হাস্য ব্যংগৰে সত্যৰ সন্ধান - অসমীয়াৰ সুখ-দুখ

ইউনিকোডত প্ৰকাশিত অনলাইন দৈনিক

xukhdukh.com

Post Top Ad

Responsive Ads Here

হাস্য ব্যংগৰে সত্যৰ সন্ধান

Share This
লোকেল গুজৱ.কম
১. বিলাসীপাৰাত পুৱতি নিশা তিনিখন নৈশ বাছৰ পৰা ডকাইতে লুটিলে ৪লক্ষাধিক টকাৰ ধন-সো৷ ডকাইত পাৰ্টিলৈ এই সফলতাৰ বাবে অভিনন্দন জ্ঞাপন কৰি লালটুপি কল্যা পুঁজিলৈ তাৰ যথাযোগ্য অংশ ভালে ভালে জমা কৰি দিবলৈ আহ্বান জনালে  ট্ৰাষ্টৰ সমন্বয়ৰক্ষী লক্ষীধৰ শেনচোৱাই৷ ভালে ভালে এই কাম নকৰিলে ট্ৰাষ্ট ভংগ হব আৰু অতি সোনকালেই সকলোকে সপৰিয়ালে ৰঙা-ঘৰত ভাত খাবলৈ আমন্ত্ৰণ জনাব বুলি শেনচোৱাই ইংগিত প্ৰকাশ কৰিছে৷

২. চাফা কৰা সংস্থা ৰামকীক বিদায় দিয়াৰ পৰাই গুৱাহাটী চাফাইৰ কামত ৰাম নাম সত্য হোৱাৰ খবৰ পোৱা গৈছে৷ অচিৰেই আৱৰ্জনা নগৰীত পৰিণত কৰি মহানগৰখনিক এক অভিলেখৰ অধিকাৰী কৰিবই বুলি পৌৰ নিগমে গ্ৰহণ কৰা অভিলাষী আঁচনিখনৰ কথা কেৰাণী এজনৰ পৰা গম পোৱা গৈছে৷ আৱৰ্জনাৰ ৰেকৰ্ড গঢ়াৰ পাছতে প্লেগ মহামাৰীৰো এক অভিলেখ গঢ়াৰ মন থকা বুলিও গুজৱ প্ৰকাশ পাইছে৷

৩. চন্দ্ৰপুৰত তামোলগছত ৰচীৰে বিদ্যুতৰ তাঁৰ বান্ধিও সেৱা আগবঢ়োৱাৰ বাবে বিদ্যুত পৰিষদক নথৈ ধন্যবাদ দিছে সচেতন নাগৰিক সন্থাই৷ তামোল গছেৰেই কাম চলিলে, পঁকা খুটাৰ কি দৰকাৰ বুলিও ৰাইজে প্ৰশ্ন তুলিছে৷ প্ৰকৃতিৰ লগত সহ-অৱস্থানৰ এক নিদৰ্শন দাঙি ধৰাৰ বাবে বিজুলী-বাতি মন্ত্ৰীক বিশ্ব পৰিবেশ বঁটা দিবই লাগে বুলিও সংবাদ কৰ্মীৰ আগতে স্থানীয় ৰাইজে মতামত প্ৰকাশ কৰিছে৷

৪. আম আদমী পাৰ্টিলৈ গুল পানাগৰ দৰে বিশেষ সুন্দৰী অহাত প্ৰতিক্ৰিয়া প্ৰকাশ কৰিছে সাধাৰণ সুন্দৰী সকলে৷ তেওঁলোকে সাধাৰণ মানুহৰ পাৰ্টিয়েও এনে অসাধাৰণ সুন্দৰী সকলকে পাত্তা দিবলৈ ধৰিলে সাধাৰণ সুন্দৰী সকলৰ কি অৱস্থা হব, কোনে পাত্তা দিব, তাকে লৈও শংকা প্ৰকাশ কৰিছে৷ এনে মডেলতকৈ সাধাৰণ গৃহিনীক প্ৰাৰ্থী কৰিলেহে দেশৰ সাধাৰণ গৃহিনী সংঘৰ সমৰ্থন দলটোৱে লাভ কৰিব পাৰিব বুলিও মত প্ৰকাশ কৰিছে৷

৫.
সৰু সুৰা চাকৰিয়ালৰ দুখ বেজাৰ নাই বুলি আগৰে পৰাই নিশ্চিত হৈ থকা ৰাজ্য চৰকাৰে, এতিয়া এইসকল চাকৰিয়াল ৰোগ-ব্যাধিও নাই বুলি নতুনকৈ আৱিস্কাৰ কৰিছে৷ সেই অনুসৰি মন্ত্ৰী, বিধায়ক, ক্লাছ-ৱান বিষয়াৰ বাহিৰে সকলোৰে বেমাৰ আজাৰ ভাট্টা বাতিল কৰাৰ খবৰ আহিছে৷ চৰকাৰী ধন ৰাহি কৰাৰ এই অনুপম উপায় আৱিস্কাৰ কৰা জনক অসম ৰত্ন সন্মান প্ৰদান কৰিব লাগে বুলি কৰ্মচাৰী সংঘই মতামত প্ৰকাশ কৰিছে৷
 
৬. লখিমপুৰত গণভক্তি নামৰ পাৰ্টিয়ে কোনো প্ৰাৰ্থী নকৰায় বুলি ঘোষণা কৰিছে৷  লগতে সকলোৰে পৰা সম দূৰত্ব বজাই ৰাখি উপকাৰী প্ৰভুৰ ভক্তিত গদগদ হৈ থাকিব বুলিও জানিব পৰা গৈছে৷ নিজে নিৰপেক্ষ ভূমিকা লৈ ৰাইজক বিবেক ভোট দিবলৈ আহ্বান জনোৱা কথাটোত কোনো গোপন বুজাবুজি হোৱা বুলি কব খোজা সকলো অভিযোগকে আগতীয়াকৈ ষড়যন্ত্ৰমূল, পূৰ্বপৰিকল্পিত আৰু বিভ্ৰান্তিমূলক বুলি আখ্যা দি খণ্ডন কৰিছে৷ ভক্তিতেই শক্তি আছে, ভক্তি কৰিলেহে ওপৰৱালাৰ আশীষ পাব পাৰি, লোভত শক্তি ক্ষয় কৰি নহয় বুলিও স্পষ্ট কৰি দিয়া বুলি জানিব পৰা গৈছে৷

৭. ৰসাল গগৈ আৰু সুগন্ধিউদ্দিনৰ মাজত গোপন বুজাবুজি হোৱা বুলি সংবাদ শিৰোনামাই প্ৰকাশ কৰিছে৷ পুত্ৰক সহায় কৰিলে ভাতৃক সহায় কৰিবলৈ চাৰে সন্মতি দিয়া বুলি হোজাইৰ পৰা জানিব পৰা গৈছে৷ বেপাৰী মানুহে এনে লেনদেনৰ বুজাবুজি গোপনেই কৰে বুলিও সূত্ৰটোৱে প্ৰকাশ কৰিছে৷ বজাৰত ভুৱা প্ৰতিযোগিতাও থাকিব লাগিব, তাৰে মাজতে দুয়ো বেপাৰীৰে অতিপাত লাভো হব লাগিব, সেয়াহে বেছি গুৰুত্বপূৰ্ কথা বুলিও প্ৰকাশ পাইছে৷

৮. "আজি মই ওলালো নতুন দললৈ" শীৰ্ষক গীতত অভিনয়ৰ বাবে আমবাৰীত বহু অভিনেতাই আগ্ৰহ প্ৰকাশ কৰিছে৷ সেয়ে নিৰ্দশকে গানটোত সমবেত নৃত্য কৰি সকলোকে সামৰি লবলৈ সিদ্ধান্ত গ্ৰহণ কৰিছে৷ কাকো নায়ক-নায়িকাৰ ভূমিকা নিদি সকলোকে সম-হাৰত নৃত্য কৰিবলৈ দিব বুলিও পৰিচালক পদুম সোনোৱালে প্ৰকাশ কৰিছে৷

৯. অসমৰ বজাৰত এতিয়া অগৰুদ্দিন, ভাতৃউদ্দিনৰো পুতলাৰ চাহিদা বৃদ্ধি পোৱাৰ খবৰ পোৱা গৈছে৷ বিগত সময়ত সিঙ, গগৈ, কলিতা আদিৰ পুতলা প্ৰতিবাদী সকলৰ বাবে নিৰ্মাণ কৰি অহা সংস্থাই এতিয়া এই নতুন মডেলকেইটাও নিৰ্বাচনী বজাৰত মেলি দিছে বুলি জানিব পৰা গৈছে৷ কালি এনে নতুন পুতলা দহন বৰপেটাত শুভাৰম্ভ হোৱাৰ পাছতে ৰাজ্যৰ আন আন প্ৰান্তৰ পৰাও ইয়াৰ বাবে যোগাযোগ কৰা খবৰ আমালৈ আহি আছে৷

১০. "'টেঙৰ মানুহে মৈত নুঠে" নামৰ নাটক এখনত দিল্লীৰ বিয়াগোম বিয়াগোম নেতা মন্ত্ৰীয়ে ভাগ লোৱাৰ কথা প্ৰকাশ পাইছে৷ ইতিমধ্য আনে চাফা কৰি চহায় লোৱা নিৰ্বাচনত বোকা খেলিবলৈ নানামে বুলি তীখৰ চিবালৰ নেতৃত্বত কেইজমান আংকলে প্ৰকাশ কৰিছে৷ তেওঁলোকে এনে বোকাত লেটিপেটি হোৱাতকৈ ৰাজ্যসভা হোটেলতে পাছত লাগিলে এসাজ কিনি খাব বুলিও প্ৰকাশ কৰিছে৷

No comments:

Post a Comment

Post Bottom Ad

Responsive Ads Here

Pages