বিশেষ ভাবে আত্ম সন্মানক গুৰুত্ব দিও বাবে বিভিন্ন ক্ষেত্ৰত সচেতন হৈ থাকো ৷ ( যেনেঃ বিদেশত মই কোনো পৰিস্থিতিতে সুৰাপান নকৰো, কৰা নাই ৷)


Tuesday, May 15, 2018

মুকলি চিন্তা

ভয়ানক গণ্ডগােল!
ড° হীৰেন গোহাঁই
অসমৰ ৰাজ্যিক বিজেপি দল আৰু চৰকাৰৰ তৰফৰ পৰা বাৰে বাৰে দোহাৰি থকা হৈছে যে এন আৰ চিৰ চুড়ান্ত তালিকা প্রকাশ পােৱাৰ লগে লগে ৰাজ্য জুৰি ভয়ানক গণ্ডগােল লাগি যাব। আকৌ একেসময়তে কৈছে যে ঠিক তেনে সময়তে নাগৰিকত্ব আইন সংশােধন বিধেয়কখনৰ সম্পর্কে ৰাজ্যিক বিজেপিয়ে যথাযথ ব্যৱস্থা ল’ব পাৰিব। কথাটোৱে মনত খুদুৱনিৰ সৃষ্টি কৰে। সুধিবলৈ মন যায়, “বাপুহে, ৰাজ্যত বিপর্যয় হ'বৰ সময়তহে যে তােমালােকে বিধেয়কখন সম্পর্কে যথাযথ ব্যৱস্থা ল'ব পাৰিবা, এই সাঁথৰটোৰ অর্থ কি?” দল আৰু চৰকাৰৰ মতিগতি ইমানদিনে পৰ্যবেক্ষণ কৰি এই বিষয়ে আমাৰ মনত এটা ধাৰণা জন্মিছে। তেৰাসবে আগতীয়াকৈ গম পাইছে। যে চূড়ান্ত তালিকাত ‘বিদেশী’ বা ‘সন্দেহজনক বিদেশী বুলি চিনাক্ত হােৱা অধিকাংশ বা বহুসংখ্যক মানুহ অভিবাসী মুছলমান হ'ব পাৰে। তেতিয়া স্বাভাৱিকতে অভিবাসী মুশ্লিম সমাজত হাহাকাৰ আৰু ক্ষোভ প্রকাশ ঘটিব। আনহাতে থলুৱা অসমীয়াৰ মন সন্দেহৰ আৰু শংকাৰ আৱৰ্ত্তত ঘূৰিবলৈ ধৰিব। এই সুযােগতে চৰকাৰে থলুৱাৰ ত্ৰাণকৰ্তাৰ ৰূপ লৈ দয়া কৰি অসমত বাংলাদেশী হিন্দুৰ সংস্থাপনত লাগি যাব পাৰিব। অ'ত-ত'ত দুই চাৰিটা সংঘর্ষ আৰু বিষাক্ত গুজব বিয়পাই দিলে কামটো আৰু সহজ হ’ব। 

তথাকথিত ‘বাংলাদেশী মুশ্লিম’ৰ অনুপাত ইমান বেছি কেনেকৈ হ’ল। পূর্বে কৰা হিচাব-নিকাচৰ পৰা অনুমান কৰা গৈছিল যে ১৯৭১ পছত অহা তেনে মানুহৰ সংখ্যা বা অনুপাত বেছি নহ'ব। হিচাব কেনেকৈ ওলােটা হ’ল? 

Wednesday, May 9, 2018

চিন্তন

এক দেশ, এক আইন আৰু ৰাজনৈতিক বাস্তৱ

অজয় লাল দত্ত
(১)
আমাৰ ভাৰতবৰ্ষ এখন ফেডাৰেল গাঁঠনিৰ দেশ, সেই কথা বৰ্তমানৰ সময়ত বহুতে পাহৰি পেলাইছে বা পাহৰাই পেলাবলৈ বিচৰা প্ৰচাৰৰ ঢৌত কথাবোৰ হেৰাই যোৱাৰ উপক্ৰম হৈছে। বৰ্তমানৰ কেন্দ্ৰীয় চৰকাৰে গ্ৰহণ কৰা পদক্ষেপ কিছুমানে সংযুক্ত গণৰাজ্যখনৰ ৰাজ্যিক অধিকাৰ সমূহক লৈ কেন্দ্ৰৰ অহৈতুক হস্তক্ষেপ বৃদ্ধি হোৱা বুলিও কব খোজা হৈছে। এনে এদেও দুদেও লোটা নিয়াৰ চেওৰ পৰীক্ষামূলক কথাবোৰৰ যোগেদি ৰাজ্য সমূহৰ নিজৰ সিদ্ধান্ত লোৱাৰ পৰিসৰক্ষেত্ৰক সংকুচিত কৰি এক অধিক কেন্দ্ৰীভূত শাসন ব্যৱস্থাৰ কচৰত আৰম্ভ কৰা হৈছে। ৰাজ্য চৰকাৰ সমূহেও যে নিজৰ ৰাজ্যৰ বাবে নিজা আইন প্ৰণয়ন কৰিব পাৰে, সেই কথা মানুহৰ চিন্তাৰ পৰিসৰলৈ আহিবলৈকে সুযোগ যেন নিদিব, তেনে প্ৰপাগাণ্ডাত সকলোকে আক্ৰান্ত কৰা হৈছে।

সমাজ তথা ৰাজনৈতিক পৰ্যবেক্ষক সকলে ইয়াৰ কাৰণ ৰাষ্ট্ৰীয় স্বয়ং সেৱক সংঘৰ 'এক দেশৰ ধাৰণা'ৰ সমুখত ভাৰতবৰিষৰ বৈচিত্ৰ্যতাক অস্বীকাৰ কৰিবলৈ লোৱা আৰু এয়া ভাৰতবৰ্ষৰ ভৱিষ্যতৰ বাবে সুখকৰ নহব বুলিও আশংকা কৰিছে। কাৰণ বিশাল ভাৰতভূমিৰ প্ৰতিটো প্ৰান্তৰ ভৌগোলিক, সাংস্কৃতিক, জনগাঁথনি, জীৱনধাৰা, ধৰ্মীয় আচাৰ-ৰীতি আদিৰ বিশাল বিভিন্নতা আছে। তাৰ বিপৰীতে এক দেশৰ ধাৰণাৰ ব্যাকুলতাই 'এই দেশ হিন্দুস্তান আছিল আৰু কেৱল হিন্দুৰাষ্ট্ৰ হব' এই প্ৰচাৰত ব্যাপক কৰি তুলিছে। ইউনিফৰ্ম চিভিল কোডৰ প্ৰৱৰ্তন হব লাগে বুলি ব্যাপক প্ৰচাৰ চলাই মুচলিম পাৰ্চনেল আইন নোহোৱা কৰাৰ বাবে যুক্তিৰ জোৱাৰ অনা সকলে, ধৰ্মৰ ভিত্তিত আইন দুখন থকাৰ কোনো যুক্তি নথকাৰ কথাটোকেই সজোৰে উত্থাপন কৰে। আৰু ইউনিফৰ্ম চিভিল কোডৰ দাবীক মুছলিম সকলে পাৰ্চনেল ল' বৰ্ডৰ জৰিয়তে কিবা বিশাল সা-সুবিধা বা সুৰুঙা লৈ থকা বুলি প্ৰচাৰ চলাই, তাক ৰাজনীতিত মুছলিম বিৰোধী ভাৱধাৰা গঢ়াত ব্যাপক ভাৱে ব্যৱহাৰ কৰা হৈছে। এই ফৈদৰ কথাকে মানি লৈ এতিয়া ধৰা হওক যে, ধৰ্মৰ ভিত্তিত আইন বেলেগ বেলেগ হব নালাগে আৰু আইনৰ দৃষ্টিত অৱলম্বন কৰা ধৰ্মৰ ভিত্তিত ন্যায় জোখাৰ স্কেলডালো বেলেগ হব নালাগে।

Thursday, April 26, 2018

চিন্তন

 নাৰীৰ সুৰক্ষা আৰু অসম চৰকাৰৰ কৰণীয়
জ্যোতিৰূপম দত্ত
অসমৰ হাইলাকান্দি জিলাত শেহতীয়াভাৱে সংঘটিত হোৱা ঘৃণনীয় ধৰ্ষণকাণ্ডক গৰিহণা দিছো৷ দক্ষিণ হাইলাকান্দিৰ বেতছৰা গাঁওৰ দুৰ্ভগীয়া কিশোৰীগৰাকীক ঘৰত কোনো নথকাৰ সুযোগ লৈ দুৰ্বৃত্তই বলাৎকাৰ কৰি ডিঙি ৰেপি নৃশংসভাৱে হত্যা কৰাৰ সন্দেহ কৰা হৈছে। 

Wednesday, April 25, 2018

প্ৰৱন্ধ

নাৰী স্বাধীনতা আৰু আমাৰ স্বপ্ন
ৰেহনা চুলতানা
নাৰী আৰু পুৰুষ এটা মুদ্ৰাৰ ইপিঠি-সিপিঠি ; এজনে আনজনৰ পৰিপূৰক। পিছে এই কথা আমাৰ সমাজত কিমান দূৰ প্ৰতিফলিত? মানৱ জাতিৰ সৃষ্টিত নাৰীৰ ভূমিকা গুৰুত্বপূৰ্ণ হ'লেও সমাজত নাৰীৰ মৰ্যাদা কিমান সেই প্ৰশ্নই আমাৰ মনত প্ৰায়ে আমনি কৰে। এইখিনিতে, সমাজৰ কথা আহোঁতে যিখন সমাজৰ কথা কৈছোঁ সেইখন সমাজ পুৰুষতান্ত্ৰিক সমাজ; য'ত পুৰুষেই প্ৰধান, পুৰুষেই য'ত সমাজৰ সংগঠক। সেইখন সমাজ য'ত নাৰীৰ স্বাধীনতা, নাৰীৰ অধিকাৰ পুৰুষৰ হাতত। নাৰীৰ বিধি-বিধান য'ত পুৰুষে নিজৰ স্বাৰ্থত গঢ় দিয়া, য'ত নাৰীৰ নিয়ন্ত্ৰক পুৰুষ- কেতিয়াবা পিতৃ ৰূপত, কেতিয়াবা পতি ৰূপত আৰু কেতিয়াবা ভাতৃ অথবা পুত্ৰ ৰূপত। পুৰুষেই য'ত নাৰীৰ ভাগ্য নিয়ন্ত্ৰক, পুৰুষে নিজেই য'ত প্ৰভু, নাৰীৰ অধিকাৰ আৰু নিৰাপত্তা য'ত পুৰুষৰ সদিচ্ছাৰ ওপৰত নির্ভৰশীল, সেইখন পুৰুষতান্ত্ৰিক সমাজৰ কথা কৈছোঁ।

Friday, March 30, 2018

চিন্তন

অসমৰ নিবনুৱা সমস্যা আৰু কৰিব পৰা কাম
শ্যামকানু মহন্ত
অসমত বৰ্তমান প্ৰায় ১৬ লাখতকৈ অধিক স্নাতক নিবনুৱা আছে বুলি কোৱা হৈছে। সচাকৈ হয়তো সংখ্যাটো ই্য়াতকৈ অধিক হব কাৰণ বহু নিবনুৱাই এতিয়াও এমপ্লইমেন্ট এক্সচেঞ্জত নাম ভৰ্তি কৰা নাই। অনুমান হয় অসমত প্ৰায় ২৫ লাখ নিবনুৱা আছে, ৩ কোটি জনস্ংখ্যাৰ ভিতৰত যিটো অতি ভয়্লগা ধৰণৰ এটা সংখ্যা। নিবনুৱা সমস্যাতো সম্পৰ্কে সকলোৱে ভাবিবলৈ হ’ল। এই চৰকাৰ খনে নিবনুৱা সংস্থাপনৰ বাবে বহু কৰাৰ প্ৰতিশ্ৰুতি দিছিল আৰু এই ক্ষেত্ৰত বহুতো কৰিবলগীয়া আছে। চৰকাৰী চাকৰিৰ সংখ্যা কমি আহিছে হয়তো দিনে দিনে আৰু কমিব। সমগ্ৰ ভাৰততে নহয় বিশ্বতে এনেধৰণৰ এটা ট্ৰেণ্ড চলিচে যে চৰকাৰী চাকৰিক আশা কৰি থাকিলে নহব। ব্যক্তিগত খণ্ডত ইমান নিয়োগৰ সুযোগ নাই। থলুৱা কেচামালৰ অভাৱ, পৰ্যাপ্ত পৰিমাণে বিজুলী শক্তিৰ অভাৱ ইত্যাদি কাৰণত উদ্যোগীকৰণ অতি কম। আমি সকলোৱে জানো যে ১৯৪৭ চনত যেতিয়া ভাৰত স্বাধীন হৈছিল তেতিয়া অবিভক্ত অসমৰ অৰ্থনীতি ভাৰতৰ ভিতৰত পঞ্চম বৃহৎ অৰ্থনীতি আছিল। কিন্তু এতিয়া ৰাজ্যিক আয়ৰ ক্ষেত্ৰত অসম ভাৰতৰ ভিতৰত ২৭ নং স্থানত আছে। যোৱা ৬০ বছৰৰ পৰিকল্পনাই অসমখনক বিশেষকৈ আগুৱাব নোৱাৰিলে। ১৯৪৭ চনৰ আগত অসমৰ লগত বহিঃ বিশ্বৰ সম্পৰ্ক আছিল, চিট্টগং বন্দৰেৰে বিশ্বৰ বিভিন্ন ঠাইলৈ বাণিজ্য হৈছিল।

Sunday, March 25, 2018

চিন্তন

শৈক্ষিক উত্তৰণত বিদ্যালয় পৰ্য্যায়ত গ্ৰন্থাগাৰৰ ভূমিকা: 
অসমৰ দৃষ্টিকোনেৰে এক পৰ্য্যালোচনা
ড° বিজয় কৃষ্ণ চেতিয়া
“The Only thing that you absolutely have to know, is the location of the library”- Albert Einstein
সাম্প্ৰতিক সময়ত বিশ্বায়নৰ প্ৰভাৱত শৈক্ষিক ব্যৱস্থাৰ মূল সমল সমূহৰ দ্ৰুত পৰিৱৰ্তন ঘটিছে। আৰু এই পৰিৱৰ্তনৰ প্ৰভাৱত নিতৌ ন ন চিন্তাৰ সংযোজনও ঘটিছে শৈক্ষিক ব্যৱস্থাত। এনে পৰিৱেশত শৈক্ষিক ব্যৱস্থাৰ এক প্ৰধান সমল “গ্ৰন্থাগাৰ বা পুথিভঁৰাল”ৰ গুণগত মানদণ্ডক অংকীয় (digital) চিন্তাৰে উন্নত কৰাও বহু নতুন চিন্তাৰ আৰম্ভণি হৈছে বা হোৱাটো জৰুৰী হৈ পৰিছে কিয়নো বতৰ্মান সময়ত গ্ৰন্থাগাৰক কেৱল মাত্ৰ গ্ৰন্থ ভাণ্ডাৰ বুলিয়ে গণ্য কৰা পৰিৱেশ সলনি হৈছে, বতৰ্মান সময়ত গ্ৰন্থাগাৰ সমূহক আধুনিক বিশ্বৰ বহুমুখী তথ্য ভাণ্ডাৰ ৰূপে গণ্য কৰা পৰিৱেশৰ সূচনা হৈছে। গতিকে এনে পৰিৱেশত আমিও গ্ৰন্থাগাৰকলৈ কিছু আলোচনা কৰাটো জৰুৰী বুলি অনুভৱ কৰি আজি এই আলোচনাত সাম্প্ৰতিক সময়ত শৈক্ষিক উত্তৰণৰ দিশত স্কুল পৰ্য্যায়ত গ্ৰন্থাগাৰৰ ভূমিকা বিষয়ে কিছু কথা আলোচনা কৰা প্ৰয়াস কৰিছোঁ।

Thursday, March 15, 2018

পৰ্যবেক্ষণ

বিজেপিৰ আই.টি চেল ধামাকা
ধ্ৰুৱজ্যোতি ধনন্তৰি
এদিন ৰক্তৰে দুহাত ৰঞ্জিত কৰিছিল মানুহজনে। মানুহজনৰ নাম আছিল ৰত্নাকৰ। এদিন নিজৰ ভুল উপলব্ধি কৰিছিল দস্যু ৰত্নাকৰে। তাৰ পিছত সেই দস্যুজন হৈ পৰিছিল মহৰ্ষি বাল্মীকি। জগতক জনাইছিল ৰাম ৰাজ্যৰ কথা। সেই ৰাম ৰাজ্যৰে স্বপ্ন দেখুৱাই বৰ্তমান ভাৰতৰ সৰ্বাধিক জনপ্ৰিয় দল হিচাপে পৰিগণিত হৈছে বিজেপি।

৬ মাৰ্চ ২০১৮। ইয়াৰ আগতেও বিজেপিৰ আই টি চেল সন্দৰ্ভত বিভিন্নজনে বিভিন্ন কথা কৈ আহিছিল। কিন্তু সেইদিনা অত্যন্ত সাহসেৰে বহু কথা ক’বলৈ আগবাঢ়ি আহিছিল এজন যুৱক। যুৱকজনৰ নাম মহাবীৰ প্ৰসাদ। বিদেশত বাস কৰিলেও নিজ দেশৰ কথা নাপাহৰি প্ৰতি মুহূৰ্ততে স্মৰণ কৰা লোকসকলৰ অন্যতম অভি ডাণ্ডিয়াৰ ফেচবুক পেজত অভি ডাণ্ডিয়াৰ সৈতে লাইভলৈ আহিছিল মহাবীৰ। লাইভলৈ আহিয়েই সেইদিনা বিজেপিৰ আই টি চেল সন্দৰ্ভত পূৰ্বানুমান কৰি অহা প্ৰায়বোৰ কথাই যে সত্য আছিল সেয়া একপ্ৰকাৰ নিশ্চিত কৰিছিল মহাবীৰে। এঘণ্টাতকৈয়ো অধিক সময় ধৰি অভি ডাণ্ডিয়াৰ সৈতে ফেচবুক লাইভত সময় কটাই বহু ভিতৰুৱা  কথাৰ বিষয়ে ৰাজহুৱা কৰিছিল বিজেপিৰ আই টি চেলৰ প্ৰাক্তন কৰ্মচাৰীজনে। সেই লাইভ ভিডিঅ’ প্ৰত্যক্ষ কৰিছিল প্ৰায় আঢ়ৈ লাখ লোকে। ইয়াৰ পিছতে ১০ মাৰ্চত ইউটিউবাৰ তথা ডিজিটেল জাৰ্ণেলিষ্ট ধ্ৰুৱ ৰথীৰ সৈতে এক সাক্ষাৎকাৰ অনুষ্ঠানত ভাগ লয় মহাবীৰে। ধ্ৰুৱ ৰথীয়ে লোৱা মহাবীৰৰ এই সাক্ষাৎকাৰৰ ভিডিঅ’টো ৪৮ ঘণ্টাৰ ভিতৰত প্ৰায় ৬ লাখ লোকে প্ৰত্যক্ষ কৰিছে। এই পোষ্ট পঢ়ি থকা বহুতে হয়তো অভি ডাণ্ডিয়া আৰু ধ্ৰুৱ ৰথীয়ে লোৱা মহাবীৰৰ সাক্ষাৎকাৰটো প্ৰত্যক্ষ কৰিছে। ময়ো দুয়োটা ভিডিঅ’ প্ৰত্যক্ষ কৰিছো। মূলত উক্ত ভিডিঅ’ দুটাৰ ওপৰত ভিত্তি কৰিয়েই আজিৰ আলোচনা কৰিবলৈ লৈছো। যি নহওক এতিয়া আহিছো মূল কথালৈ।

প্ৰৱন্ধ

চৰ-চাপৰিৰ মুছলমান সমাজত প্ৰচলিত লোকবিশ্বাস, লোকসংস্কাৰ 
                                       ৰেহনা চুলতানা
লোকবিশ্বাস আৰু লোকসংস্কাৰ আদিম মানুহৰ এটি অতি সাধাৰণ ধৰ্ম। অসহায় আদিযুগৰ মানুহ আছিল অতি দুৰ্বল আৰু অজ্ঞ। নানা অন্ধবিশ্বাস, লোকসংস্কাৰে  তেওঁলোকৰ জীৱন আগুৰি আছিল। অৱেশ্য আধুনিক মানুহৰ মাজতো এইধৰণৰ লোকবিশ্বাস, লোকসংস্কাৰ আদি যে সমূলি নাই সেয়া ক'ব নোৱাৰি। আজিৰ বৈজ্ঞানিক যুগতো মানেহে অনেক বিশ্বাস, লোকসংস্কাৰ আদিৰ কবলৰ পৰা মুক্ত হ'ব পৰা নাই।

লোকবিশ্বাস আৰু কুসংস্কাৰ সমাৰ্থক নহয়। লোকবিশ্বাস ঐতিহ্যগত আৰু স্থিতিশীল।  বিজ্ঞান চেতনাৰ দ্বাৰা সেয়া দূৰীভূত নোহোৱা পৰ্যন্ত লোকবিশ্বাস আৰু ভ্ৰান্ত বুলি প্ৰমাণিত হোৱাৰ পিছতো তাক পালন কৰি থাকিলে সেয়া কুসংস্কাৰ।  আপাত দৃষ্টিত লোকবিশ্বাস আৰু লোকসংস্কাৰ অভিন্ন যেন বোধ হয় যদিও উভয়ৰে মাজত পাৰ্থক্য আছে। মানুহৰ মানসিক দুৰ্বলতা, অনিশ্চয়তা, শুভাশুভ বোধৰ পৰাই উভয়ৰে উদ্ভৱ। মানৱ জীৱনত ঘটা কোনো ঘটনাৰ পৰাই জন্ম লয় লোকবিশ্বাস যি পৰৱৰ্তী সময়ত লোকসংস্কাৰত পৰিণত হয় আৰু যি লোকাচাৰৰ মাজেদি পালিত হৈ থাকে। গতিকে দেখা যায় যে লোকবিশ্বাস আৰু লোকাচাৰৰ মাজত সম্পৰ্ক আছে। এটা উদাহৰণৰ সৈতে কথাষাৰ বুজাই দিয়া হওক। যাত্ৰা কালত জেঠীৰ মাত অশুভ বুলি লোকসমাজত লোকবিশ্বাস প্ৰচলিত আৰু এই বিশ্বাসৰ বাবে যাত্ৰা নকৰিলে সেয়া হ'ব লোকসংস্কাৰ। আন কথাত কোনো এটা জাতি বা সমাজৰ মাজত সাধাৰণভাৱে যেতিয়া এই লৌকিক অতি বিশ্বাসবোৰে প্ৰভাৱ বিস্তাৰ কৰে তেতিয়া সি হৈ পৰে লোকসংস্কাৰ।

Wednesday, March 14, 2018

কথা-বাৰ্তা

জাপানৰ সাহিত্যিক মাছাতছুগু ওন’ৰ সৈতে এটা সন্ধিয়া
 আবিদ আজাদ 
জাপান আৰু ভাৰতৰ উত্তৰ-পূৰ্বাঞ্চলৰ মাজৰ চলি থকা মৈত্ৰী সম্পৰ্কৰ অংশ স্বৰূপে এক বিশেষ কাৰ্যসূচীত ইম্ফ’ললৈ অহা জাপানৰ প্ৰতিষ্ঠিত আকুতাগৱা (Akutagawa) সাহিত্যিক বঁটা প্ৰাপ্ত যুৱ সাহিত্যিক মাছাতছুগু ওন’ (Masatsugu Ono) ৰ সৈতে যোৱা ২৬ ফেব্ৰুৱাৰীৰ সন্ধ্যা গুৱাহাটীৰ উজান বজাৰৰ চাহ ঘৰ ‘টি ষ্টোৰী’ত এক অনানুষ্ঠানিক বৈঠকত লগ ধৰিছিলোঁ । মাছাতছুগু ওন’ সৃষ্টিশীল সাহিত্যিক তথা জাপানৰ ৰিক্কিঅ’ বিশ্ববিদ্যালয়ৰ অধ্যাপক। জাপানৰ সাম্প্ৰতিক ৰাজনৈতিক-সামাজিক-অৰ্থনৈতিক বিষয় সম্পৰ্কেও তেওঁ সচেতন । তেওঁৰ ৰচনাত জাপানৰ মুখ্যধাৰাৰ বিষয়বোৰতকৈ প্ৰান্তীয় (পেৰিফেৰেল) চিন্তা-ধাৰাই অধিক প্ৰাধান্য পাই বুলি তেওঁ বিশ্বাস কৰে । ভৌগলিকভাৱে অসমো এক প্ৰান্তীয় অঞ্চল । তেওঁৰ সৈতে জাপানৰ সাম্প্ৰতিক পৰিস্থিতিৰ ওপৰত কথা পাতোতে বিভিন্ন দিশত অসমৰ ভৱিষ্যতৰো এক চানেকি আমি দেখিবলৈ পাইছিলোঁ । আমাৰ এই বাৰ্তালাপত অংশ গ্ৰহণ কৰিছিল বৈঠকটোৰ আয়োজক তথা আই আই টি, গুৱাহাটীৰ অধ্যাপক মৃগাংক মধুকল্য, জাপানৰ অন্য এগৰাকী সদস্য ট’ম’ক’ কুৰৈৱা, ছ’চিয়েল এক্টিভিষ্ট তথা ‘বেক বেঞ্চাৰ কেফে’ৰ স্বত্বাধিকাৰী বনমল্লিকা চৌধুৰী, শিল্পী দেৱানন্দ উলুপ, ধৰ্মেন্দ্ৰ প্ৰসাদ, সঞ্জীৱ কলিতা আৰু ড° আফতাব আলি আহমেদে । ট’ম’ক’ কুৰৈৱা (Tomoko Kuroiwa) পেচাগতভাৱে এগৰাকী কিউৰেটৰ আৰু বৰ্তমান তেওঁ দিল্লী নিবাসী । আলোচনাৰ মূল কথা তলত সাক্ষাৎকাৰ ৰূপত তুলি ধৰা হ’ল :

Tuesday, March 13, 2018

চিন্তন

অসমীয়া ভাষাক ৰক্ষা কৰোঁ আহক
দীপাংকৰ মল্ল বৰুৱা
মহাত্মা গান্ধীয়ে কৈছিল – কেঁচুৱাক শাৰীৰিক বিকাশৰ বাবে মাতৃদুগ্ধৰ যিমান আৱশ্যক, শিশুৰ মানসিক বিকাশৰ বাবে মাতৃভাষাৰ সিমানেই আৱশ্যক। বিশ্বৰ বিভিন্ন দেশত হোৱা অসংখ্য গৱেষণাত প্ৰতিপন্ন হৈছেযে মাতৃভাষাত শিক্ষা গ্ৰহণ কৰাটো শিশুৰ মগজুৰ শ্ৰীবৃদ্ধি আৰু মানসিক বিকাশৰ বাবে অতি প্ৰয়োজনীয়। মাতৃভাষা সলসলীয়াকৈ ক’ব পৰা আৰু মাতৃভাষাত লেখা পঢ়া কৰা শিশুৱে নিজৰ ভাষা সংস্কৃতিৰ প্ৰতি শ্ৰদ্ধাশীল হয়, নতুন কথা আৰু আন ভাষা সোনকালে আয়ত্ব কৰিব পাৰে।

Sunday, March 11, 2018

প্ৰৱন্ধ

পৃথিৱীৰ কবিতা নাৰী
তৃপ্তি দাস 
হাৰ্গনভে কৈছিল -" তৰাবিলাক আকাশৰ কবিতা । পৃথিৱীৰ কবিতা নাৰী ।" নাৰীক বাদ দি সমাজ , সংস্কৃতি সকলো অসম্পূৰ্ণ । কিন্তু পুৰুষতান্ত্ৰিক সমাজ ব্যৱস্থাত পৰাধীনতাৰ শিকলিৰে নাৰীক বান্ধি ৰখা হয় । অতীতত আমাৰ সমাজত নাৰীৰ স্থান বাৰুকৈয়ে হতাশজনক আছিল । কন্যা শিশুৰ প্ৰতি অৱজ্ঞাৰ ভাব  পোষণ কৰা হৈছিল । বহু পিতৃ - মাতৃয়ে ভ্ৰ্ৰণৰ লিংগ পৰীক্ষা কৰোৱাই পৃথিৱীৰ পোহৰ দেখাৰ আগতেই কন্যা সন্তানৰ ভ্ৰূণ হত্যা কৰোৱাইছিল ।এনে কৰ্মৰ প্ৰতিৰোধৰ বাবে ১৯৭১ চনত সংসদত "The medical termination of pregnancy Act " খন গৃহীত হয় । "The prenata Diagnostics Techniques(Regulation and Prevention of misuse) Act" খন ১৯৯৪ চনত কাৰ্যকৰী হয় । এই আইন অনুসৰি কোনো মহিলাই গৰ্ভাৱস্থাৰ সময়ত লিংগ নিৰূপন পৰীক্ষা কৰোৱাব নোৱাৰিব। কন্যা সন্তানৰ প্ৰতি উদ্ৰেক হোৱা অনীহাৰ বাবে সমাজিক ব্যাধি স্বৰূপ যৌতুককো জগৰীয়া কৰিব পাৰি।

Thursday, March 8, 2018

সাম্প্ৰতিক প্ৰসংগ

আমেৰিকাত ডনাল্ড ট্ৰাম্পে কিয় নাভাঙিলে লেনিনৰ প্ৰতিমূৰ্তি?
ধ্ৰুৱজ্যোতি ধনন্তৰি
ৰাছিয়া, আমেৰিকাৰ অন্যতম চিৰ প্ৰতিদ্বন্দী। তেনে এখন প্ৰতিদ্বন্দী দেশৰ এজন বিপ্লৱী সমাজবাদী নেতা লেনিনৰ প্ৰতিমূৰ্তি আমেৰিকাত আছেনে? তাতে আকৌ আমেৰিকা হৈছে পুঁজিবাদী ৰাষ্ট্ৰ। সেয়ে লেনিনৰ প্ৰতিমূৰ্তি আমেৰিকাত থকাটো অসম্ভৱ যেনেই লাগে। যি নহওক ভাৰতৰ ত্ৰিপুৰাত (ভাৰতৰ অন্য স্থানতো আছে) থকাৰ দৰে আমেৰিকাতো আছে বিপ্লৱী নেতা ভ্লাডিমিৰ লেনিনৰ এটা প্ৰতিমূৰ্তি। দেশখনৰ Seattle চহৰত আছে এই প্ৰতিমূৰ্তিটো। শত্ৰু দেশৰ নায়কৰ প্ৰতিমূৰ্তি কিদৰে আমেৰিকাত প্ৰতিষ্ঠা হ’ল সেয়াও এতিয়া এক ঐতিহাসিক কাহিনী।

ৰাষ্ট্ৰীয় গুজৱ

লোকেল গুজৱত 
কৰক হাস্য ব্যংগৰে সত্যৰ সন্ধান
১. ৰামুৰাম মাধৱৰ টুইটাৰ অঙঠাৰ যোগেদি পৰহি গোটেই দেশতে সদৌ ভাৰত প্ৰতিমূৰ্তি আক্ৰমণ প্ৰতিযোগিতাৰ বন্তি প্ৰজ্বলন কৰা হয়। দেশৰ ভিন্ন প্ৰান্তৰ ভক্তপ্ৰাণ ৰাইজৰ লগতে ৰঙা-তৃণমূলীয়া দুৰ্বৃত্ত সমাজেও দলমত নিৰ্বিশেষে কোনো ভেদাভেদ নাৰাখি ইয়াত অংশগ্ৰহণৰ বাবে ওলাই অহাত প্ৰধানসেৱকীয়েও দুখ প্ৰকাশ কৰিবলৈ বাধ্য হয়। কোনোবাই কাৰোবাৰ প্ৰতিমূৰ্তিৰ মূৰ ভাঙি ফুটবল খেলা আৰু প্ৰতিদ্বন্দীৰ পাৰ্টিয়ে কাৰোবাৰ মুখত ছাই সনাকে ধৰি দুই এটা অপ্ৰীতিকৰ ঘটনাৰ বাতৰিও আমালৈ আহি আছে বুলি 'গুজৱ নিউজ'ত প্ৰকাশ।

২. ৰাষ্ট্ৰ পৰ্যায়ৰ কেঁকোৰা খেল এখন অলপতে সদৌ সফল অসমীয়া এমুঠিমানৰ মাজত সফলতাৰে অনুষ্ঠিত হৈ যায়। এই খেলখনত কৰ্ট-কেছাৰীত খেলা কৰা মানুহৰ লগতে, টিভিৰ পৰ্দাত চিঞৰাৰ অভিলেখ গঢ়া আৰু গীতমাতৰ বাবাভক্ত গুৰু এজনেও সক্ৰিয় অংশগ্ৰহণ কৰি খেল জমাই তোলে। সেই আপাহতে ৰাজ্যিক পৰ্যায়তো কীটকীট ভূঞাকে ধৰি হালধীয়া, নীলা, বেঙুনীয়া ভিন্ন ৰঙৰ খবৰ বিক্ৰেতায়ো সিৰ ফুলাই নিজৰ অৰিহণা যোগায় বুলিও জানিব পৰা গৈছে।

Wednesday, March 7, 2018

চিন্তন

সন্তানৰ প্ৰতিপালন আৰু ভৱিষ্যতৰ শংকা
অজয় লাল দত্ত

“It is easier to build strong children than to repair broken men.”
-আমেৰিকান লেখক ফ্ৰেডেৰিক ডগলাচ

জীৱনৰ বাট সদায়েই একাবেঁকা। এই অজান বাটত বাট বোলোতে সদায়েই সাৱধান। কোন মুৰ্হূতত টাৰ্নিং আহিব কোনেও কব নোৱাৰে। আনকি কৰ পৰা জীৱনৰ ইউটাৰ্ণ লব লগা হয়, তাৰো কোনো নিশ্চয়তা নাথাকে। মূলতঃ যি কোনো ঘটনাতে মানুহৰ স্বাভাৱিক প্ৰতিক্ৰিয়া প্ৰকাশ পায়, আৰু আৰু যিহেতু ক্ৰিয়াত আমাৰ নিয়ন্ত্ৰণ নাথাকে, সেয়ে মহান মনিষী সকলে সদায়েই আমাৰ প্ৰতিক্ৰিয়াটোকে নিজৰ অধীন কৰি নিয়ন্ত্ৰণ কৰিবলৈ কৈ আহিছে। আমাৰ স্বতঃস্ফুত প্ৰতিক্ৰিয়াৰ সময়তে আমাৰ আচাৰ-আচৰণৰ আচল ৰূপ, সংস্কাৰ, অভ্যাস আদিৰ কথাও প্ৰতিফলিত হয়। সন্তানে কিবা এটা ঘটনা ঘটালে বা কোনো ঘটনাত জড়িত হোৱাৰ বাতৰি পালে, অভিভাৱকৰ মনতো প্ৰতিক্ৰিয়া হয় আৰু তেওঁলোকৰ মনৰ ভাৱ কথা আৰু কৰ্মৰ দ্বাৰাই বৰ্হিঃপ্ৰকাশ হয়।

সুখ-দুখ LIVE-5

"অনলাইন ট্ৰলিং, অনলাইন Abuse আৰু আইনী সুৰক্ষা"

অতিথিঃ 
মুম্বাইত প্ৰতিষ্ঠিত কণ্ঠশিল্পী তথা অভিনেত্ৰী কুইন হাজৰিকা, গুৱাহাটী বিশ্ববিদ্যালয়ৰ গৱেষিকা ৰেহনা চুলতানা আৰু গুৱাহাটী উচ্চ ন্যায়ালয়ৰ অধিবক্তা গৌতম চমুৱাদেৱ।

সূ্ত্ৰধাৰঃ অজয় লাল দত্ত, 
Founder Editor, xukhdukh.com 
ফেচবুক লাইভ https://www.facebook.com/xukh.dukh.52 যোগে আৰু  https://www.facebook.com/axomiyarxukhdukh পেজত প্ৰচাৰিত হয়।  xukhdukh.com ৰ ইউটিউব চেনেলযোগেও আলোচনাটি অনলাইন উপলদ্ধ কৰা হৈছে।
https://www.youtube.com/channel/UCAAMwACpnh655HAdeZxdwBA
লাইক আৰু Subscribe বুটাম টিপাৰ লগতে সমলৰ লিংক উপযুক্ত মঞ্চত আৰু গ্ৰুপত শ্বেয়াৰ কৰি সজাগতা আনিবলৈকো আহ্বান জনালো।

Tuesday, March 6, 2018

মনৰ কথা

উদ্দেশ্যপ্ৰণোদিত সমীক্ষা আৰু বদমাচী
পংকজজ্যোতি মহন্ত
অসংখ্য সমীক্ষাত কিছুমান বদমাচী নীহিত থাকে৷ এই বদমাচী কেৱল আলোচনীয়েই নকৰে৷ গৱেষক, চিকিৎসক বা আন কৰ্মচাৰী আদিয়েও এইবোৰ কৰা দেখা যায়৷ এনেকৈ বহুতে পিএইচডি লৈ আছে৷ তাৰে বহুতক নিজে দেখিছোঁ৷

সমীক্ষা এটা শুদ্ধ হ'বলৈ বহুতো কাৰক জড়িত থাকে৷ ই সৰল অংক নহয়৷ এই সম্পৰ্কীয় কাৰকবোৰ, তাৰ লগত জড়িত গণিত তথা পৰিসংখ্যা সম্পৰ্কীয় কিছুমান প্ৰবন্ধ আছে৷ সেইবোৰলৈ নাযাওঁ৷ তাৰ পৰিৱৰ্তে সৰল কথা কিছুমান চাওক৷

ৰূপালী পৰ্দা

কেলেণ্ডাৰঃ চিনেমা হিচাবে কিমান সফল?
ডালিম দাস
'কেলেণ্ডাৰ' নতুন বৰ্ষৰ এখন উল্লেখযোগ্য ছবি। ইয়াৰ জৰিয়তে হিমজ্যোতি তালুকদাৰ অসমীয়া চিনেমাৰ শেহতীয়া নতুন তৰংগৰ ভাগীদাৰ হৈ পৰিল l পৰিচালকৰ সামগ্ৰিক (পৰি)কল্পনা পৰিষ্কাৰ, কাহিনী কথনৰ কৌশল সহজ, সীমাৰ ভিতৰত পৰিস্থিতিৰ পৰ্যৱেক্ষণ আৰু ৰূপায়ন মন কৰিবলগীয়া । অৰুণ নাথ, ৰিমঝিম ডেকা আৰু মলয়া গোস্বামীৰ অভিনয় সাৱলীল , জথৰতাবিহীন । ইয়াতে অসমীয়া মধ্যবিত্তৰ প্ৰাত্যহিক জীৱনৰ ছবি--যাক ক'ব পাৰি জীৱন যাপনৰ চিত্ৰ (image of living) --বিশ্বাসযোগ্যভাৱেই ফুটি উঠিছে । তেনেই পৰিচিত আৱাহাৱা আৰু পৰিস্থিতিৰ ৰূপায়নৰ বাবেই ছবিখন কিছুদূৰ দৰ্শকৰ দৰ্পন হ'বগৈ পাৰিছে ।

Monday, March 5, 2018

সুখ-দুখ LIVE -4

বিষয়ঃ শিশু-কিশোৰৰ মানসিক স্বাস্থ্য
অতিথিঃ নিউয়ৰ্কত কৰ্মৰত মনোবিজ্ঞানী জিন্না বৰদলৈ
সূত্ৰধাৰঃ অজয় লাল দত্ত, প্ৰতিষ্ঠাপক সম্পাদক, xukhdukh.com
----------------------------------------------------------------------
অতিথিৰ পৰিচয়ঃ জিন্না বৰদলৈ ৰাষ্ট্ৰীয় পুনৰ্নিবাস সংস্থাৰ rehabilitation council of India) অনুজ্ঞাপ্ৰাপ্ত নৈদানিক মনোবিজ্ঞানী (clinical psychologist)। তেওঁ লোকপ্ৰিয় গোপীনাথ বৰদলৈ আঞ্চলিক মানসিক স্বাস্থ্য প্ৰতিষ্ঠানৰ পৰা ক্লিনিকেল ছাইকলজীৰ আৰু আমেৰিকাৰ Cornell Universityৰ পৰা Peer Counselingৰ প্ৰশিক্ষণপ্ৰাপ্ত। শ্ৰীযুতা বৰদলৈ বৰ্তমান invest on Health আৰু yourdost নামৰ অনুষ্ঠানত আমেৰিকাৰ নিউয়ৰ্কত নৈদানিক মনোবিজ্ঞানী হিচাবে কৰ্মৰত।

তেওঁ মনোনিৱেশ কৰা বিষয়সমূহ হ'ল সন্তানৰ লালন পালন (parenting), চাকৰি আৰু শিক্ষাৰ ক্ষেত্ৰত মানসিক চাপ (job and academic stress), আধুনিক জীৱন প্ৰণালীৰ সমস্যা, যেনে উদ্বেগ আৰু হতাশগ্ৰস্ততা ( modern life style disease such as anxiety and depression), পৰিয়াল আৰু সম্বন্ধজনিত সমস্যা ( family and relationship issues)।

ফেচবুক লাইভ https://www.facebook.com/xukh.dukh.52 যোগে আৰু  https://www.facebook.com/axomiyarxukhdukh পেজত প্ৰচাৰিত হয়।  xukhdukh.com ৰ ইউটিউব চেনেলযোগেও আলোচনাটি অনলাইন উপলদ্ধ কৰা হৈছে।