পলকতে সুখ দুখৰ বতৰা - অসমীয়াৰ সুখ-দুখ

ইউনিকোডত প্ৰকাশিত অনলাইন দৈনিক

xukhdukh.com

Post Top Ad

Responsive Ads Here

পলকতে সুখ দুখৰ বতৰা

Share This
আজিৰ ভাল খবৰবোৰঃ
১. আজিৰে পৰা দুদিনীয়াকৈ দেশৰ ৰাজধানী দিল্লীত অনুষ্ঠিত হৈছে "নৰ্থ ইষ্ট ফেষ্টিভেল": উত্তৰ-পূৱৰ সাংস্কৃতিক-অৰ্থনৈতিক তথা পাৰম্পৰিক সমলক বিশ্ববাসীৰ আগত নকৈ পৰিচয় কৰি দিয়াৰ উদ্দেশ্যে আয়োজিত হৈছে এই অনুষ্ঠান৷ আজি এই উৎসৱ উদ্বোধন কৰিব মণ্টেক সিং আলুৱালিয়াই৷

২. টাটা কেমিকেলে প্ৰত্যেক বছৰে প্ৰদান কৰা "শ্ৰেষ্ঠ শিক্ষক"ৰ ৰাষ্ট্ৰীয় পৰ্যায়ৰ বঁটাৰে সন্মানিত হৈছে গুৱাহাটী বিশ্ববিদ্যালয়ৰ অধ্যাপক প্ৰদীপ ফুকন৷

৩. অসমৰ নামেৰী ৰাষ্ট্ৰীয় উদ্যান ভ্ৰমণ কৰিলে আমীৰ খানেঃ ভ্ৰমণ কৰিব কাজিৰঙাও৷ গঁড় হত্যাত তেখেতে প্ৰকাশ কৰিলে উদ্বেগঃ ৰাষ্ট্ৰীয় মঞ্চত সেই বিষয়ে সজাগতা সৃষ্টিৰ চেষ্টা কৰিব বুলিও কৰিলে প্ৰকাশ৷
চাঙঘৰত আপঙক বাতি হাতত লৈ আমীৰ খান
৪. এতিয়া ধুবুৰীবাসীয়ে প্ৰয়োজনীয় নথি বিচাৰি যাব নালাগিব  অফিচলৈঃ ধুবুৰীত ভ্ৰাম্যমান ই-সেৱাকেন্দ্ৰ "অৰুণোদয় ভেন"ৰ শুভাৰম্ভ কৰিলে বনমন্ত্ৰীয়ে৷

৫. কোঁচ-ৰাজবংশী সংগঠনৰ সৈতে কেন্দ্ৰৰ আলোচনাত নিশ্চিত কৰিলে জনজাতিৰ মৰ্যদা প্ৰদানৰ সিদ্ধান্তঃ পৃথক ৰাজ্যৰ পৰিবৰ্তে স্বায়ত্ব শাসিত পৰিষদ গঠনৰ গ্ৰহণ কৰিলে প্ৰস্তাৱ৷

৬. অহা ২০নৱেম্বৰৰ পৰা গেৱাত অনুষ্ঠিত হ’ব ৰাষ্ট্ৰীয় চলচিত্ৰ মহোৎসৱঃ এই উৎসৱত অসমীয়া চলচিত্ৰ "জয়মতী"ৰ প্ৰদৰ্শনেৰে ৰাষ্ট্ৰীয় পৰ্যায়ত জিলিকিব জয়মতীৰ আত্ম-ত্যাগৰ গাঁথা৷

৭. প্ৰকাশ পালে অৰুণলোচন দাসৰ চলচ্চিত্ৰ বিষয়ক গ্ৰন্থ "১০০ অসমীয়া চলচ্চিত্ৰৰ কাহিনী আৰু গীত"৷

৮. গুৱাহাটীৰ চানমাৰিত চলি থকা গুৱাহাটী গ্ৰন্থ উৎসৱত অনুষ্ঠিত হ’ল নবীন লেখকৰ ব্যতিক্ৰমী লেখক সমাৰোহঃ সাহিত্য অকাডেমীৰ যুৱ বঁটাৰে সন্মানিত বিভিন্ন ভাষাৰ যুৱক লেখকক জনালে সম্বৰ্ধনা৷

৯. কলিয়াবৰ মহাবিদ্যালয়ত উন্মোচিত হ’ল পদাৰ্থ বিজ্ঞান বিভাগৰ আলোচনী স্পেকুলামৰ তৃতীয় সংখ্যা৷

১০. অসম নাট্য সন্মিলনে আয়োজন কৰা নাটকৰ পাণ্ডুলিপি প্ৰতিযোগিতাৰ ফলাফল হ’ল ঘোষিতঃ প্ৰত্যাহ্বান শীৰ্ষক নাটকৰ বাবে শ্ৰেষ্ঠ বিবেচিত হ’ল নিবেদিতা বৰপূজাৰী৷

১১. অষ্টম ডিব্ৰুগড় গ্ৰন্থমেলাৰ লাইখুঁটা স্থাপন কৰিলে ডিব্ৰুগড় বিশ্ববিদ্যালয়ৰ অৱসৰপ্ৰাপ্ত অদ্যাপক বীৰেন্দ্ৰনাথ বৰঠাকুৰেঃ মিলনজ্যোতদি সংঘৰ উদ্যোগত অনুষ্ঠিত হ’ব এই গ্ৰন্থমেলা৷

১২.  আৰৱৰ নেতাৰ উপস্থিতিত সংঘৰ্ষপীড়িতক সাহাৰ্য তথা সামগ্ৰী বিতৰণ কৰিলে বদৰুদ্দিন আজমলে বিলাসীপাৰাতঃ ভাষণ প্ৰসংগত প্ৰংশসা কৰিলে ৰাজ্যৰ মুখ্যমন্ত্ৰীকো৷

১৩. অহা ২২নৱেম্বৰত শুভমুক্তি লাভ কৰিব জনছ মহলীয়া পৰিচালিত অসমীয়া চলচিত্ৰ "মহাসমৰ"য়ে৷

১৪. মুম্বাইত ৰাজ জ্যোতি কোঁৱৰৰ অসমীয়া গীতৰ এলবাম উন্মোচন কৰিলে প্ৰবীণ অভিনেতা গোবিন্দাই৷

১৫.  চিবিআইৰ বৈধতাক লৈ প্ৰশ্ন তুলিলেগুৱাহাটী উচ্চ ন্যায়ালয়েঃ বৈধতাৰ প্ৰশ্নত তদন্তকাৰী সংস্থাটোৱে এইবাৰ কাষ চাপিব উচ্চতম ন্যায়ালয়ৰ৷

No comments:

Post a Comment

Post Bottom Ad

Responsive Ads Here

Pages