পলকতে সুখ দুখৰ বতৰা

সুখৰ খবৰঃ
১. জন সচেতনতাৰ লক্ষ্যৰে অহা ২১ছেপ্তেম্বৰত ডিব্ৰুগড় জিলা পুথিভঁৰাল প্ৰেক্ষাগৃহত মঞ্চস্থ হব পূৰ্ণাংগ নাট “ডাইনী”: যুৱ নাট্যকাৰ বিষ্ণু গোহাঁই ৰচিত নাটকখনৰ পৰিচালনা জয়ন্ত দত্তৰ৷ “বুৰুজ” নামৰ সমাজ সাংস্কৃতিক অনুষ্ঠানৰ এই আয়োজন উদ্বোধন কৰিব বীৰুবালা ৰাভাই৷

২. স্বাধীনতা সংগ্ৰামী বাহাদুৰ গাঁওবুঢ়া-ফৰ্মুদ আলীৰ নামত যোৰহাটত ভোগদৈ দলঙৰ নামাকৰণৰ দাবী তুলিলে সন্মিলিত জাতীয় ঐক্য মঞ্চই৷

৩. স্বাস্থ্যখণ্ডৰ আঁচনি ৰূপায়নত দেশৰ ভিতৰতে প্ৰথম স্থানত আছে অসমঃ কেন্দ্ৰীয় স্বাস্থ্য আৰু পৰিয়াল কল্যান মন্ত্ৰী গোলাম নবী আজাদে পাঁচখনকৈ নতুন আঁচনি উদ্বোধন কৰি প্ৰশংসা কৰিলে অসমৰ স্বাস্থ্য মন্ত্ৰীৰো৷

৪. উন্মোচিত হ’ল জনাৰ্দন গোস্বামীৰ তিনিখনকৈ গ্ৰন্থঃ “লিঅ’নাৰ্ড দ্য ভিঞ্চিঃ এক কিংবদন্ত জীৱনগাঁথা” নামৰ জীৱনী, “তৰাৰ বেহেলা” কাব্য সংকলন আৰু উপন্যাস “এবুকু উশাহ” প্ৰকাশ কৰি উলিয়াইছে ভবানী বুকছে৷

৫. দুহেজাৰ এশ বাৰ গৰাকী শিল্পীৰ কণ্ঠত মুখৰিত দিহানামৰ লহৰত মুখৰিত হ’ল দুলীয়াজানঃ ইণ্ডিয়া বুক অৱ ৰেকৰ্ডছৰ জৰিয়তে দিহানামেৰে ৰচিলে এক নতুন অভিলেখ৷

৬. ইণ্ডিয়ান বেডমিণ্টন লীগ জয় কৰিলে হায়দৰাবাদ হটশ্বট দলেঃ পি ভি সিন্ধুক পৰাস্ত কৰিলে ছাইনা নেহৱালে৷

৭. অসম সাংবাদিকতা বিদ্যালয়ৰ দ্বিতীয় প্ৰতিস্থা দিৱসত অংশ গ্ৰহণ কৰি ডঃ দীনেশ চন্দ্ৰ গোস্বামীয়ে ক’লে-"সমাজ সংশোধনৰ ক্ষেত্ৰত সাংবাদিকৰ দ্বায়িত্ব অপৰিসীম"৷

৮. গুৱাহাটী ক্ৰীড়া সন্থাৰ উদ্যোগত অনুষ্ঠিত হোৱা জীৱেশ্বৰ গোস্বামী এ ডিভিজন ফুটবল লীগত চেম্পয়ন হ’ল গংগা স্পৰ্টছ ক্লাৱঃপৰাস্ত কৰিলে চিটি পুলিচ দলক৷

৯. আজিৰে পৰা অসমত পৃথক ৰাজ্যৰ দাবী কৰা জনগোষ্ঠীয় নেতা সকলৰ সৈতে নতুন দিল্লীত আৰম্ভ হৈছে বিষয়া পৰ্যায়ৰ ত্ৰি-পাক্ষিক আলোচনা৷

১০. বাগসা জিলাত অনুষ্ঠিত আন্তঃ আদিবাসী প্ৰাইজমানী ফুটবল টুৰ্ণামেণ্টত চেম্পয়ন হ’ল ডুমুনী চাহ বাগিচাৰ দশম ক্লাৱ৷

১১. ওড়িশাৰ পুৰীত অনুষ্ঠিত যোগা, হুলা, হুপলা চেম্পিয়নশ্বিপত স্বৰ্ণ পদক জয় কৰিলে নগাঁৱৰ গৌতম শইকীয়া আৰু হাদিয়া ভূঞাইঃ গৌতম হংকংত অনুষ্ঠিত হব লগা আন্তঃৰাষ্ট্ৰীয় প্ৰতিযোগিতালৈকো হ’ল নিৰ্বাচিত৷

১২. অৱশেষত আৰক্ষীয়ে আশাৰাম বাপুক গ্ৰেপ্তাৰ কৰি নিলে নিজৰ জিম্মালৈ৷