লোকেল গুজৱ.কম - অসমীয়াৰ সুখ-দুখ

ইউনিকোডত প্ৰকাশিত অনলাইন দৈনিক

test banner
xukhdukh.com ভাল খবৰ, ভাল সমল
লোকেল গুজৱ.কম

লোকেল গুজৱ.কম

Share This
(হাস্য ব্যংগৰে সত্যৰ সন্ধান)
১. আজি ৩০০কোটি টকীয়া স্বাস্থ্য আঁচনি ঘোষণাৰ জানসংযোগৰ বিজ্ঞাপনত আঁতৰাই দিয়া হ’ল বেমাৰ আজাৰ মন্ত্ৰীৰ ফটো৷ এতিয়াৰ পৰা কেন্দ্ৰীয় আঁচনিৰ ক্ৰেডিটৰ পাটি পইচাও বিভাগীয় মন্ত্ৰীলৈ নিদিয়ে বুলি আই থানত গগৈচাৰে শপত খোৱাৰ গোপন বাতৰি৷
বেছি দিন লগতে নাথাকো
আই অ’ মৰম কৰিবি মোক....

২. কাজিৰঙাত পুনৰ গঁড়ৰ খৰ্গ কটা যোৱাৰ বাতৰি৷ হাবি বন মন্ত্রীয়ে ক’লে- বেছি দিন নাই, অচিৰেই এনে বাতৰিৰ অন্ত পৰিব৷ খৰ্গ কাটিবলৈ আৰু বেছি গঁড় বাকী নাই৷ এতিয়াই এনে বাতৰিত হা-হুমুনিয়াহ কাঢ়ি লবলৈ তেখেতে জনালে কাতৰ আহ্বান, ৰাইজে পাছত আৰু নাপাব সুযোগ বুলি কৰিলে ভৱিষ্যতবাণীও৷

৩. চহৰত গুড নাইট লগোৱা ঘৰতহে ডেংগু হৈছে বুলি সণ্টুষ্টি লভিলে বেমাৰ আজাৰ মন্ত্ৰীয়ে৷ বেছি আধুনিক দেখাবলৈ গৈ আঠুৱা নতৰাৰ চং দিবলৈ যোৱা সকলক প্ৰভুৱে শাস্তি দিবই বুলিও কৰিলে মন্তব্য৷

৪. গুৱাহাটীত পশুকো দিয়া হয় মানুহৰ সম-মৰ্যদা৷ গুৱাহাটীয়া ভেৰি পওৰ নিগমে মুখ্য স্বাস্থ্য বিষয়া পদত পশু চিকিৎসক নিযুক্তি প্ৰদানেৰে বিশ্বৰ আগত পশুক মৰ্যদা দিয়াৰ ক্ষেত্ৰত এক আদৰ্শ স্থাপন কৰিবলৈ সক্ষম হৈছে৷ সেই উদ্দেশ্য বিশ্ব পশু সংস্থাৰ শ্ৰেষ্ঠ মেয়ৰৰ সন্মানৰ বাবে যোগ্য পাত্ৰ ৰূপে গুৱাহাটীয়াক মনোনীত কৰাৰ সুখৰ খবৰ৷

৫. অসমীয়া বাস্তু বিশেষজ্ঞৰ অনশন কাৰ্যসূচীলৈ সহাঁৰি দি টকাক বাস্তু বিজ্ঞানেৰে উদ্ধাৰ কৰিবলৈ সৰ্বদলীয় বৈঠকে সিদ্ধান্ত গ্ৰহণ কৰে৷ এইবাৰ মহাত্মাৰ ছবিৰ ঠাইত ৰাজীৱ গান্ধীৰ ফটো টকাত ছপাবলৈ উপদেশ দিয়াৰ বাবে অসমীয়া বাস্তু শাস্ত্ৰ বিদলৈ ভাৰতৰত্নৰো প্ৰস্তাৱ৷ নতুন টকা গ্ৰহণৰ বাবেই সকলো ব্লেকমানি বজাৰলৈ ওলাই আহিবই লাগিব বুলি সচেতক শৰ্মায়ো কৰিলে গুৰুত্বপূৰ্ণ মন্ত্বব্য৷

৬. বিভিন্ন বিভাগত পৰি থকা সকলো ধন ব্যৱহাৰ কৰি ভগাই বিতাই সোনকালে খাবলৈ নিৰ্দেশ দিলে ৰাইজৰ চৰকাৰে৷ ক’লে কেন্দ্ৰলৈ ঘূৰি যোৱাতকৈ স্থানীয় নেতা, বিষয়া, আমোলাই এইবোৰ ভগাই বিতাই খালেহে ৰাইজৰ একাংশৰ প্ৰকৃত উন্নতি হব৷ মূল্যবৃদ্ধিয়ে কোঙা কৰা সময়ত অহা লক্ষ্মী এনেকৈ উভোতাই পঠোৱাটো কোনো পধ্যেই যুক্তি সন্মত নহয় বুলিও পাত্ৰমন্ত্ৰীয়ে কৰিলে মন্তব্য৷

৭. মেঘালয়ৰ মুখ্যমন্ত্ৰীৰ জাতিৰ প্ৰমাণপত্ৰ ভুৱা বুলি জনস্বাৰ্থ জড়িত আবেদন আহিল উচ্চ ন্যায়ালয়লৈ৷ আবেদকক পাগল বুলি ক’লে মন্ত্ৰীৰ ঘৰৰ চকীদাৰে৷ কাৰণ পাগল নহ’লে আজিৰ দিনত মুখ্যমন্ত্ৰীলৈ কোনেবাই আঙুলি তুলিবলৈ সাহস কৰিবনে বুলিও তুলিলে গুৰুত্বপূৰ্ণ প্ৰশ্ন৷

৮. অচিৰেই এনচিআৰটিয়ে মুকলি কৰিব আশাৰাম বাপু ৰচিত আইনী প্ৰবচনৰ গ্ৰন্থঃ গ্ৰেপ্তাৰৰ পৰা সাত সৰাৰ ৪২০টা কিটিপ সম্বলিত এই প্ৰৱচনখন অহা বসন্ততে উন্মোচন হোৱাৰ পূৰ্ণ সম্ভাৱনা প্ৰকট৷

৯. চিটিবাচৰ ড্ৰাইভাৰক হিৰো আখ্যা দিলে মহানগৰীৰ ৰাইজে৷ হোমগাৰ্ড পিটি গঢ়া নতুন অভিলেখৰ বাবে জ্ঞাপন কৰিলে আন্তৰিক অভিনন্দনো৷ 

১০. চন্দ্ৰপুৰত ঢেকীয়াপতীয়াৰ সন্ত্ৰাস, বাঘ ধৰাৰ দাবী তুলিলে ৰাইজে৷ কইনাধাৰাৰ পৰা ধাৰণা কৰা মতে অশান্তি সৃষ্টি কৰা বাঘটো বিসম্বাদী শিবিৰৰ পৰাই পলাই যোৱা বাঘ হব লাগিব৷ ৰিং মাষ্টাৰৰ দুৰ্দিন চলাৰ বাবে এনেদৰে দুই এটা বাঘে পলাবলৈ আৰম্ভ কৰিছেই বুলিও অনুমান কৰা গৈছে৷

No comments:

Post a Comment