লোকেল গুজৱ - অসমীয়াৰ সুখ-দুখ

ইউনিকোডত প্ৰকাশিত অনলাইন দৈনিক

xukhdukh.com

Post Top Ad

Responsive Ads Here

লোকেল গুজৱ

Share This
(হাস্য ব্যংগৰে সত্যৰ সন্ধান)
১. অসমৰ ৰাইজৰ বাবে নতুন বিশেষ মৌলিক অধিকাৰ ঘোষণা কৰাৰ বাবে বিশেষ পদক্ষেপ ৷ এয়া হৈছে বন্ধ দিয়া আৰু প্ৰতিবাদ কৰাৰ অধিকাৰ৷ বন্ধ ভাট্টা আৰু প্ৰতিবাদী জলপানিৰো বিশেষ ব্যৱস্থা কৰিবলৈ গৃহমন্ত্ৰীয়ে অতি সোনকালেই লব প্ৰশংসনীয় ব্যৱস্থা৷

২. খেতি-বাতি শেষ হ’ল যেতিয়া ধান পকে মানে ৰাইজ এইবাৰ নিজৰ গোষ্ঠীগত আন্দোলনত নানামি কি কৰি থাকিব বুলি প্ৰকাশ পালে তথ্য৷ ধান নোহোৱা মাটি নোহোৱা সকলৰো খাদ্য সুৰক্ষিত হ’লেই যিহেতু সেয়ে পথ অৱৰোধ, আন্দোলন আদিত এতিয়া ভালকৈ মনোনিৱেশ কৰিব পাৰিছে বুলি ধন্যবাদ জ্ঞাপন কৰি দিল্লীলৈ পঠালে ফেক্স৷

৩. দলং উদ্বোধন কৰিবলৈ গৈ গাড়ী যাব নোৱাৰা পথ সমুখত ওলোৱাত হঠাত বিপাঙত পৰিল বিদ্যুত বৰদলৈ৷ প্ৰথমবাৰৰ বাবে সমষ্টিৰ জৰাজীৰ্ণ পথত খোজ দিয়াৰ বাবে আন্তৰিক অভিনন্দন জনালে সমষ্টিবাসীয়ে৷ কেতিয়াবা এইদৰে অলপ খোজ দিলে স্বাস্থ্যৰ বাবেই ভাল বুলিও গাঁৱবাসীয়ে কৰিলে মন্তব্য৷

৪. গোলাঘাটৰ শীতলীকৰণ ভঁৰালতে গজালি ওলাল ১৭হাজাৰ কুইণ্টল আলুৰ ৷ ফটাফট উচ্চ হাৰত বীজ ৰূপে কৃষি বিভাগক কিনি পেলাবলৈ বিপনন বিভাগে দিলে আৰ্জি৷ পুঁজি ব্যৱহাৰ কৰিবৰ বাবে এয়া সুবৰ্ণ সুযোগৰ গজালিহে বুলি মন্তব্য কৰিলে ভঁৰালৰ চকীদাৰেও৷

৫. কেতিয়া হব, ৰেল, বিমান অৱৰোধ তাৰ ঠিকনা নাই৷ সেয়ে ৰেলৱে আৰু বিমানত ফ্লেক্সিবল টিকেট ফৰ আসাম বুলি বিশেষ আঁচনিৰ সুবিধা দিবলৈ বাহিৰত থকা অসমীয়া সকলে দিলে স্মাৰক পত্ৰ৷ অৱৰোধ বিহীন দিনতে বিশেষ ৰেল আৰু বিশেষ বিমানত এনে টিকেট ব্যৱহাৰৰ বাবে সুবিধা দিয়াৰ বাবেও উঠিল দাবী৷

৬. ৰাজ্যিক কৃৰ্তি বঁটাৰ বাবে ২৭গৰাকী শিক্ষক বাছনিত কাহিলাপাৰা অফিচৰ অবৈধ হস্তক্ষেপৰ উঠিল অভিযোগ৷ ঘোঁচ নোখোৱাকৈ আন ফাইল লৰচৰ নকৰা অফিচত কৃৰ্তি শিক্ষকৰ নামৰ ফাইল লৰচৰ কৰিলে বেয়া বাৰ্তা প্ৰেৰিত হব বুলিহে এনে হস্তক্ষেপ কৰা বুলি বিশেষ শিক্ষা বিষয়াই কৰিলে তথ্য প্ৰকাশ৷ শিক্ষকক চিষ্টেম কেনেকৈ চলে তাৰ শিক্ষা দিয়াটোৱেই এই কৰ্মৰ আঁৰৰ মৌলিক চিন্তা বুলিও তেখেতে ব্যক্ত কৰে৷

৭. ভিনিয়েকৰ হাতত লাঞ্চিতা হ’ল খুলশালী, লম্পট ভিনিহি জেললৈ৷ আচাৰ ৰাম বাপুৰ ধাৰ্মিক ৰিজৰ্টৰ ফ্ৰেন্সাইজিৰ বাবে নিজৰ যোগ্যতা প্ৰতিপন্ন কৰাৰ মানসেৰেই এনে ভুল কৰি পেলোৱা বুলি ভিনিহি দেৱে ব্যক্ত কৰাৰ খবৰ৷

৮. ৰাজ্য জুৰি ৩০.৪৪লাখ বিঘা ভূমিত সন্দেহজনক নাগৰিকৰ বেদখল হোৱাৰ খবৰ৷ সোনকালে ভূমি পট্টন প্ৰদান কৰিবলৈ কম-বেচি পাৰ্টিৰ দালাল চক্ৰই জোৰদাৰ প্ৰচেষ্টাৰে সমাজ সেৱামূলক কাম হাতত লোৱাৰ গোপন খবৰ৷

৯. জালুকবাৰীত ডেংগীমহৰ গণনাত বিশ্ব শৰ্মা ব্যস্ত থকাৰ সময়তে মহানগৰীৰ আন অঞ্লত ডেংগীয়ে আক্ৰমণ কৰাৰ দুখৰ খবৰ৷ আচলতে ডেংগী মহৰ বাবে আঠুৱাৰ কমিচন গণনাতহে বেছি সময় কটোৱা বুলি ওলাইছে গুজৱ৷

১০. নগাঁৱত কলেজ নিৰ্বাচনক লৈ দুটা সংগঠনৰ ছাত্ৰ দলৰ মাজত মাৰপিট৷ এই মাৰপিটক এই দুদল ছাত্ৰৰ মাজত সদৌ অসম জুৰি বছৰে বছৰে চলা এক পাৰম্পৰিক মাৰপিটহে তাত চিন্তা কৰিব লগা বিশেষ নাই বুলি গৃহমন্ত্ৰীয়ে কৰিলে মন্তব্য৷ 

No comments:

Post a Comment

Post Bottom Ad

Responsive Ads Here

Pages