মনৰ কথা - অসমীয়াৰ সুখ-দুখ

xukhdukh.com :: Assamese LIFELINE on SOCIAL MEDIA

সামাজিক যোগসূত্ৰৰ মঞ্চত ইতিবাচক বাৰ্তাবাহক
ভাল খবৰ ভাল সমল, পঢ়ি লভক আনন্দ বিমল

Post Top Ad

Responsive Ads Here
সন্তানক দিব খোজা পৃথিৱীখন
বিপাশা বৰা
আমি সপোন দেখিছিলো আমাৰ আহিবলগীয়া সন্তানে এখন জাতিহীন ,বৰ্ণহীন, লিংগবৈষম্যহীন আৰু ঈশ্বৰহীন পৃথিৱীত খোজ কাঢ়িব৷পিছে পৃথিৱীখন আমি ভবাৰ দৰে সহজ আৰু সুন্দৰ নহয়! আভাসী পৃথিৱীত বাছি বাছি বন্ধুত্বৰ প্ৰস্তাৱ গ্ৰহণ কৰা স্বত্বেও দেখো বহু মানুহৰে মনবোৰ ঠেক৷ তেওঁলোকে নিজৰ পত্নী প্ৰেয়সীকতো দুৱাৰ মাৰি ৰাখিব খোজেই, চ’ছিয়েল নেটৱ’ৰ্কিঙ চাইটতো নাৰীয়ে কি পিন্ধা উচিত, আদৰ্শ নাৰী কেনে হ’ব লাগে, উপদেশ দিবলৈ নেৰে৷ তেওঁলোকে নাৰীৰ প্ৰতিভাক স্বীকাৰ কৰিবলৈ টান পায়, নাৰী মাত্ৰেই সোণৰ জখলা এডাল পাৰি থোৱা থাকে বুলি তেওঁলোকে বিশ্বাস কৰে ৷ 

তদুপৰি, নিজে জন্ম লোৱা জাত-কুলক আনতকৈ শ্ৰেষ্ঠ জ্ঞান কৰি আন সম্প্ৰদায়ক সুযোগ পালেই হেয় প্ৰতিপন্ন কৰিবলৈ তেওঁলোক সদা-সচেষ্ট ৷ মোৰ বিয়াৰ সময়তে কত যে বৰ্ণহিন্দুৰ অৰ-তৰ পৰা উফৰি অহা তিতকাৰি মোৰ প্ৰতিলোম বিবাহক লৈ !! ভাগ্য ভাল যে তেনে সাম্প্ৰদায়িক, ঠেক চিন্তা- চৰ্চাৰ নিজ জাতৰ মানুহৰ লগত মই জীৱনটো কটোৱাৰ কথা ভাবিব লগা নহ'ল ৷

তৃতীয়তে সেই শ্ৰেণীৰ মানুহ, যিসকলে নীতি-আদৰ্শহীন আৰু দূৰ্নীতিগ্ৰস্ত ৰাজনীতিকৰ অনুগত ভৃত্যৰ দৰে আচৰণ কৰে৷ তেওঁলোকে নিজৰ মেধাতকৈও কাৰোবাৰ দয়াৰ বাবেহে চাকৰি পোৱা বুলি বিশ্বাস কৰে আৰু প্ৰভুভক্তি দেখুৱাবলৈ ছ’চিয়েল মিডিয়াত গুন গান গাবলৈ নেৰে ৷ বৰ হাঁহি উঠে তেওঁলোকৰ প্ৰভুসকল আৰু ভক্তসকলৰ সময়ে সময়ে দিয়া বক্তব্য আৰু গিৰকিটৰ দৰে সলোৱা ৰং দেখি ৷ 

কেতিয়াবা বিৰক্তিত আনফ্ৰেইণ্ড কৰিবলৈ লৈও থমকি ৰ’ব লগা হয় ,কিয়নো ফ্ৰেইন্ডলিষ্টৰ বেছিভাগেই স্কুল-কলেজ- বিশ্ববিদ্যালয়ৰ বন্ধু, এসময়ৰ সহকৰ্মী,বিভিন্ন মেল-মিটিঙত চিনাকি মানুহ৷ সেই সুহৃদ বন্ধুসকল এতিয়া পৰিৱৰ্তিত হৈছে একোজন ধৰ্মান্ধ, উগ্ৰ জাতীয়তাবাদী, সোঁপন্থী নেতাৰ অনুগত, সাম্প্ৰদায়িক ব্যক্তিলৈ৷ এইটোও মোৰ বাবে দুখৰ কথাই৷ সদায় উঠা-বহা কৰা মানুহখিনিয়েই এনে, বৃহত্তৰ সমাজখনৰ কথা বাদেই দিলো৷

এনে লাগে যেন,
আমাৰ সন্তানক আমি দিব খোজা পৃথিৱীখন আমি কোনোদিনেই দিব নোৱাৰিম !!!

No comments:

Post a Comment

Post Bottom Ad

Responsive Ads Here

Pages