Saturday, June 15, 2013

মহাদুষ্ট পদ্য

গৰমত মৰম সনা পদ্য

#ধ্ৰুৱজ্যোতি শইকীয়া

গৰম গৰম হট হট...
তাতে যত যানযট,
জল জল পট পট,
প্ৰকৃতিৰ খট খট,
ছাইহৈ উৰি যাবি,
জ্বলি এই গৰমত… ৷

আৰে কাট কাট গছ কাট,
বনা খিৰিকি দুৱাৰ খাট,
পাহাৰ সমান কৰি,
নিজৰে শেষ মাত…

থকালৈকে ভৰি ভৰি হাত,
খাবলৈ মুখতে দাঁত,
পহু হাতী গঁড় মাৰি,
নিজৰে শ্ৰাদ্ধ পাত…৷
হোৱাট...?

বাৰিষা আহিলেওঁ,
য'তে ত'তে পানী হয়,
জাবৰৰ জাপ জাপ,
ঠায়ে ঠায়ে বালিময়…

ভাং ভাং শিল ভাং,
কাটি মাৰি খাচতাং
সেউজীয়া শেষ মানে,
সকলো শেষ খাটাং…

গাড়ী ফ্ৰিজ .এচি,
উখ উখ ঘৰ,
তেল বিজুলী শেষ,
য'তে মৰ মৰ…

মাৰি কাটি আজি ঘট,
কাইলৈ চট-ফট,
ছাইহৈ উৰি যাবি,
জ্বলি এই গৰমত… ৷

No comments:

Post a Comment